MIKHA 6:8 - Wa Common Language Translation

⁸ Kawn pui eue, Nawh Cao hoik jhi maix yaox ka ceu pa mhawm mai mhaing Siyiex ceu patix khaing maix lie? Mawh son pa yuh maix krax pa rahsee mai sonsang moh ka krax pa caux rhawm mai sonsang koe krax pa tiem rhawm mai hu tix tau mai Siyiex ang mawh lie?

MIKHA 6:8 Iomraidhean Croise

YAM JAH 18:19

“Mawh kheu hoik tawng Aux nawh mai nawh tak sidiex gau ka kawn praix tix mai can pui pa koe daux nyiex ma nawh, khaix in sax heue, kix tak hawt grawng lawng khaix Simiang Siyiex mai yuh pa rahsee mai pa khaw caw heue. Awm gumlox Nawh Cao Nawh tak sang viex ceu inkix hoek ka Abraham heue.”

YAM JAH 5:22

Khaix hoik pon nawh Mathusalax, Enawk hawt hu tau mai Siyiex been loe yieh num, nawh baox pon kawn simex kawn bun khankix heue.

2 GRAWNG BEEN 30:11

Viang yuh nan kawx, pui khankix khaing baoh haktiex Asha, Manashe mai baoh haktiex Zebulun khankix hoik yuh tokaux cao tix tiiem mai hoek ka veng Yerusaliem tan heue.

2 GRAWNG BEEN 32:26

Khaix an, Hezakiyax deeh doh keud kheu koe nawh pa lhaong rhawm, nawh mai can pui pa ot daux veng Yerusaliem khankix, yuh tokaux cao tix awn sonsang ang krax pa song rhawm Siyiex lai pon ti hoek piang kix ka daux singaix ju Hezakiyax heue.

2 GRAWNG BEEN 33:19

Lox bwan rawg nawh mai grawng pa hoik rieb Siyiex ti teei krax pa khyox khaw nawh mai phimap pa lud nawh khankix mai baoh dee pa sum nawh ti deuh dee pa lhaong khankix mai dee deuh nawh khaox riang grang Asherax mai riang rao pa hoik saik tix khankix, sivoe ang nawh nyang bax deeh kieh tokaux cao tix tiiem, grawng ceu ankix, hoik mawh pa tiiem ti deuh daux sinax gumlox phuk lai Hozie heue.

2 GRAWNG BEEN 33:23

Nawh ang lai yuh tokaux tix tiiem ka plak sivoe Siyiex, awm pa hoik yuh keeing nawh Manashe tokaux cao tix tiiem; viang mawh nan, Amon baox nie lheu lud hu sipie heue.

2 GRAWNG BEEN 34:27

“Mawh kheu hoik awn rhawm maix mai yuh maix tokaux cao tix tiiem ka plak sivoe Siyiex yam ghlat Nawh Cao ka son dee in mai ka son ceu pui pa ot dee in khankix mai mawh kheu jao hoik viex mai krax tiiem rhawm cao tix ka plak sivoe Aux mai riah kraung ceep cao tix mai hoik yiiem ka plak sivoe Aux, Aux baox deeh mhong ka lox sikah maix, Siyiex ah nan heue.

NEHAMIX 9:13

“Maix cao lih piang gawng Sina mai sikah tau mai kix khaing raoma mai hoik tawx been pa rahsee khankix mai ka lox tat jhawm prawng pa mawh meh, khawm lox lai beenli pa mhawm mai gumlox tawm pingnyap khankix,

YAOGYAW 101:1

Siyiex eue, aux rhax lai grawng krax pa caux rhawm Maix mai krax prawng ca hawt beenli pa rahsee, sivoe ngai Maix heue.

YAOGYAW 112:4

Son pui pa rahsee khankix, pa riang lih jhan ka daux pa faik, pui pa yuh nan, koe rhawm pa chix yuh bwanson mai koe rhawm pa chix caux rhawm mai koe rhawm pa rahsee heue.

