MIKHA 6:6 - Wa Common Language Translation

⁶ Aux tak hoek ka plak sivoe Siyiex mai grux ti krub ka plak sivoe Siyiex pa kied ting kied lhaong tau mai ceu patix nie? Mawh tak sang hoek aux ka Nawh Cao tau mai krax tan pa gleeing khankix mai khawm kawn mawie iak pa koe ju tix num lie?

MIKHA 6:6 Iomraidhean Croise

2 SAMOELAX 21:3

Mawh kheu nan, Davit deeh ah nin ka pui Gibeon an khankix, “Aux tak yuh ceu patix ka son pex mai aux tak yaox ti yuh pa khyox khaw phimap ceu patix, sonsang pon pex ti deeh nawb bwan piang sinngao cie Simiang Siyiex.”

YAOGYAW 116:12

Bwanson pa hoik yuh Siyiex ka aux kuceu khawmuik, aux tak sang deeh pon viied yuh ka mawx?

YAOGYAW 22:29

Can kix pa mi pa koe khankix, deuh rhawm ka pa ih tix mai can kix pa hu daux phawng tiex ang krox ka ju tix, kix tak grux ngawng ti krub ka Nawh Cao heue.

YAOGYAW 95:2

Yaogyaw bwanson Nawh, hu plak sivoe ngai Nawh mai ah lox rhax yaogyaw mai kok yo lox sinum ka Nawh heue.

YAOGYAW 95:6

Hoek heue, ex num ti krub ka Nawh mai grux ngawng sivoe ngai Siyiex, Cao pa phan pa deuh ka ex.

LIH HU 12:5

kawn yung an tak mawh pa ang koe dee mat dee pliag mai kieh mawh kawn yung mhaing pa ang nyang naog tix num. Tak teei khaing yung khankix, phan ang mawh nan khaing pex khankix.

LIH HU 23:15

“Maix tak yuh pawie blah pa ang sau susaix, pawie Azumax, maix tak ih blah pa ang sau susaix aliah singaix, awm gumlox pa hoik tawm Aux ka maix, bawg yam hoik tat Aux ti deuh daux khix Abibalax, mawh kheu daux khix an maix hoik lih hu khaing meung Ejiptux. Pui tix kaux kawx ang pon ti hoek plak sivoe ngai Aux mai taix yi tix.”

LOX KAB 15:8

Siyiex seeing ka krax tan pui pa ang rahsee khankix. Siyiex khaw rhawm ka lox rawg bwan pui rahsee khankix heue.

LOX KAB 21:3

Siyiex khaw rhawm ka pa yuh ceu pa rahsee mai pa prawng ca rahsee, nie lheu khaw rhawm khaing ceu pa tan heue.

ISAYAX 40:16

Ang kub yuh khix ka Lebanon mai ang kub yuh krax tan pa gleeing ka totiag.

YERAMIX 6:20

Pex lai viex Lawpan khaing haktiex Shebax mai ox mex pa tie khaing haktiex pa kied singai, khankix hoek ka Aux yuh ka mawx lie? Krax tan pa gleeing pex ang lai rieb mai krax tan pa appong pa nyawm cie pex kawx Aux ang lai khaw rhawm ka heue.”

YEZAKELAX 46:9

Yam hoek pui haktiex ka plak sivoe Siyiex, ka daux pawie bawg yam pa hoik tat ti deuh, pui pa laig ka siviex baoh plak laong khankix, sonsang krub ka Siyiex tak yaox ti lih hu ka daux siviex plak seh, mai pui pa laig ka daux siviex plak seh, tak yaox ti lih hu ka daux siviex baoh plak laong, nawh tak ang pon ti deeh ing ka daux siviex pa hoek tix, viang mawh nan, nawh tak lih hu daux diang siviex pa koe sivoe nawh heue.

DANYELAX 3:26

Khaix an simiang Nebukhaneza hu hawt dex daux moing glah ngu pa kied hax an ah nin, “Shadariet, Meshak mai Abedanego, pa mawh siliex Siyiex pa kied ting lhaong eue, lih mai hoek tin!” Shadriet, Meshak mai Abedanego, khankix hoik lih khaing daux glah ngu heue.

DANYELAX 4:9

Balatashaza, pa mawh cao kaing ting cub pui pa koe pingnya cuyi khankix eue, kheu tawng aux koe khwan singax Siyiex ka daux maix mai ceu pa raux mox ankix ang lai mawh pa nu pa khawm ka maix,

DANYELAX 5:18

Simiang eue, Siyiex pa kied ting lhaong hoik tawx keeing maix Nebukhaneza koe meung haktiex mai sibrawm krax kwang mai sibrawm mai min plakngai heue.”

