MIKHA 6:9 - Wa Common Language Translation

⁹ Siyiex kok yo ka veng in, pui pa koe pingnya cuyi tak sang lhat graung ka ceu kaux Nawh Cao heue. Nghiet heue, mawh pui mawx pa hoik tat ti deuh khaox sivied lie?

MIKHA 6:9 Iomraidhean Croise

2 SAMOELAX 21:1

Sibhawm praix sidiiet tix loe num glang yam kwang Davit ka haktiex, Davit chawk grawng ceu an ka Simiang Siyiex mai Simiang Siyiex deeh pawk ka nawh ah nin, “An hoik lih ti koe kheu jao Sawlux mai kheu jao paox nyiex pa hoik kieh nham pui jauh, mawh kheu hoik pah nawh ka pui veng Gibeon khankix.”

YAWBAX 10:2

Aux tak ah nin ka Siyiex, paw nyang ciyang aux liak jhi aux yaox grawng deuh Maix Cao phimap ka aux heue.

YAWBAX 23:14

Grawh grawng nawh ka son aux Nawh Cao yuh tix tawx pa hoik tat ti deuh tom grum naog mai ceu an khankix tom nie koe tau mai Nawh Cao heue.

YAWBAX 5:17

“Jhak heue, pui pa hoik ciied hoik thi Siyiex kah, mawh pa koe bwanson, mawh kheu nan, paw koe ceu pa sibriem, ka ceu pa hoik cox cao pa ting sibrawm mawh pa mhawm awx.

YAOGYAW 107:43

Pui pa koe cuyi pingnya khankix, kieh tawng ka grawng bwanson krax pa caux rhawm Siyiex heue.

YAOGYAW 48:10

Siyiex eue, awm hoik tah hu ceu kaux Maix ka piang haktiex tom sidah, min plakngai Maix kawx, kieh sidah heue. taix khawn dawm Maix hoik grum naog ka been li pa rahsee heue.

YAOGYAW 83:18

Kieh kix tawng ka ceu kaux Maix tix kaux khaing pa mawh Siyiex tix kaux khaing, Cao pa ting ka piang haktiex khawmuik liak.

YAOGYAW 9:16

Siyiex yuh tokaux Nawh sidawng ka daux pa prawng ca tix heue. Pui pa ang rahsee khankix, deeh sivu ka kaing pa hoik yuh tix tiru heue.

LOX KAB 22:3

Pui pa koe satix, nawh grux tawng ka see ceu pa khi rhawm pa sang hoek piang tix mai chix mox tix heue. Pui pa ang koe pingnya, hu awm pa hu nawh mai hu yaox see krax khi rhawm heue.

ISAYAX 26:11

Siyiex eue, viang Maix hoik yaog taix ix kawx, kix ang cu ti jhak ti simi, viang mawh nan, kix tak yaox mai koe krax kaig tua, ka hoik koe rhawm rhi Maix ka pui khankix; ngu tak sang gleeing ti tik ka pui koeng Maix khankix heue.

ISAYAX 27:10

Viang mawh nan veng pa kaux cong an, tak mawh pa yiien hu pui, dee ot dee koe khankix mawh pa tik pa vud tix mai pa hoik prah tix awm daux tiagtu heue. Kawn mawie iak tak rhiex ka dee an mai noi tix ka dee an mai ih ka nyoig khaox heue.

ISAYAX 30:27

Jhak heue, ceu kaux Siyiex hoek khaing dee singai, pa hax krax song rhawm Nawh Cao, ka daux paiawm ceep haok ka dee lhaong; siyieb jheeh Nawh naog mai pa song rhawm mai dak Nawh awm ngu pa gleeing.

ISAYAX 66:6

Lox pa sinum siaox khankix ka daux veng mai koe lox pa lih khaing daux nyiex bwan, mawh lox pa deeh viied Siyiex ti tawx ka pui koeng Nawh khankix heue.

ISAYAX 9:13

Pui khankix ang lai deeh veeh tix hoek ka Nawh Cao, pa tawx krax ciyang ka kix mai kix ang lai sawg ti yaox ka Siyiex Cao kru naing raoma heue.

