MIKHA 7:10 - Wa Common Language Translation

¹⁰ Yam an pui pa koeng ka aux, pa hoik sax ah nin ka aux, Siyiex maix pa mawh Siyiex leeing ju koe dee mawx lie? Yam yaox nawh ka ceu inkix krax kaig tua tak sang kheem ka piang nawh, ngai aux tak sang yaox ka nawh, nawh tak sang mawh pa dig tix greem caong, awm glaox pa koe ka piang krax khankix heue.

MIKHA 7:10 Iomraidhean Croise

2 SAMOELAX 22:43

Yam an, aux krid kix phawng awm phawng tiex pa phlu bhaung mai klup ti tik kix daux krax awm nyheu nyhawk.

YAOGYAW 109:29

Pui pa koeng ka aux khankix, kieh kix ceep ka ceu pa lhat mai pa kaig tua, kieh kix pie lhen min plakngai pa laux ka tokaux tix, awm pa fua ka prux heue.

YAOGYAW 115:2

Mawh kheu patix pui tang ceu khankix ah nin, “Siyiex kix koe dee mawx?”

YAOGYAW 18:42

Yam an aux krid kix phawng awm phawng tiex pa phlu bhaung, aux klup ti tik kix ka daux krax awm nyheu nyhawk heue.

YAOGYAW 35:26

Can pui pa gaux rhawm yam yaox aux krax khi rhawm khankix, kieh kix hoek krax pa kaig tua mai voi plakngai liak. Pui pa yaw ka tokaux tix, tak sang ceep kraung pa kaig tua mai laux plakngai heue.

YAOGYAW 42:10

Pui pa koeng ka aux khankix, ca chawk ah nin ka aux, Siyiex maix koe dee mawx? Kix salao ka aux mai simie ti raig si-ang aux pot heue.

YAOGYAW 42:3

Rawm ngai aux lih ti mawh pa ih aux ku singaix ku sawm yam chawk pui tang kaux ka aux ah nin, Siyiex maix koe dee mawx?

YAOGYAW 58:10

Pui pa rahsee khankix, tak gaux rhawm yam yaox kix krax pa ciyang yuh nan mai tak khoek caong kix ka daux nham pui pa ang rahsee khankix heue.

YAOGYAW 79:10

Mawh kheu patix, pui tang ceu khankix ah nin, Siyiex kix koe dee mawx? Maix prawng ca ka nham pui Maix, pa hoik teei pui tang ceu khankix, sidawng ka sivoe ngai ex liak.

YAOGYAW 92:12

Pui pa rahsee khankix, tak ting pang lang lhax awm khaox jhie yaong mai ting lhaong haok hwan awm khaox piakvan, pa koe ka piang gawng Lebanon heue.

ISAYAX 26:11

Siyiex eue, viang Maix hoik yaog taix ix kawx, kix ang cu ti jhak ti simi, viang mawh nan, kix tak yaox mai koe krax kaig tua, ka hoik koe rhawm rhi Maix ka pui khankix; ngu tak sang gleeing ti tik ka pui koeng Maix khankix heue.

ISAYAX 41:25

Aux kieh pui tix kaux lih khaing caong ma laong mai hoek khaing plak lih singaix, nawh tak kok ka ceu kaux Aux mai nawh dig ka cub simiang, awm dig cao yuh aw tiex ka glaox.

YERAMIX 49:15

Mawh kheu Aux tak sang yux maix mawh ceu pui pa iak ka daux sinax ceu pui khankix mai pa nunai pui khankix ka heue.

YERAMIX 51:24

Siyiex ah nin, “Aux tak deeh viied phimap pa yuh pui veng Babulon mai pui pa ot ka daux haktiex Khaladie khawmuik, son grawng pa caox caig yuh kix ka veng Zion, plak sivoe ngai pex heue.”

YERAMIX 51:51

Ex hoik kaig tua kheu hoik mhong ex lox pa nunai pui heue. Krax kaig krax tua hoik kheem ka ngai ex, kheu hoik laig pui tang ceu khankix ka dee singax singeh nyiex bwan Siyiex heue.

YEZAKELAX 7:18

Kix tak sang rawd nyoi tix ka chee rhix pa kawm, krax lhat graung tak kheem ka kix, krax kaig tua tak koe ka piang ngai baox kix mai kix tak khlao kaing tix pak khawmuik heue.

