NEHAMIX 1:7 - Wa Common Language Translation

⁷ Yix hoik yuh ceu pa kied caox ka Maix Cao mai ang lai priex rien ka gumlox pingnyap mai gumlox beenli mai lox tat jhawm prawng pa hoik tawm hoik deuh Maix Cao ka kawncau Maix Mose heue.

NEHAMIX 1:7 Iomraidhean Croise

1 SIMIANG 2:3

Mai priex ti hawt lox tawm jhawm krai Simiang Siyiex maix mai lawng hu daux krax Nawh Cao mai priex ti hawt lox lai beenli pa deuh Nawh Cao mai gumlox pingnyap Nawh Cao mai lox tat jhawm prawng Nawh Cao mai mhai ruk Nawh Cao, awm pa tiiem ti deuh ka daux gumlox been Mose, sonsang haok hwan ting lhaong maix ka daux ceu pa yuh tix khawmuik mai ka can dee hu maix,

2 GRAWNG BEEN 25:4

Viang yuh ka mawx kawx, nawh ang pah ti tik kawn praix kix, viang mawh nan, nawh yuh awm krax pa hoik tiem tix ka daux gumlox beenli pa koe ka daux phuk lai Mose pa hoik tawm Siyiex ti deuh ah nin “Keeing khankix tak ang pon ti yum son kawn tix, kawn khankix tak ang pon ti yum son keeing, pui tak tang yum son phimap cao tix heue.

2 GRAWNG BEEN 27:2

Viang ang nawh laig ka daux nyiex bwan Siyiex kawx, nawh yuh pa khaw caw ka plak sivoe ngai Siyiex awm pa hoik yuh keeing nawh Uziya khawmuik heue. Viang mawh nan, pui khankix kawn ca yuh krax pa caox heue.

EZARAX 7:6

Ezarax in hoik hoek khaing Babulon; mai nawh mawh cao pa min ka lai lox tat jhawm prawng pa hoik tawx Siyiex ceu pui Isarelax ka Mose heue. Simiang hoik cu tix tawx pa mhaing nawh khankix ka nawh, mawh kheu hoik koe plawng taix Siyiex piang nawh heue.

YAOGYAW 106:6

Ex hoik lud awm pa hoik lud tax du ex mai ex hoik yuh phimap mai pa ang rahsee heue.

YAOGYAW 89:31

Phan kix nieb yuh mai ang hawt ka lox tawm beenli Aux khankix,

YAOGYAW 89:32

Aux tak sang teei khaox saux sivied ti gau kix, ka phimap pa lud kix, kheu yuh kix phimap heue.

ISAYAX 1:4

Eue!, ceu pui pa ting phimap phighram, cub pui pa klawm phimap phighram pa cien cub kawn praix pa yuh pa caox caig, kawn praix pa laux leeing; kix hoik tik vud ka Siyiex, kix hoik so kaoh pa song rhawm song rhi, ka Siyiex pa singax singeh ceu pui Isarelax, kix hoik deeh veeh ti ing ka plak khaix heue.

DANYELAX 9:11

Mawh heue, ceu pui Isarelax khawmuik hoik lud mai tang hu khaing been Maix Cao mai ang koe krax cu nghiet ka lox Maix Cao heue. Mawh kheu nan, krax pa jhax lawg mai krax pa tiextu, pa hoik tiiem ti ka daux gumlox been Mose, pa mawh kawncau Siyiex hoik glup piang yix, kheu hoik lud yix ka Nawh Cao heue.

DANYELAX 9:13

Awm pa hoik tiiem tix ka daux gumlox been Mose, krax pa laux leeing in khawmuik hoik bleeh ti hoek piang ex heue. Ex lai ang tie sax yuh krax pa rawg mhaing bwanson ka plak sivoe Siyiex pa mawh Siyiex ex, sonsang pon veeh ex ti hu khaing phimap ex khankix mai koe krax tawng yung ka pa mawh meh Maix Cao heue.

HOSE 9:9

Kix mawh pa kied koe krax laux jhawm, awm ka daux baux singaix ot ka veng Giba heue. Nawh Cao tak deeh doh keud ka phimap kix mai tawx krax kham geu ka son phimap kix heue.

KRUB 27:34

Inkix mawh gumlox tawm pingnyap pa hoik deuh Simiang Siyiex ka Mose, son ceu pui Isarelax khankix piang gawng Sina heue.

ZEPHANIX 3:7

Aux ah nin, “Maix tak sang koe krax lhat graung ka Aux maix tak sang rieb ti teei lox pa sidiex gau khankix, son ang dee ot dee koe maix mawh pa tat ti tik awm pa hoik keud Aux ti deuh, viang mawh nan, pex hoik yaog ti kaoh cao cao mai hoik lud yuh kaing pa hoik yuh tix khawmuik heue.”

MALAKHIX 4:4

“Deeh doh keud ka gumlox beenli Mose pa mawh kawncau Aux, ka gumlox tat jhawm prawng pa hoik tawm Aux ka nawh daux baoh Hawrap son ceu pui Isarelax khankix heue.

PINGNYAP 4:1

“Yam in pui Isarelax eue, nghiet ka lox lai beenli mai lox tat jhawm prawng pa gau aux pex yuh khankix, sonsang im ju pex mai hu laig teei ti cie haktiex pa tawx Simiang Siyiex keeing pex ka pex.

PINGNYAP 4:5

Aux hoik gau pex ka lox lai beenli mai lox tat jhawm prawng awm pa hoik tawm Simiang Siyiex aux ka aux, sonsang hawt yuh pex awm an ka daux haktiex pa teei pex ti cie.

PINGNYAP 5:1

Mose kok ka pui Isarelax khankix ah nin, “Pui Isarelax khankix nghiet heue, lox lai beenli mai lox tat jhawm prawng pa sang krai aux pex mhong daux in singaix, pex tak gau tix ka mai yuh satix ka yuh tix an khankix.

PINGNYAP 6:1

In mawh lox tawm pingnyap mai lox lai beenli mai lox tat jhawm prawng pa hoik tawm Simiang Siyiex pex, sonsang gau aux ka pex mai sonsang hawt pex ti yuh daux haktiex pa tiang pex ti hu teei ti cie,

PLAK JHI 19:2

Pa mawh meh mai pa rahsee mawh krax prawng Nawh Cao heue. Kheu Nawh Cao hoik prawng ka bun ting coh kaux an, pa hoik kieh haktiex seeing brai ka ceu pa lud vao nawh, mai hoik pawk bix nham siliex Nawh khankix, pa lih ka tawm taix nawh heue.”