YERAMIX 26:18

“Mikha pui yaong Moreshiet hoik gruh krai lox jhai ka daux baux ju singaix Hezakiyax simiang meung Yudax mai krai ka pui haktiex Yudax khankix ka daux pa ah nin, Siyiex Cao kru naing raoma ah nin, gawng Zion tak thai ti awm gwang kaung, veng Yerusaliem tak sang mawh pum tiex khankix mai gawng nyiex bwan kawx tak sang awm nong yu heue.”

YERAMIX 26:6

Aux tak kieh nyiex bwan in awm Shilaw mai tak kieh veng in mawh dee jhax lawg ceu pui piang haktiex khawmuik.”

YERAMIX 47:7

Mawh kheu Siyiex hoik tawx lox ka nawh, sonsang yuh lawx piang veng Ashakelon mai ka haktiex praok rawm sigrit sigra nawh sang chix ot yawg ti yuh ka mawx lie? Nawh Cao hoik yaog ti deuh nawh yuh kaing ceu an tan heue.”

YEZAKELAX 7:9

Ngai Aux tak ang lai koe pa lhawk mai Aux tak ang lai koe kra caux rhawm, Aux tak sang deeh viied ka maix, awm krax yuh maix mai pa seeing brai maix khankix, tak sang koe sigreung pex heue. Khaix an maix tak tawng ka mawh Aux Siyiex, pa tawx krax ciyang heue.

HOSE 13:16

Veng Samarix mawh pa tang klawm phimap tokaux tix, kheu hoik tieh feen nawh ka Siyiex Cao nawh heue. Kix tak goh ti yum ka vaig, kawn ngie kix tak sang mawh pa kham krax blat ti yum mai bun pa koe kaux kix khankix tak kham pa pih ti doh daux vaig heue.”

HOSE 14:9

Pui mawx pa koe pingnya cuyi kieh nawh tawng ka ceu inkix, pui mawx pa koe krax lhak lhiem, kieh nawh tawng ka inkix khawmuik, grawh grawng nawh, daux krax Siyiex mawh pa rahsee, pui pa rahsee, tak hawt lawng ka daux an kix, viang mawh nan, pui pa lud tak sideeing caong tix ka daux an kix heue.

AMOT 2:5

Aux tak sang ploi ngu hoek ka piang haktiex Yudax, pa tak sang proe ti tik nyiex haw khankix pa koe ka daux veng Yerusaliem heue.”

AMOT 6:1

Pa ot nyawm nyiem ka daux veng Zion mai pa een rhawm tix ot kaux cong ka gawng Samarix, ka kaw pa ting min khankix, pa mawh cao kaing ting ka daux ceu pui, ka pa peung nyiex ma ceu pui Isarelax khankix kah, tak koe krax kha rhawm heue.

MIKHA 3:12

Mawh kheu jao grawng pex, gawng Zion tak sang mawh pa thai tix awm gwang kaung tix gwang, veng Yerusaliem tak sang lih ti mawh pum tiex pa laux leeing mai gawng nyiex bwan in tak sang awm gawng daux tiagtu heue.

MIKHA 6:10

Ka daux nyiex pui pa ang rahsee kawn koe kraung sinngao pa ang rahsee khankix mai kawk tong pa iak ceu pa seeing brai ang mawh lie?

MIKHA 6:8

Kawn pui eue, Nawh Cao hoik jhi maix yaox ka ceu pa mhawm mai mhaing Siyiex ceu patix khaing maix lie? Mawh son pa yuh maix krax pa rahsee mai sonsang moh ka krax pa caux rhawm mai sonsang koe krax pa tiem rhawm mai hu tix tau mai Siyiex ang mawh lie?

ZEPHANIX 3:2

Nawh ang nghiet ka gumlox Siyiex, nawh ang rieb ti teei krax pa sidiex gau ceu pa mhawm, nawh ang een rhawm tix ka Siyiex, nawh ang greed tix dex mai Siyiex tix heue.

PLAK JHI 3:19

Ka can kix pa moh Aux ka, Aux ah ka mai sivied ti gau ka heue. Mawh kheu nan nied ti coca mai doh keud ka phimap tix awx.