NEHAMIX 1:4 - Wa Common Language Translation

⁴ Mawh kheu nan yam hoik mhong aux lox ankix, aux ngawm ti yiiem doe mai laux rhawm tom hoik kied rheung singaix; aux twah pa ih mai rawg Bwan ka plak sivoe Siyiex pa ot meung raoma heue.

NEHAMIX 1:4 Iomraidhean Croise

2 SAMOELAX 12:16

Davit deeh khyox khaw ka Siyiex, son kawn tix, Davit twah pa ih mai laig it daux lawg piang tiex leeing sawm.

2 SIMIANG 22:19

“Mawh kheu hoik mhong maix ka lox ghlat Aux ka dee in mai ka pui pa ot baoh tin khankix tak sang lih mawh pa prah ti riem mai pa jhax lawg mai tom koe pa awn rhawm awn rhi mai pa tiiem rhawm mai riah kraung ceep tix yiiem yo ka plak sivoe Aux, mawh kheu nan, Aux tom nghiet ka lox maix, ” In mawh lox ah Siyiex heue.

2 GRAWNG BEEN 6:13

Sawlamon hoik yuh ti deuh grah tawng tix mu, plak lang phwan sawk plak vieh phwan sawk mai plak lhaong loe sawk mai nawh hoik yaog ti deuh daux sigreung biang bang mai nawh cung piang an, grux ngawng tix ka plak sivoe cub pui hun ceu pui Isarelax mai nih taix tix lih ka plak raoma,

EZARAX 1:2

Sairat simiang haktiex Pasha ah nin, “Siyiex piang raoma hoik tawx meung haktiex can pa koe khawmuik ka aux heue. Nawh Cao hoik tawx lox ka aux, sonsang sum aux nyiex bwan son Nawh Cao tix lhang ka daux veng Yerusaliem ka daux haktiex Yudax heue.

EZARAX 10:1

Glang yam kawn rawg Ezarax bwan mai glang yam kawn khyox khaw nawh mai yiiem khawm roik rawm ngai tix, gup tix ka plak sivoe ngai nyiex bwan Siyiex, cub pui hun khaing ceu pui Isarelax pa mawh simex, bun mai kawn nyawm khankix, kraix khrawm paox tix hoek ka nawh mai yiiem khawm tug rhawm tix sigrien sigre heue.

EZARAX 9:3

Mawh kheu nan yam mhong aux grawng ceu in, aux riah kraung ceep tix mai sibex lang jung tix mai aux reeig hauk kaing hauk bheup tix khankix tiblah mai ngawm ka daux pa daox deng tix heue.

EZARAX 9:5

Yam hoek bawg yam pa appong krax tan plak bo, aux yaog ti kaoh khaing pa twah tix pa ih mai kraung hoik griah tix khawm sibex lang jung tix, aux grux ngawng tix mai yaog taix tix ka Siyiex aux,

NEHAMIX 2:20

Mawh kheu nan aux deeh pawk lox kix ah nin, “Siyiex meung raoma tak sang tawx akhwang yix yuh tom hoik heue. Yix pa mawh kawncau Nawh khankix, tak sang deeh sum, viang mawh nang phan mawx pex ang koe nyum ka daux veng Yerusaliem mai ang koe akhwang ti mhaing tidtix.

NEHAMIX 2:4

Khaix an simiang ah nin ka aux, “Mawh sang mhaing maix ceu patix?” Mawh kheu nan aux hoik rawg bwan ka Siyiex raoma heue.

YAOGYAW 102:15

Pui tang ceu khankix tak lhat graung ka ceu kaux Siyiex mai simiang haktiex khankix khawmuik, tak lhat graung ka min plakngai Maix heue.

YAOGYAW 136:26

Yaogyaw ka bwanson Siyiex, Cao raoma, mawh kheu krax caux rhawm Nawh koe jheung jheung leeing ju heue.

YAOGYAW 137:1

Ex ngawm dex praok rawm klawng Babulon khankix mai doh keud ka veng Zion mai yiiem heue.

DANYELAX 10:2

Ka daux singaix ankix, aux pa mawh Danyelax hoik koe krax khi rhawm tom naog loe vang twah heue.

DANYELAX 2:18

sonsang rawg mhaing kix krax caux rhawm ka Siyiex piang raoma, sonsang plak jhi grawng pa raux mox in mai son ang Danyelax mai can paox grawm nawh khankix pon tix laux leeing tau mai pui pa ting pingnya cuyi ka daux haktiex Babulon pa kawn deuk an khankix heue.

DANYELAX 9:3

Mawh kheu nan, aux hoik veeh pakngai tix ka see plak Siyiex, pa mawh Siyiex, khyox khaw mai rawg bwan mai twah pa ih khawm ceep tix chee rhix mai nyaox khankix heue.

YONAX 1:9

Nawh deeh pawk ah nin ka kix, “Aux mawh ceu pui Hebrie, pa lhat graung ka Siyiex raoma, Cao pa phan haktiex mai rawm sigrit sigra mai aux mawh pa to khaing plak sivoe ngai Siyiex heue.”

ZEPHANIX 3:18

Aux tak sang kraix khrawm pui inkix pa ot ka daux sinax maix, pa koe krax khi rhawm ang yaox ti hu yuh pawie pa hoik tat ti deuh khankix, pa mawh pui pa koe beeh glawm ti kham krax salao kheu maix khankix heue.

ROMAX 12:15

Gaux rhawm mai kix pa gaux rhawm mai yiiem grai mai kix pa yiiem grai heue.