NEHAMIX 1:6 - Wa Common Language Translation

⁶ Yuh bwanson kieh yhaok Maix Cao mawh pa nghiet mai kieh ngai Maix Cao mawh pa simi ti jhak, ka lox rawg Bwan kawncau Maix plak sivoe Maix Cao yam in ku singaix, son kawn praix ceu pui Isarelax, pa mawh kawncau Maix khankix mai aux khyox khaw krai doh ka grawng phimap kawn praix ceu pui Isarelax khankix, pa hoik lud ka Maix Cao heue. Cub nyiex ma keeing aux mai khawm tokaux cao aux hoik lud heue.

NEHAMIX 1:6 Iomraidhean Croise

1 SIMIANG 8:30

Nghiet ka lox khyox khaw kawncau Maix Cao mai pui Maix Isarelax yam hoek rawg kix bwan ka dee in, nghiet ka lox rawg kix bwan khaing raoma ka dee ot Maix Cao liak, yam mhong Maix ka lox kix, pluat ploi phimap kix liak.

1 SIMIANG 8:47

yam hoek kix ka haktiex dee mawh kix pa giex laung, phan kix doh keud ka pa lud daux rhawm tix mai deeh khyox khaw ka Maix Cao, ka daux haktiex pa viex kix mawh pa giex laung, ah nin, yix hoik lud mai hoik yuh pa caox caig mai pa ang rahsee,

2 GRAWNG BEEN 28:10

Yam in pex sang khin kawn praix meung Yudax mai pui veng Yerusaliem mawh siliex simex siliex bun pex; viang mawh nan, mawh ang pex koe krax lud ka plak sivoe Siyiex Cao pex lie?

2 GRAWNG BEEN 29:6

Mawh kheu keeing ex khankix hoik lud mai hoik yuh pa caox caig ka plak sivoe ngai Siyiex ex; kix hoik tik hoik vud ka nawh mai hoik veeh plakngai tix hu dee singai khaing dee ot dee koe Siyiex mai veeh blawg tix plak nawh cao heue.

2 GRAWNG BEEN 6:40

Yam in, Siyiex eue, aux rawg bwan, kieh ngai maix blah ti jhak mai kieh yhaok Maix nghiet ka lox bwan rawg pa hoik yuh tix ka dah dee in liak!

EZARAX 10:1

Glang yam kawn rawg Ezarax bwan mai glang yam kawn khyox khaw nawh mai yiiem khawm roik rawm ngai tix, gup tix ka plak sivoe ngai nyiex bwan Siyiex, cub pui hun khaing ceu pui Isarelax pa mawh simex, bun mai kawn nyawm khankix, kraix khrawm paox tix hoek ka nawh mai yiiem khawm tug rhawm tix sigrien sigre heue.

EZARAX 10:11

“Mawh kheu nan khyox khaw ka Siyiex keeing pex yam in mai yuh awm lox Nawh Cao, mai gwieh tokaux pex khaing pui haktiex an mai khaing moeng pui tang ceu khankix heue.”

NEHAMIX 1:11

Siyiex eue, yuh bwanson daong yhaok Maix Cao nghiet ka lox bwan rawg kawncau Maix Cao mai lox bwan rawg kawncau mau soi Maix Cao khankix, pa koe krax lhat graung ka min ceu kaux Maix Cao mai tawx krax haok hwan ka kawncau Maix Cao ka daux in singaix mai tawx kix pon krax pa caux rhawm, ka plak sivoe ngai pui in liak. Grawh grawng nawh aux hoik mawh cao pa giex kawk nyaux simiang heue.

YAOGYAW 102:17

Nawh Cao deuh ti tawng lox pa rawg kix bwan, pui pa ang koe dee peung pan khankix, Nawh ang nieb nunai ka pa rawg kix bwan heue.

YAOGYAW 106:6

Ex hoik lud awm pa hoik lud tax du ex mai ex hoik yuh phimap mai pa ang rahsee heue.

YAOGYAW 130:2

Siyiex eue, veeh yhaok Maix, mhong ka lox aux mai nghiet ka lox pa rawg aux bwan liak.

YAOGYAW 32:5

Aux krai doh phimap sivoe ngai Maix, aux ang mox phimap pa lud tix, aux khyox khaw grawng pa lheu aux lox Maix Siyiex heue. Maix hoik pluat ploi phimap pa lud aux heue.

YAOGYAW 34:15

Grawh grawng nawh, ngai Siyiex jhak ka piang pui rahsee khankix mai yhaok Nawh nghiet ka lox pa rawg pa mhaing kix heue.

