MIKHA 7:9 - Wa Common Language Translation

⁹ Aux tak gun ti kham geu krax pa song rhawm Siyiex, kheu hoik lud aux ka Nawh Cao tom hoek bawg yam chawk cheng nawh son grawng see tix mai prawng ti tawx pa rahsee ka son aux heue. Nawh Cao tak sang viex aux hoek ka daux pa riang mai aux tak sang yaox ka krax pa rahsee Nawh Cao heue.

MIKHA 7:9 Iomraidhean Croise

2 SAMOELAX 24:17

Yam yaox Davit kawncau Siyiex, pa lih hoek ciyang ka pui khankix, Nawh ah nin Aux hoik yuh ceu pa caox, cub yuh in khankix mawh yuh ceu patix, Aux rawg bwan ka Maix Cao kieh taix Maix hoek ngie piang aux mai ka doeh nyiex ma keeing aux khankix.”

YAWBAX 23:10

Viang mawh nan Nawh Cao tawng ka krax hu aux, khaix hoik ciied Nawh Cao ka aux, aux tak lih mhawm awm khri heue.

YAWBAX 35:14

Viang maix ah ang ti yaox Nawh Cao kawx, kheu mawh Nawh Cao pa prawng rahsee mai maix krox jun daux Nawh Cao heue.

YAOGYAW 119:154

Priex aux mai taoh aux liak, kieh aux im ju awm pa koe gumlox Maix liak.

YAOGYAW 37:6

Nawh Cao kieh pa rahsee maix toh awm pa riang mai kieh pa rahsee pa yuh maix jhan riang awm yam jung singaix heue.

YAOGYAW 43:1

Siyiex eue, prawng ca ka see aux mai teem aux ka pui pa ot tang plak pa ang koe krax caux rhawm liak mai taoh aux luan khaing tawm taix pui pa ang kaux sijax mai pui pa ang rahsee liak.

YAOGYAW 7:6

Siyiex eue, kaoh liak, ka daux pa song rhawm Maix, teei riang rao Maix mai tiebtie ka pui pa koeng ka aux liak, siduad ka son aux mai prawng ca ka son aux liak.

YAOGYAW 94:15

Krax prawng ca Nawh mawh pa rahsee mai can pui pa koe rhawm pa rahsee khankix, tak hawt khaix Nawh heue.

ISAYAX 42:16

Aux tak tuk pui duk hu krax pa ang kix tawng, Aux tak thong kix hu ka krax ang kix tawng. Aux tak kieh pa faik mawh pa riang ka plak sivoe kix mai kieh krax vawk mawh pa rauh, Aux tak yuh ceu in khankix ka son kix mai ang tik vud kix.

ISAYAX 42:7

Sonsang paoh ka ngai dug mai sonsang ploi pui pa laig thawng lih khaing daux thawng mai viex pui ngawm daux pa faik lih khaing ka daux nyiex thawng.

ISAYAX 46:13

Aux viex krax taoh hoek phao, ang lai singai, krax taoh Aux ang lai rheung lai koi, Aux tak deuh krax taoh ka piang Zion, son pui Isarelax, pa mawh min pakngai Aux heue.”

ISAYAX 51:22

Simiang maix, pa mawh Siyiex mai pa mawh Siyiex maix, pa hoik prawng ca son pui nawh khankix, ah nin jhak heue, Aux hoik teei kawk nyaux pa hoik koe maix krax pa tu tiex tix ka an pa mawh kawk nyaux krax pa song rhawm Aux, hu khaing daux taix maix, maix tak ang lai yaox ti nyaux khaix in heue.

ISAYAX 56:1

Siyiex ah nin, “Priex rien ka krax pa khaw caw mai yuh ceu pa rahsee heue. Grawh grawng nawh, bwanson krax taoh Aux hoik dex hoek mai krax pa rahsee Aux tak sang mawh pa jhi tix heue.

