MIKHA 7:6 - Wa Common Language Translation

⁶ Grawh grawng nawh, kawn simex yuh krax pa laux min plakngai keeing tix, kawn bun yaog ti simah ka miex tix, mun yuh simah ka miex tix, pui koeng pui mawh pui khaing daux nyiex ma tix tiru heue.

MIKHA 7:6 Iomraidhean Croise

YAM JAH 49:4

awm rawm pa ang chix ot tix dah mai phrit tix lih maix tak ang yaox ti mawh pui pa kaux cong, mawh kheu haok maix ka dee it keeing tix maix hoik kieh ku it keeing tix seeing heue.”

2 SAMOELAX 16:11

Davit deeh ah nin ka Abashie mai kawncau nawh khawmuik, “Jhak heue, kawn simex cao aux, hoik sawg ka ju aux, pui Binyamin in, tak sang nie lheu pon yuh ceu in mie ding, grham nawh, kieh nawh jhax lawg heue, mawh kheu Simiang Siyiex hoik tawm gumlox tix ka nawh.”

YAOGYAW 41:9

Paox grawm pa yum rhawm aux, pa ih blah aux, yaog caong tix tiied ka aux heue.

LOX KAB 30:11

Ceu pui pa jhax lawg ka keeing mai pa ang chix nawb bwanson ka miex tix,

LOX KAB 30:17

Ngai pui pa ah lox pa ang cee cag mai naknon ka keeing tix mai pa ang nghiet lox miex tix khankix, lak pa po daux klawng daux ngawd khankix, tak tut ngai nawh jiiet mai kawn klang preng tak hoek tix ih nex nawh heue.

ISAYAX 3:5

Pui meung khankix tak sang gut yeen paox tix, pui tix kaux mai tix kaux mai paox plawg paox nyawm tak ra lai gut yeen paox tix, kawn nyawm tak ang lai koe krax nab yam ka pui kuad mai pui beuh tak ang lai koe krax nab yam ka pui pa koe min sibrawm khankix heue.

ISAYAX 9:19

Mawh kheu krax song rhawm Siyiex cao kru naing raoma, haktiex hoik mawh pa gleeing tix uik mai pui khankix tak mawh khix sai ngu pa gleeing heue. Puxke mai pux kawx, ang lai lhawk ka paox tix, tix kaux lai tix kaux heue.

YERAMIX 12:6

Grawh grawng nawh, pie puxaik maix mai pui daux nyiex ma keeing maix khankix kawx, hoik yuh krax pa ang kaux sijax ka maix, kix hoik kok yo lox sinum hawt khaix maix, viang kix sikah lox pa mhawm ka maix kawx paw yum rhawm ka heue.

YERAMIX 20:10

Grawh grawng nawh, aux hoik mhong ka lox nunai pui tom nie, koe pa lhat graung ka ku praok, kix ah nin, ex tak sang kao ka nawh heue. Can pui pa meed aux khankix hoik pau tix jhak sonsang sideeing aux caong tix ah nin, ex nyaw glaw ka nawh, sonsang pie ka nawh mai tak sang pon pawk bix piang nawh heue.”

YERAMIX 9:4

“Pui ku kaux tang rien tix ka paox plawg nawh mai ang lai een rhawm ka puxaik tix pie tix kaux kawx heue. Mawh kheu puxaik ankix ku kaux tak sang rhim ka ara puxaik tix khawmuik mai paox plawg pui ku kaux tak lailing mai ah lox sibriem ka paox tix heue.

YEZAKELAX 22:7

Ka daux veng ang lai koe pui pa yungyi ka miex keeing tix daux sigreung maix tix kaux kawx, kix hoik yuh krax tuktiak ka daux sigreung maix, kix hoik yuh pa ang khaw ang caw ka kawn doe mai ka miexmai heue.

AWBADIX 1:7

Pui pa yuh paox pie maix khankix, pie lhen ti ih maix mai kix hu tawx maix tom hoek ka mee praix; pui pa yuh krax pa nhim tau mai maix khankix, tak sang pex ka maix heue. Pui pa ih priex preem tan mai maix khankix, tak taong ti deuh kie ka son maix, ka daux rhawm maix ang lai koe krax lhak krax lhiem ceeix kawx heue.

MATHIEX 10:21

Puxaik tix kaux lai tix kaux tak sang teei ti tawx puxaik tix sonsang pah yum mai keeing kawx tak teei ti tawx kawn tix mai kawn praix khankix kawx tak thiang ka miex keeing tix mai tak pah kix yum heue.

MATHIEX 26:23

Nawh Cao pawk lox ah nin, “Kaw pa hoik cawk taix nawh daux klong tau mai Aux, mawh pa sang tik sang tawx Aux heue.

LUKAX 12:53

Kix tak sang gwieh paox tix, keeing tak ang khaw ka kawn simex tix, kawn simex kawx tak ang khaw ka keeing nawh. Miex tak ang khaw ka kawn bun tix, kawn bun kawx tak ang khaw ka miex nawh. Yiex tak ang khaw ka mun tix, mun kawx tak ang khaw ka yiex nawh heue.”

LUKAX 21:16

Viang mawh miex keeing pex, puxaik, ru, paox grawm khankix kawx, tak sang teei ti tawx pex mai tak sang plaux pex yum tix blah heue.

YOHAN 13:18

Ang Aux krai grawh grawng pex khawmuik. Aux tawng pui pa hoik laug Aux heue, viang mawh nan yuh ka mawx sonsang naog lox Phuk lai singang khri pa ah nin, Kaw pa ih blah Aux, yaog loek caong tix tiied ka Aux heue.