MIKHA 6:5 - Wa Common Language Translation

⁵ Ceu pui Aux khankix eue, doh keud ka ceu pa hoik yuh Balak, pa mawh simiang haktiex Mawbax mai lox pa hoik deeh pawk Balam, pa mawh kawn simex Bawrax ka nawh, khawm ceu pa yaox pex jah ka veng Shittim tom hoek ka veng Gilagalax, sonsang kieh maix tawng ka krax pa mawh meh Siyiex heue.

MIKHA 6:5 Iomraidhean Croise

YAOGYAW 111:4

Nawh Cao kieh ceu pa daox am khankix, mawh son pa tak sang doh keud mai Siyiex grum koe rhawm pa chix yuh bwanson mai rhawm pa chix caux rhawm heue.

YAOGYAW 143:11

Siyiex eue, kieh aux im ju kheu ceu kaux Maix liak, teei ju aux lih khaing ka daux pa kha rhawm awm pa rahsee Maix liak.

YAOGYAW 36:10

Krax pa moh pa caux rhawm Maix koe ka piang pui pa tawng ka Maix, kieh pa rahsee Maix, koe ka piang kix pa koe rhawm rahsee liak.

YAOGYAW 71:19

Siyiex eue, krax pa rahsee Maix mawh pa kied ting kied lhaong heue. Siyiex eue, pui mawx tak awm Maix?

ISAYAX 1:27

Veng Zion tak mawh pa pon krax taoh kheu pa rahsee mai pa deeh doh keud ka phimap tix ka daux pa mawh meh heue.

SIMIN 22:41

Ka daux singaix pasax Baliet kok ka Balam mai viex nawh haok ka dee pa singax dee koe siyiex Balax, khaing tan nawh pon simi ti jhak ka pui Isarelax pa ot dee dex heue.

SIMIN 23:27

Mai Baliet ah nin ka Balam, “Hoek heue, Aux tak viex maix hu ka tang dah, Aux bak an mawh pa khaw pa caw rhawm Siyiex, sonsang jhax lawg maix kix, son aux ka dee an.”

SIMIN 25:1

Yam ot pui Isarelax khankix ka daux Shittim mai pui khankix jah ti koe pa lud pa vao tau mai kawn bun ceu pui Mawbax.

SIMIN 25:2

Bun khankix kok pui hoek ka dee yuh kix krax tan ka siyiex tix, pui khankix ih ka pa tan kix mai krub ka siyiex kix.

SIMIN 31:16

Jhak heue, bun khankix hoik kieh pui Isarelax lud ka daux pa hawt krax keud krax sawn pa kaoh khaing Balam mai tieh feen lud kix ka Simiang Siyiex ka kaing jhaw siyiex Pegurax mai jhawm saux preng hoik hoek ka piang pui hun cie Simiang Siyiex,

SIMIN 31:8

Kix pah simiang pui Midian phwan kaux, pa mawh Ewix, Rekin, Zurax, Hurax, Rebax, mai kix baox pah Balam kawn simex Bawrax ka vaig.

SIMIN 33:49

Kix bang hawt rawm klawng Yawdan, jah ka veng Betyesimot tom hoek ka veng Abelashitin ka daux lung haktiex Mawbax heue.

EFESUX 2:11

Mawh kheu nan doh keud grawh grawng pex pa mawh pui tang ceu ka daux nex nham, kix pa mawh pa pat hak ka daux nex nham, pa hoik yuh ka taix, kok mawh pa ang pat hak,

PINGNYAP 16:3

Maix tak ang pon ti ih blah pa sau susaix tau mai an aliah ngaix maix tak ih blah pa ang sau susaix pa mawh blah krax kha rhawm, grawh grawng nawh maix hoik lih sijaox khaing meung Ejiptux. Maix tak doh keud ka singaix lih maix khaing meung Ejiptux, glang singaix im ju maix.

PINGNYAP 23:6

Pex ang pon ti tawx pa nhim ka kix mai krax magmi khankix baux singaix im ju pex leeing ju.

