NEHAMIX 1:5 - Wa Common Language Translation

⁵ Aux rawg Bwan ah nin, “O Simiang, pa mawh Siyiex raoma Siyiex pa kied ting lhaong, pa koe sibrawm pa lhat graung eue, Maix Cao mawh pa priex pa jhung ka gumlox sijax mukheu tix mai caux rhawm ka pui ankix pa moh ka Maix Cao mai pa hawt ti yuh awm pa koe gumlox pingnyap Maix Cao khankix heue.

NEHAMIX 1:5 Iomraidhean Croise

1 SIMIANG 8:23

ah nin, “Simiang Siyiex pui Isarelax eue, ka daux raoma long mai ka piang haktiex in greem raoma, Siyiex pa awm Maix ang lai koe tix kaux kawx mai pa priex rien lox sijax mukheu mai jhi krax pa caux rhawm tix ka kawncau Maix Cao pa hawt grawng lawng khaix Maix Cao khawm rhawm rhi tix ka plak sivoe Maix Cao heue.

1 GRAWNG BEEN 17:21

“Ka piang haktiex in, mawh koe pui tang ceu khankix pa awm pui Maix Isarelax, ka pui pa hoik laug Maix Cao ti teei ka son cao tix, sonsang kieh Maix Cao ceu kaux pa kied ting lhaong tix sidawng mai grawng kaing pa daox deng khankix ka daux pa Maix Cao grheu pui kuceu lih hu khaing plak sivoe pui Maix Cao khankix, pa hoik deeh taoh Maix Cao kix lih khaing haktiex meung Ejiptux lie?

EZARAX 1:2

Sairat simiang haktiex Pasha ah nin, “Siyiex piang raoma hoik tawx meung haktiex can pa koe khawmuik ka aux heue. Nawh Cao hoik tawx lox ka aux, sonsang sum aux nyiex bwan son Nawh Cao tix lhang ka daux veng Yerusaliem ka daux haktiex Yudax heue.

NEHAMIX 2:4

Khaix an simiang ah nin ka aux, “Mawh sang mhaing maix ceu patix?” Mawh kheu nan aux hoik rawg bwan ka Siyiex raoma heue.

NEHAMIX 4:14

Aux jhak ti yaox mai yaog ti kaoh krai ka cub simiang mai ka cub cao kaing mai cub pui pa kawn deuk khankix ah nin, “Paw lhat graung ka kix awx. Doh keud doh ka Siyiex, pa kied ting lhaong mai koe sibrawm pa kied lhat graung ka mai puing naing son puxaik pex, son kawn simex kawn bun pex mai son moeng pex mai son nyiex ma pex khankix heue.”

NEHAMIX 4:8

Kix khawmuik kum paox tix sang yuh pa caox mai hoek puing ka veng Yerusaliem mai kieh pa sivix koe heue.

NEHAMIX 9:32

Mawh kheu nan Siyiex ex eue, Siyiex pa kied ting lhaong, pa kied ting riang rao mai pa koe sibrawm krax lhat graung, pa priex pa jhung ka gumlox sijax mukheu mai krax caux rhawm tix eue, paw kieh krax pa kha rhawm an khankix, mawh pa iak pa lied ka plak sivoe ngai Maix Cao pa hoek piang yix mai ka simiang yix, ka cao giex cao kwang yix mai ka cao giex kaing li yix, ka keeing yix mai ka pui Maix Cao khawmuik, jah ka yam kwang simiang Asurix ka haktiex tom hoek ka daux in singaix heue.

YAOGYAW 47:2

Grawh grawng nawh Siyiex mawh Cao pa ting lhaong khaing khawmuik mai mawh Siyiex pa caw ex tix lhat graung kah, Nawh mawh Simiang pa giex kaing ka piang haktiex khawmuik heue.

YAOGYAW 76:8

Siyiex taoh ka kawn pui haktiex, pa awn rhawm awn rhi khawmuik heue.

YAOGYAW 89:2

Aux tak sang krai koe krax caux rhawm Maix jheung jheung mai sijax mukheu Maix, kaux cong ka piang raoma heue.

YAOGYAW 89:3

Siyiex ah nin, Aux yuh sijax mukheu tau mai kaw pa hoik laug Aux ti teei ka lox tiex tu ka siliex Aux Davit ah nin,

YAOGYAW 89:8

Siyiex Cao kru naing raoma eue, pui pa ting riang rao pa awm Maix ang koe, sijax mukheu Maix pa kaux cong kawx, rob vung viang Maix heue.

LIH HU 20:6

Viang mawh nan, Aux tak jhi krax caux rhawm tix ka pui pa moh ka Aux mai can pui pa priex ti hawt gumlox mukheu Aux khankix tom hoek kaing rheng ju pui.

PINGNYAP 7:12

Mawh kheu jao nghiet maix lox tat jhawm prawng in khankix mai priex rien mai hawt yuh ka an, Simiang Siyiex, Siyiex pex tak yuh sijax mukheu mai krax moh krax rhawm tix ka pex, ka pa hoik tiextu Nawh ka keeing pex khankix,

PINGNYAP 7:21

Paw pex yaoh yee ka kix, mawh kheu Simiang Siyiex, Siyiex pa ot sinax pex mawh Siyiex pa ting sibrawm mai pa lhat graung pui ka.

PINGNYAP 7:9

Mawh kheu nan, kieh pex tawng ka Simiang Siyiex, Siyiex pex mawh Siyiex pa kaux sijax mai pa priex sijax mukheu mai krax moh krax rhawm tau mai pui pa moh ka Nawh Cao mai ka pui pa priex rien pingnyap Nawh Cao tom hoek ju pui kaing rheng,