DANYELAX 5:21

“Nawh hoik mawh pa grheu tix lih khaing ka daux kawn pui khankix mai rhawm nawh hoik tieh loh tix awm rhawm totiag khankix mai ot tau mai la tiag khankix heue. Nawh sawm rib riem awm mawie khankix mai tokaux nawh hoik caux ka rawm ciex pa kaoh khaing daux raoma, tom hoek daux bawg yam hoik tawng nawh ka kwang Siyiex pa kied ting lhaong ka daux meung haktiex kawn pui khankix mai yaog ti deuh can pui pa koe rhawm Nawh Cao ti deuh kwang piang meung haktiex heue.”

HOSE 5:6

Kix tak sang viex phung yung mai phung mawie kix hu sawg ti yaox Siyiex, viang mawh nan, kix tak ang lai yaox ka Nawh Cao heue. Nawh Cao hoik deeh veeh tokaux tix hu khaing kix heue.

AMOT 5:22

Viang pex tan ti tawx krax tan pa gleeing mai krax tan phawng nghox ca im ka Aux kawx, Aux tak ang lai rieb ti teei ankix mai Aux tak ang lai koe krax dex dawd tau mai to brie kluing pa tan pex ti tawx son krax tan pa nhim khankix heue.

SIMIN 7:51

son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu,

MATHIEX 19:16

Khaix an, pui tix kaux hoek ka Nawh Cao ah nin, “Sara cao gau eue, sonsang pon aux ju leeing ju, aux tak yuh pa mhawm, ceu pa yuh ka mawx lie?”

MAKUX 12:33

Pa moh Nawh khawm rhawm khawm rhi khawmuik mai pa chix tawng khawmuik mai khawm riang rao khawmuik mai pa moh paox plawg paox nyhawm tix awm moh tokaux tix, nie lheu khaing pa tan khawmuik, pa gleeing ka ngu heue.”

MAKUX 5:7

Nawh kok yo lox sinum ah nin, “Yesux, Kawn Siyiex pa ting lhaong khaing khawmuik eue, aux koe pa yuh mai Maix ceu patix? Aux khyox khaw ka Maix ka daux ceu kaux Siyiex, paw vi tuktiak ka aux liak.”

LUKAX 10:25

Jhak heue, cao prawng cao tawng lai been tix kaux kaoh cung sonsang cheuk sang nyaw ti yaox Nawh Cao, chawk ah nin, “Sara Cao Gau eue, sonsang pon aux sin ju leeing ju, aux tak sang yuh ka mawx?”

YOHAN 6:26

Yesux baox pawk lox ah nin ka kix, “Aux krai lox tete ka pex, pex sawg Aux kheu hoik yaox pex mhai pa daox am ang mawh, viang mawh nan mawh kheu hoik pon pex ti ih blah tom sak heue.

KAWNCAU 16:17

Nawh hawt khaix Pawlux mai ex, yo ah nin, “Pui in khankix mawh siliex Siyiex pa ting khaing khawmuik, pa sidiex gau ka pex grawng krax pa sang hoek krax taoh heue.”

KAWNCAU 16:30

Nawh viex kiex lih plak praix mai chawk ah nin, “Simiang eue, aux tak sang yuh ka mawx sonsang hoek krax taoh?”

KAWNCAU 2:37

Yam mhong kix lox an, dung ka rhawm kix mai kix chawk ah nin ka Petrux mai kawncau pa ting tang kaux khankix, “Puxaik khankix eue, ex tak sang yuh ka mawx?”

EFESUX 3:14

Mawh kheu jao in aux tom grux ngawng rawg bwan ka Keeing Simiang ex Yesux Khrit,

HEBRIE 10:11

Cao giex kaing li ku kaux cung ku singaix, tix ngaix hoik tix ngaix yuh kaing krub mai tan ka ceu pa tan pa awm paox tix law lawx, pa ang tau ti chix teei ti tik ka phimap tix bawg kawx heue.

1 SAMOELAX 15:22

Samoelax ah nin, “Mawh pa khaw rhawm Simiang Siyiex ka krax tan pa gleeing mai krax tan pa appong khaing pa cu nghiet ka lox Simiang Siyiex lie? Jhak heue, krax cu nghiet nie lheu mhawm khaing krax pa appong mai pa nghiet nie lheu mhawm khaing khlawp bee yung mhaing.