YERAMIX 10:19

Aux kied kharawm kheu krax mat krax lheet, aux mawh pa kied kin heue. Viang mawh nan, aux ah nin, “In mawh krax pa kied kin saux aux tete mai aux tak caw ti kham geu heue.”

YERAMIX 14:7

Siyiex eue, viang phimap yix hoik kham sakse ka piang yix kawx, yuh awm koe min ceu kaux Maix Cao, mawh kheu ang yix kaux sijax mai yix hoik lud ka Maix Cao lawlawx heue.

YERAMIX 51:10

Siyiex hoik jhi grawng krax pa rahsee ex heue. Hoek mai kieh ex hu krai pao grawng kaing jhaw Siyiex pa mawh Siyiex ex, ka daux veng Zion heue.

YIIEM DOE 1:18

Siyiex mawh pa rahsee heue. Grawh grawng nawh, aux hoik lheu ka gumlox pingnyap Nawh heue. Pui khawmuik eue, nghiet heue. Mai jhak ka krax pa kha aux rhawm tix, bunkrih aux mai pui awn ju aux khankix hoik kham ka krax pa giex laung tix hu heue.

KRUB 26:41

Mawh kheu nan, Aux kawx tak tieh feen ka kix mai hu tawx kix ka haktiex pui koeng kix, phan rhawm pa ang pat hak tix yeen tix tiem mai rieb ka phimap pa yuh tix,

MALAKHIX 3:18

Yam an pex tak sang deeh tawng ti gwieh sinax pui pa rahsee mai pui pa caox caig, sinax pui pa yuh kaing krub ka Siyiex mai pui pa ang yuh kaing krub ka Siyiex heue.

1 KAWRINTHUX 4:5

Mawh kheu nan, paw prawng ca tidtix ka sivoe sang hoek bawg yam nawh, viang mawh nan krox tom yam hoek Simiang, pa tak sang kieh pa riang jhan ka piang ceu pa hoik mox ka daux pa faik khankix mai kieh khawm pa keud daux rhawm rhi khankix sidawng. Yam an kaux pui mawx kaux pui an tak sang pon pa yaogyaw khaing Siyiex heue.

2 TIMOSE 4:8

Jah tom yam in hoik deuh mhok khri pa rahsee son aux, Simiang Siyiex pa mawh cao prawng pa rah pa see tak sang tawx ka aux ka daux singaix an mai ang joeng mawh ngie ka aux viang mawh nan ka khawm pui pa moh ka pa lih bleeh Nawh Cao khawmuik heue.

PLAK JHI 18:20

Raoma mai pex pui pa singax mai kawncau pa ting, mai cao jhai khankix eue, gaux rhawm rawb nawh heue. Kheu Siyiex hoik pawk bix pex ka nawh heue.”

1 SAMOELAX 24:15

“Kieh Siyiex mawh cao prawng see mai prawng ka sinax aux mai maix, mai jhak teem ka see aux mai taoh aux khaing daux taix maix.”

1 SAMOELAX 25:39

Yam mhong Davit ka hoik yum Nabalax nawh ah nin, “Kieh bwanson koe ka Simiang Siyiex, pa hoik kia ngien aux khaing pa sang yaox aux tix kham geu lox sibriem Nabalax mai pa tiebtie Nawh Cao kawn tix khaing pa caox caig, mawh kheu Simiang Siyiex hoik deeh viied ceu pa caox caig pa hoik yuh Nabalax hoek piang kaing cao nawh, mai Davit ploi pui hu mhaing Abigelax, sonsang teei nawh ti moeng kah.

1 SAMOELAX 26:10

Mai Davit deeh ah nin, “Awm im ju Simiang Siyiex Nawh tak tawx krax kham geu ka nawh, phan ang mawh nan, singaix pa yum nawh tak hoek, phan ang mawh nan, nawh tak laux leeing ka daux naing.”

1 SAMOELAX 3:18

Samoelax krai kuceu ka nawh, ang lai mox tix ceu kawx khaing nawh, Elix ah nin, “In mawh Siyiex, kieh Nawh Cao yuh awm pa yaox tix mawh pa mhawm.”