MIKHA 5:8 - Wa Common Language Translation

⁸ Ceu pui Yakop pa kawn deuk khankix, tak ot ka dau sinax ceu pui tang ceu ka daux sinax pui khankix tom nie, awm sivai sangsi daux sinax totiag ka daux tiag daux nong, awm kawn sivai sangsi iak ka daux sinax cub phung yung khankix mai phan sivai sangsi an tiang ti hu, nawh tak dig mai puk paig ankix phawng mai pui tix kaux kawx ang lai pon ti taoh heue.

MIKHA 5:8 Iomraidhean Croise

YAM JAH 49:9

Yudax mawh kawn sivai sangsi mhaing, kawn simex aux eue maix kaoh khaing dee sawg ti ih kug mai gup tix awm sivai sangsi miex, mawh pui mawx pa sang pon hu so ka maix lie?

YAOGYAW 104:20

Nawh Cao yuh pa faik kieh mawh ponsawm mai totiag khawmuik, lailing yam an heue.

YAOGYAW 44:5

Aux deuh rhawm ka Maix mai nyhot ti tik ka pui pa koeng ka aux heue. Aux deuh rhawm ka ceu kaux Maix mai dig ka pui pa koeng ka aux khankix heue.

YAOGYAW 50:22

Pui pa pi awm ka Siyiex khankix eue, doh keud ka grawng inkix awx. Phan ang mawh nan, nu ka ang Cao taoh pex koe, Aux tak rud ti tik pex, baux mawx baux an heue.

LOX KAB 30:30

sivai sangsi tix ceu, mawh ceu pa ting riang khaing totiag khawmuik, pa ang chix via ka pui mawx tix heue.

ISAYAX 5:29

Krax pa sinum lox kix tak awm lox graox sivai sangsi, kix tak graox lox tix awm lox sivai sangsi pa kawn awn ju. Kix tak graox lox tix lih, sonsang giex totiag; kix tak teei ti viex an hu ka daux krax pa yiien mai pui tix kaux kawx tak ang lai pon ti deeh taoh ka heue,

YEZAKELAX 39:10

Kix tak ang yaox ti kraix khix mai sawg khix daux tiag, daux nong khankix, kheu hoik mawh kraung naing son khix pa sang taong kix mai kix tak tud rhim ka pui pa hoik tud rhim ka kix mai kix tak con ka pui pa hoik yuh con ka kix, Siyiex ah nan heue.

HOSE 5:14

Grawh grawng nawh, aux tak sang mawh pa awm sivai sangsi ka son Epharem mai awm kawn sivai sangsi pa awn ju ka son nyiex ma pui Yudax khankix heue. Aux tak sang puk paig ti tik kix mai hu, Aux tak sang teei kix luan mai ang lai koe pui pon kieh kix heue.

MIKHA 2:12

“Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.

MIKHA 4:13

Kawn bun Zion eue, yaog ti kaoh dig ka nghox heue. Aux tak sang yuh rung maix ka rhiem mai Aux tak sang yuh kloh maix ka tawng lheung, maix tak sang tawk pui phawng tom nie mai teei sinngao kix tan ka Siyiex mai teei kraung khrai kix tan ka cao pa kwang ka piang ca haktiex khawmuik heue.

MIKHA 4:7

Aux tak sang kieh pui pa chawh caong mawh pa kawn deuk mai kieh pui pa hoik grheu tix khankix mawh ceu pui pa kied ting riang rao heue. Siyiex tak sang kwang kix ka piang gawng Zion, jah ka daux yam in mai hu sivoe ngai tom hoek leeing ju heue.

MIKHA 5:3

Mawh kheu nan, Nawh Cao tak sang ap ti tawx kix ka pui koeng tom sidah hoek bawg yam hoik keh bun an kawn tix ka daux krax pa saux heue. Yam an pui pa kawn deuk khaing daux puxaik nawh khankix tak sang deeh ing ka ceu pui Isarelax heue.

MIKHA 7:18

Mawh Siyiex mawx pa awm Maix Cao, pa pon pluat ploi phimap mai pa pon kieh krax pa lud sinngao pa kawn deuk Maix Cao khankix luad luan lie? Nawh Cao ang lai een ti deuh krax pa song rhawm tix leeing ju heue. Nawh Cao koe krax gaux rhawm ka daux krax pa caux rhawm heue.