YAOGYAW 55:17

Yam ponbo, yam ponngawb mai yam pongaix, aux kha rhawm mai ngia mai Nawh Cao mhong lox aux heue.

YAOGYAW 88:1

Siyiex Cao pa taoh aux eue, aux kok yo sivoe ngai Maix ku singaix ku sawm heue.

ISAYAX 6:5

Khaix an aux ah nin “Krax kha rhawm koe ka piang aux, krax keud pot ang lai koe son aux, grawh grawng nawh, aux mawh pui pa ang singax siyieb jheeh tix kaux, mai aux ot sinax pui tix cub pa ang koe krax pa singax siyieb jheeh, mawh kheu ngai aux hoik yaox ka Simiang, pa mawh Siyiex cao kru naing raoma heue.”

YIIEM DOE 5:7

Keeing yix khankix hoik lud mai kix ang lai koe heue. Yix yaox ti kham geu krax pa lud kix heue.

DANYELAX 9:15

Yam in Siyiex pa mawh Siyiex ex eue, Maix hoik viex ceu pui Maix Cao lih hu khaing daux meung Ejiptux, ka taix pa kied ting riang rao tix mai pa hoik yuh min ceu kaux cao tix koe, awm krax pa koe an ka daux singaix in, yix hoik lud mai hoik yuh pa caox heue.

DANYELAX 9:20

Yam kawn sikah kawn rawg, kawn khyox khaw aux ka son phimap tix mai ka son phimap pui Isarelax khankix mai yam kawn pao aux lox pa khyox khaw ti ka plak sivoe Siyiex, ka son gawng pa singax singeh Siyiex aux heue.

DANYELAX 9:4

Aux hoik rawg bwan ka Siyiex, pa mawh Siyiex aux mai hoik deeh doh keud ka phimap tix ah nin, “Siyiex pa kied ting lhaong mai Siyiex pa khaw ti lhat graung kah, pa priex rien ka gumlox sijax mukheu tix mai pa koe krax caux rhawm ka pui an kix pa moh ka Nawh Cao mai ka pui an kix pa priex ti hawt gumlox ping nyap Nawh Cao heue.

DANYELAX 9:5

“Ex hoik lud mai koe phimap. Ex hoik yuh ceu pa caox mai hoik tieh feen ka Maix Cao mai hoik singai hu khaing daux been pa deuh Maix Cao mai khawm lox tat jhawm prawng Maix Cao khankix heue.

DANYELAX 9:8

Siyiex eue, krax kaig tua hoik koe ka plakngai yix, ka simiang yix, ka kawn lauxsimiang yix khankix, mai ka cub keeing yix, kheu hoik lud yix ka Maix Cao heue.

LUKAX 18:7

Siyiex tak ang prawng, ang yuh plak pui pa hoik laug Nawh ti teei, pa kok ka Nawh yam pon singaix mai yam pon sawm, viang ang Nawh khran yuh kawx lie?

LUKAX 2:37

Nawh uik mawh miexmai tidaix pon num, nawh ang lih khaing nyiex bwan, nawh ot tan rawg bwan mai twah pa ih, krub ka Siyiex ku ngaix heue.

EFESUX 2:3

Ex khawmuik kawx hoik rom tau mai kix tix bawg, ka daux pa hawt alo nex nham tokaux tix mai hawt yuh pa simie nex nham mai pa lak keud ti yuh mai ex hoik mawh nang kawn praix pa song rhawm, awm hoik mawh pa deuk khankix heue.

1 TIMOSE 5:5

Bun pa mawh miexmai tete, pa deuk tix kaux khaing mai pa ang koe tidtix, hoik een krax keud pot jun pot tix ka Siyiex mai nied ti rawg bwan mhaing ku singaix heue.

2 TIMOSE 1:3

Aux yaogyaw ka Siyiex, pa yuh aux kaing krub kah, ka daux rhawm dee keud pa singax singeh, awm hoik yuh tax keeing aux khankix, yam doh keud aux ka maix, ka daux pa rawg aux bwan ang jud ang jai khawm ponngaix ponsawm,

1 YOHAN 1:9

Phan ex krai doh grawng phimap ex, Nawh kaux sijax mai rahsee sonsang pluat ploi phimap ex mai sonsang kieh ex singax khaing pa ang rahsee khawmuik heue.

1 SAMOELAX 15:11

“Aux laux rhawm ka hoik kieh tix Sawlux mawh simiang, mawh kheu hoik veeh ti khaing pa hawt khaix Aux mai ang yuh hawt awm lox pingnyap Aux.” Samoelax kied laux rhawm mai nawh yiiem ka plak sivoe Simiang Siyiex leeing sawm.