PINGNYAP 8:18

Kieh pex doh keud ka Simiang Siyiex, Siyiex pex, mawh kheu Nawh mawh pa tawx siawp sibrawm riang rao krax magmi ka pex, sonsang kaux cong sijax mukheu pa tiextu Nawh ka keeing pex khankix, awm pa koe daux in singaix.

PINGNYAP 8:2

Doh keud ka pa hoik thong Simiang Siyiex pex, ka krax hu pex ka daux tiag tixpon num, sonsang kieh Nawh Cao koe rhawm awn rhawm tiiem mai cheuk cheu rhawm pex mawh pa yuh ka mawx mai sonsang tawng ka priex rien pex ka lox tawm pingnyap mai ang priex rien ka.

PINGNYAP 9:7

Doh keud mai paw piawm ka grawng pa hoik kieh maix Simiang Siyiex song rhawm ka daux tiag, jah ka singaix lih maix khaing daux meung Ejiptux, tom hoek ka dee in maix hoik mawh pa tieh feen ka Siyiex.

YAWSUX 2:1

Yam in, Yawsux pa mawh kawn simex Nun, briex ploi pui ra kaux lih hu khaing daux tiag Akashax, sonsang hu mox kiex ti jiang mai nawh ah nin ka kiex. “Hu jhak ti yaox ka haktiex pa mawh veng Yerikho. Mawh kheu nan kiex lih hu hoek ka daux nyiex bun coh kaux, pa mawh ceu kaux Rahap mai kiex peung daux nyiex nawh tan heue.

YAWSUX 3:1

Khaix an, Yawsaux yaog ti kaoh ka daux plak ponngawb caocao mai kix lih khaing daux tiag khaox Akashax mai hoek ka rawm klawng Yawdan heue. Nawh mai kawn praix ceu pui Isarelax khankix hoek ti bang sivoe sang tiang kix ti hu ka plak toi rawm.

YAWSUX 4:19

Yam in, pui khankix hoik haok khaing daux rawm klawng Yawdan, ka daux khix tix kao singaix mai kix hu pan baoh Gilagalax, pa koe mee haktiex plak lih singaix khaing veng Yerikho heue.

2 PETRUX 2:15

Kix hoik prah grham krax pa rahsee. Kix hoik lud krax mai hawt hu krax Balam kawn simex Bawsaw, pa moh ngawh riang, son pa yuh ceu pa ang khaw,

1 YOHAN 1:9

Phan ex krai doh grawng phimap ex, Nawh kaux sijax mai rahsee sonsang pluat ploi phimap ex mai sonsang kieh ex singax khaing pa ang rahsee khawmuik heue.

YUDAX 1:11

Kix tak kha rhawm heue, mawh kheu hoik hawt kix daux krax Ka-inax, sonsang pon kix ngawh kix hoik plab ti laig ka daux pa lud Balam mai hoik laux leeing ka daux lox chao Korax heue.

PLAK JHI 2:14

Viang mawh nan Aux koe ceu pa deuh phimap ka maix ceeix, mawh kheu koe pui maix tan tiblah pa giex been gau Balam, kaw pa hoik gau ka Balak pa taing ceu pa sideeing sivoe kawn praix Isarelax, sonsang ih ceu pa hoik tan ka riang grang khankix mai sonsang lud vao heue.

CAO PRAWNG 11:25

Mawh lheu mhawm pex khaing Baliet kawn simex Ziphaw simiang haktiex Mawbax lie? Mawh hoik sax tieh nawh ka pui Isarelax lie? Mawh hoik sax puing nawh ka kix lie?

CAO PRAWNG 5:11

Pui pa mhaong ka lox sinum khankix mai pa ot vung viang rawm daux khankix, kix tak deeh simin ti yaox, grawng pa rahsee, pa yuh Simiang Siyiex, krax pa rahsee yuh Nawh Cao son nyiex yaong ka daux ceu pui Isarelax, khaix an pui Simiang Siyiex, tak lih hu ka daux diang siviex veng khankix heue.”

1 SAMOELAX 12:7

Mawh kheu nan, ot pex yiien yawg, aux tak ka kum grawng see pex sivoe ngai Simiang Siyiex pa dex mai pa rahsee pa hoik yuh Simiang Siyiex mai pa hoik yuh Nawh Cao ka pex mai ka keeing pex khankix.