NEHAMIX 1:11 - Wa Common Language Translation

¹¹ Siyiex eue, yuh bwanson daong yhaok Maix Cao nghiet ka lox bwan rawg kawncau Maix Cao mai lox bwan rawg kawncau mau soi Maix Cao khankix, pa koe krax lhat graung ka min ceu kaux Maix Cao mai tawx krax haok hwan ka kawncau Maix Cao ka daux in singaix mai tawx kix pon krax pa caux rhawm, ka plak sivoe ngai pui in liak. Grawh grawng nawh aux hoik mawh cao pa giex kawk nyaux simiang heue.

NEHAMIX 1:11 Iomraidhean Croise

YAM JAH 24:42

Aux tom hoek ka rawm daux ah nin, Simiang Siyiex Cao Abraham eue, maix cox daux krax pa hu aux grum mhawm liak,

YAM JAH 32:11

Aux rawg bwan ka Maix, kieh aux luad luan khaing daux tawm taix puxke tix Esaw liak, mawh kheu lhat aux nawh hoek puing yix, tau mai miex kawn nyawm khankix heue.

YAM JAH 32:28

Khaix “Ceu kaux maix tak ang lai kok mawh Yakop, tak deeh kok mawh Isarelax, mawh kheu hoik pon blok maix paox tix ka Siyiex mai kawn pui maix hoik pex heue.”

YAM JAH 40:1

Khaix an cao kaing tawx kawk nyaux simiang mai cao kaing tawx priex ih simiang, lud ka simiang tix meung Ejiptux heue.

YAM JAH 40:2

Pharaw song rhawm ka cao kaing ra kaux, pa mawh cao kaing tawx kawk nyaux mai cao kaing tawx priex ih nawh,

YAM JAH 40:21

Nawh deeh taoh ju cao kaing tawx kawk nyaux nawh mai deeh kieh nawh yuh cao kaing tawx kawk nyaux, nawh deeh yaox ti mawh cao tawx kawk nyaux daux taix Pharaw,

YAM JAH 40:23

Viang mawh nan, cao kaing tawx kawk nyaux ang lai doh keud ka Yosiep mai hoik piawm ka nawh heue.

YAM JAH 41:9

Khaix an cao kaing tawx kawk nyaux ah nin ka Pharaw, “Aux doh keud ka pa lud tix in ngaix heue.

YAM JAH 43:14

Kieh Siyiex pa ting sibrawm tawx krax caux rhawm ka pex sivoe pui an, sonsang deeh ploi nawh puxke pex mai Binyamin heue.”

2 GRAWNG BEEN 6:40

Yam in, Siyiex eue, aux rawg bwan, kieh ngai maix blah ti jhak mai kieh yhaok Maix nghiet ka lox bwan rawg pa hoik yuh tix ka dah dee in liak!

EZARAX 1:1

Ka daux num jah Kurux simiang haktiex Pasha tix kwang ka haktiex, sonsang grum naog gumlox pa hoik krai Siyiex khaing daux jheeh Yeramix, Siyiex hoik so rhawm simiang haktiex Pasha mai kieh nawh krai pao daux meung haktiex nawh kudah dee mai hoik tiem daux lai krai ah nin,

EZARAX 7:6

Ezarax in hoik hoek khaing Babulon; mai nawh mawh cao pa min ka lai lox tat jhawm prawng pa hoik tawx Siyiex ceu pui Isarelax ka Mose heue. Simiang hoik cu tix tawx pa mhaing nawh khankix ka nawh, mawh kheu hoik koe plawng taix Siyiex piang nawh heue.

NEHAMIX 1:6

Yuh bwanson kieh yhaok Maix Cao mawh pa nghiet mai kieh ngai Maix Cao mawh pa simi ti jhak, ka lox rawg Bwan kawncau Maix plak sivoe Maix Cao yam in ku singaix, son kawn praix ceu pui Isarelax, pa mawh kawncau Maix khankix mai aux khyox khaw krai doh ka grawng phimap kawn praix ceu pui Isarelax khankix, pa hoik lud ka Maix Cao heue. Cub nyiex ma keeing aux mai khawm tokaux cao aux hoik lud heue.

NEHAMIX 2:1

Yam kwang simiang Atazarit ka haktiex tixnga num tix num ka daux khix nisan mai aux teei rawm plix siiet deuh ka sivoe ngai nawh mai tawx ankix ka simiang heue. Glang ka in ang sax koe krax laux rhawm plak sivoe nawh tix bawg kawx heue.

NEHAMIX 2:8

mai baox tiiem ti tawx lai tix pheen ka Asapha pa mawh cao pa pau daux nong cie simiang son tak sang tawx nawh khaox an khankix ka aux, pa sang yuh khaox lat siviex tab nyiex bwan pa sitoe tix ka guh veng mai nyiex pa sang ot aux, awm koe plawng taix pa mhawm Siyiex piang aux, simiang kawx tawx ankix ka aux heue.”

YAOGYAW 106:46

Siyiex kieh kix deeh pon krax caux rhawm khaing pui pa hoik viex kix hu khawmuik heue.

YAOGYAW 130:2

Siyiex eue, veeh yhaok Maix, mhong ka lox aux mai nghiet ka lox pa rawg aux bwan liak.

YAOGYAW 61:5

Siyiex eue, Maix hoik mhong ka sijax mukheu pa hoik yuh aux mai Maix tawx sin ka pui pa lhat graung ka ceu kaux Maix khankix ka aux heue.

YAOGYAW 86:6

Siyiex eue, nghiet ka lox pa rawg aux bwan mai caux rhawm ka ceu pa rawg pa mhaing aux liak.

LOX KAB 1:29

Grawh grawng nawh, kix koeng ka cuyi pingnya mai kix ang koe rhawm pa lhat graung kah.

LOX KAB 21:1

Rhawm simiang koe ka daux tawm taix Siyiex, awm rawm klawng, chix kieh vai hu awm koe alo Nawh heue.

YERAMIX 42:12

Aux tak jhi krax caux rhawm tix ka pex mai nawh tak sang caux rhawm piang pex mai tak kieh pex deeh ing ka haktiex cao tix heue.

MALAKHIX 3:16

Yam an pui ankix pa hoik koe krax lhat graung ka Siyiex hoik ra lai krai lox ka paox tix, tix kaux lai tix kaux mai Siyiex hoik nghiet lox ankix heue. Koe phuk lai pa hoik tiiem ti deuh ka plak sivoe Nawh Cao, son pui ankix, pa koe krax lhat graung ka Siyiex mai pui pa koe krax doh keud ka ceu kaux Nawh Cao heue.

HEBRIE 13:18

Rawg bwan son ex awx. Grawh grawng nawh ex yum rhawm grawng dee chix keud ex, ang lai koe dee deuh phimap kah mai ex simie ti yuh pa mhawm ka daux ku ceu khawmuik heue.