MIKHA 7:8 - Wa Common Language Translation

⁸ Pui koeng aux khankix eue, paw koe krax gaux ka piang aux, yam goh aux, aux tak sang deeh yaog ti kaoh heue. Yam ngawm aux ti ot ka daux pa faik, Siyiex tak sang mawh pa riang ka son aux heue.

MIKHA 7:8 Iomraidhean Croise

YAWBAX 31:29

Phan aux hoik gaux rhawm kheu pa laux leeing pui koeng ka aux mai ja loh tix yam hoik yaox mawh ceu pa caox caig lie?

YAOGYAW 112:4

Son pui pa rahsee khankix, pa riang lih jhan ka daux pa faik, pui pa yuh nan, koe rhawm pa chix yuh bwanson mai koe rhawm pa chix caux rhawm mai koe rhawm pa rahsee heue.

YAOGYAW 143:3

Pui pa koeng khankix, tuktiaktukte ka ju aux, dig ju aux tom hoek siglaing tiex mai kieh aux ot ka daux pa faik awm pui pa hoik rheung yum heue.

YAOGYAW 20:8

Kix sideeing caong mai goh heue, phan mawh ex kaoh cung heue.

YAOGYAW 27:1

Siyiex mawh pa riang aux mai Cao taoh aux, aux sang lhat ka pui mawx? Siyiex mawh riang rao son ju aux, aux sang lhat ka pui mawx?

YAOGYAW 35:19

Pui pa nieb koeng giex going ka aux, paw kieh kix gaux rhawm ka piang aux mai pui pa nieb ciang khoi ka aux, paw kieh nawh khiep ngai tix ka aux liak.

YAOGYAW 37:21

Pui pa ang rahsee khankix, yaog yaing mai ang lai rhawm deeh tawx, phan mawh pui pa rahsee khankix, koe krax pa caux rhawm mai deeh tawx heue.

YAOGYAW 37:24

Pui an viang goh kawx, ang awt hoek krax laux leeing, grawh grawng nawh, Siyiex tok taix nawh heue.

YAOGYAW 38:16

Phan ang mawh nan, ha kix kox gaux rhawm ka piang aux, yam cang klad aux, pui pa ot tang plak khankix,

YAOGYAW 84:11

Siyiex mawh singaix mai Cao pa tiebtie heue. Siyiex mawh Cao pa tawx bwanson mai min plakngai heue. Nawh Cao ang lai tik vud ceu pa mhawm ka son pui pa rahsee khankix tix ceu kawx heue.

YAOGYAW 97:11

Pa riang mawh son pui pa rahsee, krax pa gaux rhawm mawh pa hoik rhuat son pui pa rahsee rhawm rhi heue.

ISAYAX 2:5

Nyiex ma Yokop eue, hoek mai ex hu ka daux pa riang Siyiex heue.

ISAYAX 49:9

Ah nin ka pui pa laung khankix, hoek heue mai ka pui pa ot ka daux pa faik, “Jhi tokaux tix heue, “Kix tak eei ju tix hawt krax laux, ka dee koe rib ka piang dee lhaong mawh dee sawg kix ti ih.

ISAYAX 50:10

Mawh pui mawx ka daux sinax pex pa koe krax lhat graung ka Siyiex lie? Mawh pui mawx pa nghiet lox krai siliex nawh lie? Mawh pui mawx pa lailing ti hu ka daux pa faik mai pa ang koe pa riang, kieh nawh een rhawm tix ka daux ceu kaux Siyiex mai deuh rhawm tix ka Siyiex nawh heue.

ISAYAX 9:2

Pui pa lailing ti hu ka daux pa faik khankix, hoik yaox pa riang pa kied ting mai pui an kix pa hoik ot ka daux haktiex veei pa yum, pa riang jhan riang ka piang kix heue.

YERAMIX 48:27

Grawh grawng nawh, ang hoik mawh pui Isarelax, pa pon krax nunai khaing maix lie? Mawh hoik sax yaox ka nawh daux sinax pui briex lie? Mawh kheu yam krai maix grawng nawh yam mawx ang ah maix hoik vuh vied kaing tix kah heue.

YERAMIX 50:11

Can pui pa yuh sinngao Aux laux leeing khankix eue, “Pex hoik koe krax nyawm rhawm mai hoik koe krax gaux rhawm, awm kawn mawie shiang pa sawm dee klai rib mai hoik riag awm brung mhaing,

YERAMIX 8:4

Khaix an maix tak ah nin ka kix, Siyiex ah nin, “Yam goh pui mawh ang nawh lai deeh kaoh lie? Yam lud pui krax mawh ang nawh lai chix deeh ing lie?

YEZAKELAX 25:6

Siyiex ah nin, mawh kheu dieh pex taix caong tix mai koe krax gaux rhawm tau mai pa boh rhawm boh rhi tix ka haktiex Isarelax,

YEZAKELAX 35:15

“Awm hoik gaux rhawm maix ka laux leeing haktiex sinngao nyiex ma ceu pui Isarelax, Aux yuh ka maix awm an, gawng Sirax eue maix tak laux leeing awm laux leeing haktiex Edom mai can pa koe ka daux nawh khawmuik, khaix an kix tak tawng ka mawh Aux Siyiex heue.