YAOGYAW 112:9

Nawh hoik gwieh ti tawx ka pui pa hot sibhawm khankix mai krax pa rahsee nawh, kaux cong jheung jheung mai tak yaog min plakngai nawh ting lhaong heue.

YAOGYAW 37:26

Nawh koe rhawm pa chix caux rhawm jheung jheung mai tawx yaog yaing ka pui mai kawn praix nawh khankix, tak pon bwanson heue.

YAOGYAW 73:28

Phan mawh aux, greed tix hoek dex mai Siyiex mawh pa mhawm son aux heue. Aux deuh rhawm ka Siyiex mai krai grawng pa yuh Nawh ka pui khawmuik heue.

LOX KAB 21:3

Siyiex khaw rhawm ka pa yuh ceu pa rahsee mai pa prawng ca rahsee, nie lheu khaw rhawm khaing ceu pa tan heue.

SIDIEX 12:13

Gumlox ghoik mawh yuh nin; lhat graung ka Siyiex mai priex tix hawt ka gumlox tawm pingnyap Nawh Cao khankix, mawh kheu in mawh beeh glawm kawn pui khawmuik heue.

ISAYAX 56:1

Siyiex ah nin, “Priex rien ka krax pa khaw caw mai yuh ceu pa rahsee heue. Grawh grawng nawh, bwanson krax taoh Aux hoik dex hoek mai krax pa rahsee Aux tak sang mawh pa jhi tix heue.

ISAYAX 57:15

Grawh grawng nawh, cao dee lhaong mai cao pa kied lhaong, pa koe leeing ju, pa ceu kaux mawh pa singax singeh, ah nin, “Aux ot ka dah dee lhaong mai dee pa singax, ot tau mai pui pa koe krax pa kied laux rhawm mai pa koe rhawm awn rhawm tiiem, sonsang kieh khwan pa koe krax pa awn rhawm khankix deeh im ju mai sonsang kieh rhawm pui pa laux rhawm khankix deeh im ju heue.

ISAYAX 66:2

Siyiex ah nin, ceu an kix khawmuik, ceu pa lih ti koe khawmuik mawh pa yuh taix Aux heue. Viang mawh nan, ka ceu pa tak sang jhak Aux, mawh pui pa hot pa shia, pa koe rhawm awn rhawm tiem, pa koe krax laux rhawm mai pa koe krax graung ka gumlox Aux heue.”

YERAMIX 22:16

Nawh hoik prawng ca ka pui hot shia mai pui cud cha, mawh kheu an hoik mawh ceu pa mhawm heue. Siyiex ah nin, Ang an hoik mawh pa tawng pa yung ka Aux lie?

YERAMIX 22:3

Siyiex ah nin, “Prawng ca ka daux pa rahsee mai deeh taoh ka pui pa kham krax tud rhim khankix lih khaing daux tawm taix pui pa yeen ya. Paw yuh krax lud krax loe mai paw yuh krax pa kin ka nyo sinie mai ka pa ang koe miex koe keeing mai miexmai khankix mai paw kieh nham pui pa ang koe map koe grham jauh ka dee in heue.

YERAMIX 9:23

Siyiex ah nin, “Paw kieh pui koe pingnya cuyi yaw rangdi ka daux pingnya cuyi tix, paw kieh pui ting riang rao yaw rangdi ka daux pa ting riang rao tix mai paw kieh pui pa magmi yaw rangdi ka daux pa magmi tix khankix,

YIIEM DOE 3:26

An mawh pa mhawm ka pui pa een rhawm tix ka Nawh Cao mai yiien yawg ti krox jun bwanson krax taoh Siyiex heue.

YEZAKELAX 16:63

Aux tak pluat ploi ka can pa lud pa hoik yuh maix khankix, viang mawh nan, yam doh keud maix ka phimap an mai maix tak kaig tua tom ang tix lai pon ang jheeh tix, Siyiex ah nin heue.

