MIKHA 6:12 - Wa Common Language Translation

¹² Pui pa mag mi daux veng in mawh pa naog ka krax pa kin, pui pa ot ka daux veng an khankix hoik ah lox pie lhen mai dak daux jheeh kix mawh pa pie lhen heue.

MIKHA 6:12 Iomraidhean Croise

YAOGYAW 120:2

Siyiex eue, taoh ju aux lih khaing jheeh pui pa ang koe sijax mai khaing dak pa pie lhen liak.

YAOGYAW 35:20

Grawh grawng nawh, kix ang chix krai lox pa yiien yawg ti bawg kawx, sawg kix ti krai lox pie lhen ka pui pa ot mhawm mhawm khankix heue.

YAOGYAW 78:36

Viang mawh nan, mawh ngie jheeh giex, dak kix ah lox pie lhen heue.

ISAYAX 1:23

Kawn lauxsimiang maix khankix hoik mawh pa deeh tieh feen mai mawh pa rom tix neuex tau mai pui briex pui ku kaux moh ka kraung pa cun praok khankix mai hawt ti hu khaix totaix khankix heue. Kix ang lai tiebtie ka son pa ang koe keeing mai yuh tix ang kieh grawng see miexmai hoek ka plak sivoe kix heue.

ISAYAX 3:8

Grawh grawng nawh veng Yerusaliem hoik goh grhup mai meung Yudax hoik som nai kheu dak kix mai pa yuh kix khankix, mawh pa tieh feen ka Siyiex, sonsang so kaoh ka ngai min sibrawm Nawh Cao heue.

ISAYAX 5:7

Grawh grawng nawh sipeem plix siiet Siyiex Cao kru naing raoma mawh nyiex ma ceu pui Isarelax khankix, mai pui Yudax khankix, mawh pang khaox pa khaw rhawm Nawh Cao ka heue. Nawh Cao hoik keud ce mawh son krax pa rahsee, viang mawh nan hoik mawh krax pa yeen tix kha rhawm son pa rahsee, viang mawh nan jhak heue, hoik mawh krax pa yiiem heue.

YERAMIX 9:8

Dak kix mawh te koe um pa kieh pui yum mai sikah ngie lox pie lhen heue. Nawh sikah lox pa nhim ka paox plawg tix, viang mawh nan, nawh kawn jawm kix daux rhawm tix heue.”

HOSE 7:1

Yam tak sang pai Aux dee saux Isarelax, phimap Epharem, hoik lih jhi sidawng mai khawm krax pa caox Samarix. Mawh kheu kix yuh pie kheem, ka plak daux koe pui briex, ka plak praix koe tud rhim khankix pa sivix.

HOSE 7:13

Kix koe krax kha rhawm heue. Kheu hoik to kix ti luan khaing Aux heue. Kix tak hoek krax laux leeing, kheu hoik lud kix ka aux heue. Viang Aux sang deeh taoh kix kawx mai kix hoik ah lox pie lhen ka Aux heue.

AMOT 2:4

Siyiex ah nin, “Mawh kheu lud ceu pui Yudax ang joeng mawh loe ceu mawh pon ceu, aux tak ang lai yoi krax song rhawm tix khaing kix heue. Grawh grawng nawh, kix hoik tik ka gumlox beenli Siyiex mai ang tie koe krax priex rien, ka gumlox pingnyap Nawh khankix heue. Krax pie lhen pa hawt keeing kix ti yuh, hoik kieh kix lud hu krax tix heue.

AMOT 6:4

Pa it ka piang ku nga sang khankix, pa nyat tix ka piang bi tawm, pa ih kawn yung iak khankix khaing daux cub phung yung mai pa teei ti ih kawn mawie iak khaing daux kawg mawie,

ZEPHANIX 1:9

Ka daux singaix an, Aux tak sang tawx krax pa kham geu ka kix khawmuik, pa yaox ti luan khaing daux diang siviex mai pa naog yuh nyiex simiang kix ka krax pa lang teung kin mai ka pa pie lhen khankix heue.

ZEPHANIX 3:3

Simiang pa koe ka daux sinax nawh khankix, mawh sivai sangsi pa brum lox tix, cao prawng see nawh, mawh sox la pa lih daux plak ponsawm, pa ang tie prah si ang pie tix gawng kawx tom hoek daux plak ponngawb heue.

KAWNCAU 24:9

Pui Yudax khankix kawx dhua ceu in khankix mawh pa caw heue.

ROMAX 3:13

“Ghok kix mawh simeeig pa hoik bhang heue. Kix hoik teei dak tix, ti shiao pie lhen heue.” “Jai siuing pa cai koe greem siyieb jheeh kix heue.”