YEZAKELAX 36:5

Siyiex ah nin, “Aux hoik krai grawng in ka daux pa kied song rhawm tix ka ceu pui pa kawn deuk khankix mai ka ceu pui Edom, khawmuik, pa hoik tud rhim ti teei haktiex Aux ka son cao kix sonsang mawh sinngao tix tau mai krax gaux rhawm, tau mai rhawm rhi pa caox caig tix, sonsang pon tud rhim kraung can pa koe daux haktiex nawh heue.”

AMOT 9:11

Ka daux singaix an Aux tak deeh cox sum nyiex gox Davit pa hoik grhup hoik goh mai deeh cox dee pa laux leeing khankix heue. Aux tak sang deeh yaog ti sum dee pa laux leeing nawh mai deeh sum nawh, awm pa koe ka daux singaix an dix heue.

AWBADIX 1:12

Maix tak ang caw ti jeung ngai tix jhak ka daux singaix yaox pux maix krax pa nu pa khawm heue. Maix tak ang caw ti koe krax gaux rhawm ka daux singaix koe krax pa laux leeing ceu pui Yudax mai maix tak ang caw ti sikah lox ting mu ka daux singaix koe kix krax laux rhawm heue.

MIKHA 4:10

Kawn bun Zion eue, kham krax saux ngia mai sau riang tix awm bun pa koe krax saux krax ngia in maix tak sang yaox ti lih hu khaing ka daux veng mai ot ka daux tong kaung mai hu tom hoek ka veng Babulon heue. Maix tak sang pon krax pa luad luan tan, Siyiex tak sang deeh taoh ti teei maix, khaing daux tawm taix pui koeng maix khankix heue.

MIKHA 7:10

Yam an pui pa koeng ka aux, pa hoik sax ah nin ka aux, Siyiex maix pa mawh Siyiex leeing ju koe dee mawx lie? Yam yaox nawh ka ceu inkix krax kaig tua tak sang kheem ka piang nawh, ngai aux tak sang yaox ka nawh, nawh tak sang mawh pa dig tix greem caong, awm glaox pa koe ka piang krax khankix heue.

ZAKHARIX 12:8

“Ka daux singaix an, Siyiex tak sang tieb tie ti priex pui pa ot ka daux veng Yerusaliem khankix mai pui pa iak riang rao daux sinax kix ka daux singaix an, tak sang mawh pa awm Simiang Davit mai nyiex ma Simiang Davit tak sang mawh pa awm Siyiex mai pa awm kawncau Siyiex ka plak sivoe kix heue.

MALAKHIX 4:2

Viang mawh nan, ka pex pa koe krax lhat graung ka ceu kaux Aux, singaix pa rahsee tak sang lih mai krax pa pai jhawm saux ka daux pruik Nawh Cao mai pex tak sang jaloh ti lih hu, awm kawn mawie pa hoik lih khaing daux kawg heue.

MATHIEX 4:16

Pui pa ot ka daux pa faik khankix, pon yaox pa riang pa ting mai piang kix pa ot daux haktiex veei krax yum, pa riang hoik lih jhan heue.”

YOHAN 16:20

Aux krai lox tete ka pex, pex tak sang yiiem grai yiiem riag yiiem yo heue, viang mawh nan haktiex in tak sang gaux rhawm, pex kienie tak sang khi rhawm, viang mawh nan pa khi rhawm pex tak sang pluk pliak ti mawh pa gaux rhawm heue.

YOHAN 8:12

Yam an Yesux baox ah nin ka kix tix bawg, “Aux mawh pa riang haktiex heue. Kaw pa hawt khaix Aux tak ang hu ka daux pa faik, nawh tak sang pon pa riang im ju heue.”

KAWNCAU 26:18

sonsang paoh ngai kix, sonsang deeh tieh kix ti lih khaing pa faik mai hoek ka pa riang mai khaing sibrawm Satan mai hoek ka Siyiex, sonsang pon kix krax pluat ploi phimap mai pon sin tau mai pui pa hoik singax singeh, kheu krax yum rhawm ka daux Aux heue.

2 KAWRINTHUX 4:6

Grawh grawng nawh Siyiex pa hoik ah, “Kieh pa riang lih jhan khaing daux pa faik,” hoik jhan riang ka daux rhawm rhi ex, son sang tawx pa riang krax tawng ka min plakngai Siyiex, ka daux pakngai Yesux Khrit heue.

2 KAWRINTHUX 4:9

Viang tuktiak kawx, ang lai tik lai grham. Viang lah bang lia kawx, ang lai hoek krax laux leeing heue.

PLAK JHI 21:23

Veng an ang lai lo pa jhan riang singaix mai riang khix, grawh grawng nawh mawh min pakngai Siyiex pa kieh nawh riang mai kawn Yung mawh kawk ngu veng an heue.

PLAK JHI 22:5

Tak ang lai baox koe pon sawm tan khaix. Kix tak ang lo pa riang kawk ngu, viang pa riang singaix kawx ang lo, grawh grawng nawh Siyiex tak tawx pa riang ka kixmai kix tak sang giex kaing ku ju leeing ju heue.