MIKHA 7:1 - Wa Common Language Translation

¹ Aux koe krax kha rhawm heue. Grawh grawng nawh, aux hoik awm plix khaox ruh uik pieh tix bawg yam rung praix mai awm plix siiet pa kawn deuk khankix khaix hoik pieh mai ang lai koe sigleem plix siiet pa chix ti ih heue. Ang lai koe plix ruh pa teem phao voe, ka pa koe rhawm rhi aux ti ih heue.

MIKHA 7:1 Iomraidhean Croise

YAOGYAW 120:5

Aux koe krax kha rhawm, yam ot ka daux haktiex Mesiek mai ka daux nyiex gox Keda heue.

LOX KAB 20:6

Pui tom nie khankix, chix krai ka bwanson pa hoik yuh tix, viang mawh nan, mawh pui mawx pa pon sawg ti yaox ka pui pa kaux sijax lie?

ISAYAX 17:6

Can pa khrawm tix tak kawn deuk ang lai nie, pui hoik tawm pieh pui ka plix khaox salon pa koe plix khaox ra loe mu ka choek rao kak nawh mai pa koe plix khaox pon phwan mu piang kak khaox pa kied mhawm nawh khankix, Siyiex ceu pui Isarelax ah nin heue.

ISAYAX 24:13

Yam tak sang koe krax pa awm an ka daux sigreung haktiex daux sinax pui khankix, tak mawh awm pa vung viang ka khaox Sanlon mai awm plix siiet pa kawn deuk khaix pieh heue.

ISAYAX 24:16

Kieh min pakngai koe ka cao pa rahsee, ex hoik mhong lox lai rhax khaing dee sidah haktiex ah nin, viang mawh nan, aux ah nin ka heue. Aux mawh pa hoik laux leeing mai hoik laux hoik leeing heue. Aux koe krax kha rhawm heue, pui pie lhien khankix yuh krax pie lhien mai pui pie lhien khankix yuh krax pa kied pie lhen heue.

ISAYAX 28:4

min pakngai mhawm grang pa fit awm pruh tai, pa ot choek gawng daux lung, awm plix ruh liang ti plix sivoe rung praix, yam yaox pui ka mai teei ti ih yam hoek ka daux taix nawh.

ISAYAX 6:5

Khaix an aux ah nin “Krax kha rhawm koe ka piang aux, krax keud pot ang lai koe son aux, grawh grawng nawh, aux mawh pui pa ang singax siyieb jheeh tix kaux, mai aux ot sinax pui tix cub pa ang koe krax pa singax siyieb jheeh, mawh kheu ngai aux hoik yaox ka Simiang, pa mawh Siyiex cao kru naing raoma heue.”

YERAMIX 15:10

Miex aux eue, Aux koe krax kha rhawm, kheu hoik keh maix aux, mawh pui pa koe krax simah simiang mai pui pa thung thiang piang haktiex khawmuik heue. Aux ang sax tawx taik rom sonsang pon tix rao mai pui khankix kawx ang sax tawx taik rom sonsang pon rao ka aux. Pui ku kaux koe krax jhax lawg ka aux heue.

YERAMIX 24:2

Ka daux khrawng tix mu koe plix ruh pa kied mhawm awm plix ruh pa teem phao voe mai ka daux khrawng an tang mu, hoik koe plix ruh pa kied laux pa ang lai chix ih ka heue.

YERAMIX 4:31

Mawh kheu Aux hoik mhong lox pa awm lox ngia bun keh pa ang sax keh kawn tix mai lox ngia pa saux nawh awm bun pa liang ti keh kawn tix, awm an lox yo kawn bun veng Zion ka daux pa ngia nawh pa neh taix tix ah nin, “Aux koe krax kha rhawm yam in heue. Aux kied koe krax pa laux rhawm kheu jao grawng cao pa pah pui khankix heue.”

YERAMIX 45:3

maix ah nin, kieh krax kha rhawm hoek ka aux yam in heue, grawh grawng nawh, Siyiex hoik baox naok krax laux rhawm piang krax pa laux rhawm aux heue. Aux taug mao mai hoik ngia tom ang aux lai yaox dee laux lee tix heue.

YERAMIX 5:1

“To hu to hoek ka daux krax daux veng Yerusaliem, hawt jhak mai sawk ti yaox ka plak praix khawm plak taoh plak caw khankix, sonsang pon ti yaox pui pa hawt ti yuh pa rahsee mai pa mawh meh, pie tix kaux tan mai Aux tak pluat ploi phimap veng Yerusaliem an heue.

HOSE 9:10

Aux hoik yaox ka ceu pui Isarelax, awm plix siiet pa koe ka daux tiagtu mai Aux yaox keeing pex khankix, awm plix ruh pa liang ti teem piang khaox ruh bawg yam rung praix heue. Kix hu ka Balapeawrax mai gwieh ti deuh tokaux tix ka siyiex Balax pa mawh pa kaig tua, kix hoik lih ti mawh pa seeing brai awm ceu pa hoik moh kix heue.

SIMIN 18:13

Plix khaox pa liang ti teem khaing daux haktiex kix khawmuik, pa viex kix hoek ka Simiang Siyiex, tak mawh cie maix, pui pa singax singeh khaing daux nyiex ma maix ku kaux, tak pon ti ih.