DANYELAX 3:15

Yam in phan pex baox mhong lox sinum luah teet, shiao, ting si, kraung, pi byang mai ting plah khaox khankix, tau mai lox lai rhax khankix kuceu phan pex gup ti krub ka riang grang pa hoik yuh aux ti deuh an tak mawh ceu pa mhawm heue. Viang mawh nan, phan pex ang cu ti krub ka an, pex tak mawh pa taing ti sau ka daux glah ngu pa kied hax an dom mawx dom an heue. Mawh Siyiex mawx pa tak sang pon taoh ti teei pex khaing daux tawm taix aux lie?”

YOLAX 2:17

Kieh cao giex kaing li pa yuh kaing jhaw Siyiex khankix, yiiem sinax sidub nyiex mai dee koe khu dee tan mai ah nin “Siyiex eue, caux rhawm ka pui Maix liak lox salao, son ang pui tang ceu pon ti kwang piang kix, maix lai sang grham pui tang meung ah nin, Siyiex kix koe dee mawx lie?”

AWBADIX 1:10

Mawh kheu kin krax pa yuh maix ka piang pux tix Yakop, krax kaig tua tak sang kheem ka piang maix mai maix tak sang mawh pa hoik tat ti tik leeing ju heue.

AWBADIX 1:12

Maix tak ang caw ti jeung ngai tix jhak ka daux singaix yaox pux maix krax pa nu pa khawm heue. Maix tak ang caw ti koe krax gaux rhawm ka daux singaix koe krax pa laux leeing ceu pui Yudax mai maix tak ang caw ti sikah lox ting mu ka daux singaix koe kix krax laux rhawm heue.

MIKHA 4:11

Yam in ceu pui tom nie hoik deeh khrawm ti hoek ka maix, pa mawh pui pa ah nin, kieh veng Zion mawh pa seeing brai mai kieh ngai ex yaox ka ceu pa yaox nawh ti kham heue.

MIKHA 7:8

Pui koeng aux khankix eue, paw koe krax gaux ka piang aux, yam goh aux, aux tak sang deeh yaog ti kaoh heue. Yam ngawm aux ti ot ka daux pa faik, Siyiex tak sang mawh pa riang ka son aux heue.

ZEPHANIX 3:15

Siyiex hoik teei krax ciyang maix khankix luan mai Nawh Cao hoik teei ti tik pui koeng maix luan heue. simiang ceu pui Isarelax, pa mawh Siyiex, ot ka daux sigreung maix heue. Maix tak ang lai yaox krax pa laux leeing khaix in baox pie tix bawg kawx heue.

ZAKHARIX 10:5

Kix tak sang mawh pa awm pui pa kied ting riang ting rao khankix, pa dig ka pui koeng kix, ka daux ung glaox pa koe ka daux krax khankix ka daux naing heue. Kix tak sang puing naing, mawh kheu Siyiex ot tau mai kix mai pa brug brung khankix, tak sang mawh pa kaig pa tua heue.

MALAKHIX 1:5

Ngai pex tak sang yaox mai pex tak ah nin “Siyiex mawh pa koe min plakngai sibrawm ka mee haktiex Isarelax heue.”

MALAKHIX 4:3

Pex tak sang dig ka pui pa caox caig. Kix tak sang awm nyaox greem tiag caong pex, ka daux singaix hoik tat Aux ti deuh. “Siyiex cao kru naing raoma ah nan heue.

MATHIEX 27:43

Nawh een rhawm ka Siyiex, kieh Siyiex taoh Nawh yam in, phan Nawh koe alo ka Nawh. Mawh kheu hoik ah Nawh, Aux mawh Kawn Siyiex heue.”

YAWSUX 7:9

“Grawh grawng nawh, ceu pui Khananix khankix mai can pui pa ot ka daux haktiex ankix khawmuik tak mhong ka grawng inkix mai kix tak lai lawm ka yix mai teei ti tik min ceu kaux yix khaing ka piang haktiex in heue. Khaix an, Maix Cao tak yuh ceu patix, ka son min ceu kaux pa kied ting Maix Cao lie?”

PLAK JHI 18:20

Raoma mai pex pui pa singax mai kawncau pa ting, mai cao jhai khankix eue, gaux rhawm rawb nawh heue. Kheu Siyiex hoik pawk bix pex ka nawh heue.”