MIKHA 7:12 - Wa Common Language Translation

¹² Ka daux singaix an, pui tak sang khrawm ti hoek ka maix, khaing Asurix mai khaing veng meung Ejiptux khankix, khaing rawm klawng ting meung Ejiptux, khaing rawm sigrit sigra in tom hoek ka rawm sigrit sigra an mai khaing gawng in tom hoek ka gawng an khankix heue.

MIKHA 7:12 Iomraidhean Croise

ISAYAX 11:11

Ka daux singaix an, Siyiex tak sang baox nyeu taix tix ka piang an ra bawg tix bawg, sonsang deeh taoh ka pui pa kawn deuk ceu pui Nawh Cao, pa kawn prah tix ka meung Asurix mai meung Ejiptux, meung Patarot meung Khushax, meung Elam meung Shina meung Hamat mai khaing klawn tiex khankix pa koe daux rawm sigrit sigra heue.

ISAYAX 11:16

Daux krax ting tak sang koe tix nyaing, son pui pa kawn deuk ceu pui Nawh Cao khankix, pa kawn deuk khaing meung Asurix, awm hoik koe krax son ceu pui Isarelax khankix, ka daux singaix lih kix khaing daux meung Ejiptux heue.

ISAYAX 43:6

Aux tak ah nin, ka caong ma laong ploi heue mai ah nin ka caong ma seh, paw teei tix priex, viex cub kawn simex Aux hoek khaing dee singai mai kawn bun Aux khaing dee sidah sidu haktiex.

ISAYAX 49:12

Jhak heue, cub pui in tak hoek khaing dee singai, tiblah tak hoek khaing plak laong mai plak klip singaix mai tiblah kaoh khaing haktiex Sinim.

YERAMIX 23:3

Aux tak deeh khrawm cub kawn yung Aux pa kawn deuk khankix khaing haktiex pa hoik grheu Aux kix lih mai deeh viex kix hoek ka daux kawg yung kix mai kix tak baox pre nie haoh hun heue.

YERAMIX 3:18

“Ka daux singaix an, nyiex ma ceu pui Yudax tak yuh paox pie tau mai nyiex ma ceu pui Isarelax khankix mai kix tak hoek tau mai paox khaing haktiex plak laong mai hu ka haktiex pa hoik tawx Aux, mawh sinngao ka keeing kix heue.”

YERAMIX 31:8

Jhak heue, Aux tak sang viex kix hoek khaing haktiex plak laong mai deeh khrawm kix hoek khaing dee sidah sidu haktiex, ka daux sinax kix koe pui pa dug ngai mai pui laux caong, bun koe kaux mai bun pa kham jhawm saux yha, khawm pui pa kied haoh hun tak sang deeh hoek tan heue.

YERAMIX 46:27

Viang mawh nan, kawncau Aux Yakop eue, paw lhat graung, ceu pui Isarelax khankix eue, paw laux rhawm, grawh grawng nawh, jhak heue, Aux tak deeh taoh maix khaing dee pa kied singai mai khawm doeh ru maix khaing haktiex pa hoik yaox kix ti mawh pa giex laung, ceu pui Yakop tak dee hoek mai krax nyawm rhawm, pui tix kaux kawx tak ang lai pon kieh nawh koe krax lhat graung heue.

YEZAKELAX 29:21

Ka daux ngaix an, Aux tak kieh nyiex ma ceu pui Isarelax kuah rung mai Aux tak paoh jheeh maix sonsang sidiex gau maix ka daux sinax kix. Khaix an kix tak tawng ka mawh Aux Siyiex heue.”

YEZAKELAX 37:21

“Khaix an ah nin ka kix, Siyiex ah nin, Aux tak teei ceu pui Isarelax khaing sinax ceu pui ka dee hoik hu kix mai tak khrawm kix hoek khaing ku praok ku dawn mai viex kix laig ka daux haktiex cao kix,

HOSE 11:11

Kix tak nied ti hoek, awm sim sai khaing meung Ejiptux, awm sikaux pa hoek khaig haktiex Asurix heue. Aux tak kieh kix ot ka daux nyiex kix heue. Siyiex ah nin heue.