YEZAKELAX 33:14

Yam deeh ah Aux nin ka pui pa caox caig maix tak yaox ti yum tete, phan nawh deeh veeh khaing pa caox caig yuh tix mai yuh awm pa koe ka daux lox lai beenli mai yuh ceu pa rahsee,

DANYELAX 4:37

Yam in, aux Nebukhaneza hoik tawx krax pa yaogyaw bwanson mai krax pa yungyi nab yam tix ka simiang daux raoma mai can kaing pa yuh Nawh khankix mawh ceu pa mawh meh khawmuik mai daux krax Nawh khankix kawx, mawh pa rahsee heue. Can pui ankix pa hu ka daux krax ting rhawm khankix, Nawh Cao pon yuh ti kieh tiem tom hoek ka plak greem heue.”

HOSE 12:6

Mawh kheu nan, deeh ing hoek ka Siyiex maix, priex ti hawt ka daux krax pa caux rhawm mai ka daux krax pa rahsee mai krox jun ka Siyiex maix sijheung heue.

HOSE 6:6

Aux khaw rhawm ka krax pa caux rhawm mai ang khaw rhawm ka krax tan pa appong mai khaw rhawm ka daux krax tawng yung ka Siyiex, lheu khaing krax tan pa gleeing khankix heue.

KRUB 26:41

Mawh kheu nan, Aux kawx tak tieh feen ka kix mai hu tawx kix ka haktiex pui koeng kix, phan rhawm pa ang pat hak tix yeen tix tiem mai rieb ka phimap pa yuh tix,

AMOT 5:24

Kieh ngie krax pa rahsee lih hu awm rawm mai kieh krax pa mawh meh awm rawm klawng pa kied riex riang heue.

MIKHA 6:9

Siyiex kok yo ka veng in, pui pa koe pingnya cuyi tak sang lhat graung ka ceu kaux Nawh Cao heue. Nghiet heue, mawh pui mawx pa hoik tat ti deuh khaox sivied lie?

ZEPHANIX 2:3

Pex pa koe rhawm awn rhawm tiiem ka piang haktiex khankix, pa hoik priex ti hawt gumlox tat jhawm prawng Siyiex khankix eue, pex sawg ka Siyiex heue. Sawg ka krax pa rahsee sawg ka krax pa tiiem rhawm rhi, phan yuh nan ka daux singaix lih krax song rhawm Siyiex, pex nieb pon mox tix nie.

ZAKHARIX 7:9

“Siyiex Cao kru naing raoma ah yuh nan, “Prawng ca ka daux krax pa mawh pa meh, jhi krax caux rhawm mai yuh ti tawx krax pa koe bwanson, ka puxaik tix ku kaux daux pui heue.

MATHIEX 5:3

“Pui pa hot daux khuan khankix koe bwanson heue, kheu Meung Raoma mawh cie kix.

MATHIEX 5:7

Pui pa chix caux rhawm khankix koe bwanson heue, kheu kix tak pon ceu pa caux rhawm.

LUKAX 10:42

Viang mawh nan, lo ngie tix ceu khaing, Marix hoik laug ti cie ceu pa mhawm an, pa tak ang teei khaing nawh heue.”

LUKAX 11:42

“Viang mawh nan, Pharishie khankix eue, pex tak kha rhawm, kheu pex tan taux lhax sioe mai sidah sidim kuceu, kao son tix son mai ang pex keud grawng pa prawng ca mai krax moh krax rhawm Siyiex. Viang mawh ceu in khankix kawx pex khaw ti yuh mai ang khaw ti grham ti ang yuh tang ceu an khankix heue.

LUKAX 12:14

Viang mawh nan Nawh Cao chawk ah nin ka kaw an, “Pui eue, mawx pa kieh Aux mawh cao prawng cao gwieh ka piang pax?”

LUKAX 6:36

Mawh kheu nan, awm Keeing pex koe krax caux rhawm, pex kawx kieh koe krax caux rhawm heue.”