ZAKHARIX 10:5

Kix tak sang mawh pa awm pui pa kied ting riang ting rao khankix, pa dig ka pui koeng kix, ka daux ung glaox pa koe ka daux krax khankix ka daux naing heue. Kix tak sang puing naing, mawh kheu Siyiex ot tau mai kix mai pa brug brung khankix, tak sang mawh pa kaig pa tua heue.

ZAKHARIX 11:6

Siyiex ah nin “Khaix in Aux tak ang lai koe krax caux rhawm ka can pui pa ot ka daux haktiex in heue. Aux tak sang ap ti tawx pui ku kaux ka daux tawm taix paox plawg kix mai ka daux tawm taix simiang kix heue. Kix tak sang puing ka haktiex in mai Aux tak ang lai deeh taoh ti teei kix lih khaing daux tawm taix kix heue.

ZAKHARIX 12:3

Ka daux singaix an, Aux tak sang kieh veng Yerusaliem mawh lon simaox pa kied cien tix lon son pui khawmuik mai can pui pa yaog lon simaox an, tak sang mawh pa graig ti phawng mai ceu pui piang haktiex hoik khrawm ti hoek puing ka nawh heue.

ZAKHARIX 14:18

Phan pui meung Ejiptux khankix ang lai haok hoek ti krub, rawm lhiex tak ang lai lih ka piang kix heue. Kix tak pon ti rieb krax kha rhawm, pa tawx Siyiex ka ceu pui khankix, pa ang cu ti haok sonsang yuh tix ka pawie nyiex gox bang heue.

ZAKHARIX 9:15

Siyiex Cao kru naing raoma tak sang tieb tie ti priex kix, kix tak sang kiied ti ih pui koeng kix mai dig lon simaox pa hoik sivuat tix khankix heue. Kix tak sang nyaux mai lawh maw, awm hoik sak nyaux ka rawm plix siiet, kix tak sang naog ka nham awm tawg klong khankix, awm daog khu dee tan heue.

MALAKHIX 4:3

Pex tak sang dig ka pui pa caox caig. Kix tak sang awm nyaox greem tiag caong pex, ka daux singaix hoik tat Aux ti deuh. “Siyiex cao kru naing raoma ah nan heue.

SIMIN 24:9

Nawh tum mai nyat tix awm sivai sangsi mhaing mai awm sivai sangsi shiang, pui mawx pa sang pon so nawh kaoh lie? pui pa nawb bwan ka maix tak pon bwanson mai pui pa jhax lawg ka maix tak pon krax pa jhax lawg.”

MATHIEX 10:14

Phan pui mawx ang rieb ka pex mai ang nghiet ka lox pex, yam lih hu pex khaing daux nyiex an, phan ang mawh nan khaing daux veng an, khruah ti tik phawng tiex pa koe ka caong pex tan heue.

KAWNCAU 18:6

Yam sidien kix mai salao, nawh teei ti sibluat kraung ceep tix mai ah nin ka kix, “Kieh nham pex koe piang kaing pex tiru, aux kienie singax heue. Jah tom yam in aux tak sang hu ka pui tang ceu heue.”

HEBRIE 12:25

Rien rhawm tix son ang pex lai mawh pa ang cu ti nghiet ka Kaw pa sikah heue. Grawh grawng nawh phan kix pa ang cu ti nghiet ka lox kaw pa tawx lox ne ka kix ka piang haktiex, ang pon ti luan kah, ex tak nie lheu ang pon ti luan phan ex veeh tix ang nghiet ka Kaw pa tawx lox ne khaing meung raoma,

HEBRIE 2:3

Phan ex dha ti ang kriem ka krax taoh pa ting nie ding nie dod, ex lai chix pon luan khaing krax ciyang yuh ka mawx? Mawh tokaux Simiang pa jah ti krai grawng krax taoh in ka sivoe paox tix mai kix pa hoik mhong khankix hoik kham mhai rug grawng mawh pa mawh meh ka ex,