NEHAMIX 1:10 - Wa Common Language Translation

¹⁰ Kix mawh kawncau mau soi Maix Cao mai ceu pui Maix Cao pa hoik taoh Maix Cao ti teei ka sibrawm pa kied ting lhaong Maix Cao, mai riang rao plawng taix Maix Cao heue.

NEHAMIX 1:10 Iomraidhean Croise

YAOGYAW 136:12

Nawh teei taix pa ting sibrawm mai nyeu plawng taix tix yuh nan, mawh kheu krax caux rhawm Nawh koe jheung jheung leeing ju heue.

YAOGYAW 74:2

Doh keud ka cub pui Maix khankix dix mai pui pa hoik laug Maix, sonsang mawh sin ang ah mai sonsang ot Maix ka gawng Zion ang ah heue.

YAOGYAW 89:14

Krax pa rahsee mai krax prawng ca Maix, mawh jaong num dang ngeung Maix heue. Krax pa caux rhawm mai sijax mukheu hu sivoe ngai Maix heue.

LIH HU 13:14

“Yam mhaing kawn simex maix grawng inkix daux bawg yam pa sang hoek sax mai nawh tak ah nin, “In mawh patix lie? Maix tak deeh ah nin ka nawh, Mawh kheu taix pa ting riang Siyiex, hoik viex ex lih khaing meung Ejiptux, khaing daux nyiex pa yuh ex siliex.”

LIH HU 13:16

“Inkix tak mawh mhai rug ka daux tawm taix maix mai mawh mhai ka kaing re maix. Grawh grawng nawh Siyiex hoik viex ex lih khaing daux meung Ejiptux, ka taix pa ting riang Nawh heue.”

LIH HU 13:3

Mose ah nin ka pui khankix, “Doh keud ka singaix in, pa mawh singaix lih hu pex khaing meung Ejiptux, khaing daux nyiex yuh pex kaing siliex. Grawh grawng nawh taix ting riang Siyiex, hoik viex pex lih khaing daux haktiex an, pex tak ang pon ti ih ka blah pa sau susaix.”

LIH HU 13:9

In tak mawh mhai rug ka daux tawm taix maix mai son krax doh keud ka kaing re maix, kieh gumlox beenli Siyiex koe daux jheeh pex. Mawh kheu taix pa ting riang Siyiex hoik viex pex lih khaing meung Ejiptux.

LIH HU 15:13

Daux krax caux rhawm Maix, thung pui pa hoik taoh Maix khankix, hu ka riang rao Maix, ka dee ot pa singax Maix.”

LIH HU 32:11

Mose khyox khaw ka Siyiex ah nin, “Siyiex eue, Maix song rhawm ka piang pui Maix khankix yuh ka mawx? Pui inkix mawh pa hoik viex Maix lih khaing haktiex Ejiptux ka sibrawm pa ting lhaong Maix, khawm taix pa ting riang Maix.

LIH HU 6:1

Siyiex ah nin ka Mose, “Yam in maix tak yaox ka pa yuh Aux ka Pharaw, mawh kheu taix pa ting sibrawm Aux nawh tak ploi kix hu tau mai taix pa koe sibrawm Aux, nawh tak grheu kix lih khaing haktiex.”

LIH HU 6:6

“Mawh kheu nan, ah nin ka pui Isarelax, Aux mawh Siyiex, Aux tak viex pex lih khaing greem beeh glawm pa kin khaing pui Ejiptux mai Aux tak taoh pex khaing kaing siliex pa yuh pex mai nyeu plawng taix tix taoh pex khaing krax pa ting ciyang”.

LIH HU 6:7

“Aux tak teei pex mawh pui tix mai Aux tak mawh Siyiex pex, pex tak tawng Aux mawh Siyiex pa viex pex lih khaing greem beeh glawm pa kin yuh pui Ejiptux”.

ISAYAX 64:9

Siyiex eue, paw koe krax pa song rhawm ka liak! mai paw lai deeh doh keud ka phimap pa hoik phit hoik lud an khankix leeing ju liak! yuh bwanson, jhak ti yaox heue, yix khawmuik mawh pui Maix heue.

PINGNYAP 15:15

Maix tak doh keud ka hoik mawh maix siliex ka meung Ejiptux, mai ka hoik taoh Simiang Siyiex ka maix, mawh kheu nan, aux tawm lox ka maix daux in singaix.

PINGNYAP 9:29

Mawh kheu kix mawh pui Maix Cao mai mawh sinngao Maix Cao, pa hoik viex Maix lih hu ka siawp sibrawm pa ting riang rao Maix Cao mai ka plawng taix pa hoik nih Maix Cao heue.