ROMAX 7:16

Mawh kheu nan phan aux yuh ceu pa ang aux simie ti yuh, aux hoik rieb ti teei grawng lox lai beenli mawh pa khaw caw heue.

ROMAX 9:20

Pui pa deeh pawk lox thiang ka Siyiex, “Siyiex eue, maix mawh mawx?” Ceu pa hoik phan hoik yuh, tak sang ah ka Kaw pa phan pa yuh tix, “Maix lai yuh aux awm in yuh ka mawx lie?”

1 KAWRINTHUX 7:16

Pa mawh moeng eue maix chix tawng grawng pa sang pon taoh, ang maix pon taoh, ka mex tix yuh ka mawx? Phan ang mawh nan, pa mawh mex eue maix chix tawng pa sang pon taoh, ang maix pon taoh, ka moeng tix yuh ka mawx?

EFESUX 4:32

Pex tix kaux lai tix kaux caux rhawm ti yuh pa mhawm ka paox tix, viex pa awn rhawm awn rhi, pluat ka phimap paox tix, awm hoik pluat Siyiex phimap pex ka daux Cao Khrit heue.

PINGNYAP 27:10

Mawh kheu nan maix tak cu nghiet ka lox Simiang Siyiex maix mai hawt ti yuh gumlox pingnyap Nawh Cao mai ka gumlox been Nawh Cao khankix, pa tawm aux ka maix, ka daux in singaix heue.

PINGNYAP 30:15

“Jhak heue, aux hoik deuh krax im ju mai pa mhawm, krax yum mai pa caox caig plak sivoe maix daux in singaix,

KAWLAWSIE 3:12

Awm pui pa hoik laug Simiang Siyiex, pa singax singeh, pa moh kah, pex ceep ceu pa moh rhawm, pa caux rhawm, pa mhawm rhawm, pa tiem rhawm tiem rhi, pa awn rhawm awn rhi, pa lang gun lang yeung heue.

2 THESALONIX 2:16

Kieh tokaux Simiang ex Yesux Khrit mai Keeing ex Simiang Siyiex, pa hoik moh ex mai hoik tawx ex krax nyawm rhawm leeing ju mai krax keud pot jun pot pa mhawm ka daux bwanson,

YAKOP 2:20

Pui pa nieb keud nieb ce eue maix tak chix tawng grawh grawng krax yum rhawm pa ang koe krax twah klaung mawh pa yum lie?

YAWSUX 24:14

Mawh kheu nan, yam in koe krax lhat graung ka Siyiex leeing ju mai krub ka Nawh Cao ka daux krax pa koe rhawm rahsee tix mai ka daux krax pa mawh pa meh heue. Tik siyiex ankix, pa hoik krub keeing pex khankix nawh, ka plak toi rawm klawng an mai ka daux haktiex meung Ejiptux ka daux singaix heue. Krub ka Siyiex leeing ju awx.

1 PETRUX 3:8

Lox pa ghoik mawh nin. Kieh pex khawmuik koe rhawm tix mu, pa koe rhawm khi mai pa chix khu rhawm paox tix mai pa koe krax moh krax rhawm awm puxaik khankix mai pa koe krax caux rhawm mai pa koe krax awn rhawm heue.

1 SAMOELAX 12:23

Lheu khaing an phan mawh aux pa yuh phimap mai pa ang rawg bwan ka Simiang Siyiex son pex, kieh singai khaing aux, aux tak sidiex pex ka pa mhawm mai krax pa rahsee.

1 SAMOELAX 15:22

Samoelax ah nin, “Mawh pa khaw rhawm Simiang Siyiex ka krax tan pa gleeing mai krax tan pa appong khaing pa cu nghiet ka lox Simiang Siyiex lie? Jhak heue, krax cu nghiet nie lheu mhawm khaing krax pa appong mai pa nghiet nie lheu mhawm khaing khlawp bee yung mhaing.