MIKHA 5:7 - Wa Common Language Translation

⁷ Ceu pui Yakop pa kawn deuk khankix, tak ot ka daux sinax pui khankix tom nie, awm rawm ciex pa lih hoek khaing Siyiex, awm rawm lhiex poe ka piang rib, pa ang lo ti pau riang rao pui mai pa ang lo ti krox jun krax teem kawn pui khankix heue.

MIKHA 5:7 Iomraidhean Croise

2 SAMOELAX 17:12

Mawh kheu nan, ex tak krup nawh tix dahdah, ka dee sang pon ex ti yaox nawh mai ex tak yuh naing ceep ka nawh, awm jauh rawm ciex piang tiex, tokaux cao nawh mai pui pa ot tau mai nawh tak ang lai deuk tix kaux kawx.

YAOGYAW 110:3

Singaix yam jhi Maix sibrawm pui Maix khankix, ceep ka kraung pa singax mai koe rhawm sibieh ti tan mai sinaw khankix hoek ka Maix awm lih rawm ciex ponngawb heue.

YAOGYAW 133:3

Awm rawm ciex pa koe ka piang gawng Heramon mai pa lih hu ka gawng Zion heue. Ka dee an, Siyiex hoik prawng ca ti deuh bwanson pa mhawm pa im ju leeing ju heue.

YAOGYAW 72:6

Nawh Cao tak sang lih hoek awm lhiex, pa lih piang rib pa hoik vawg mai awm lhiex pa kieh haktiex caux heue.

LOX KAB 19:12

Krax song rhawm simiang, awm graox sivai sangsi, viang mawh nan, bwanson nawh, awm rawm ciex pa lih piang rib khankix heue.

ISAYAX 32:15

Tom hoek bawg yam groi khwan singax khaing dee long ka piang ex mai daux tiag tu, dee lih mawh sipeem plix mai sipeem plix an, lih mawh nong khaox.

ISAYAX 44:3

Mawh kheu Aux tak hieh rawm ka piang pui pa simie ti nyaux rawm mai kieh rawm lan ka piang tiex kroh, Aux tak lhaok khwan tix ka piang doeh ru maix mai lhaok bwanson tix ka piang kawn saux kawn sex maix.

ISAYAX 55:10

Grawh grawng nawh, awm lih lhiex mai rawm rha khaing raoma mai ang lai deeh ing tan, viang nawh nan, cao yuh haktiex mai kieh haktiex kuah nghox koi mai simie sonsang pon cao rhuat simie ti koe simie mai kieh cao pa ih koe pa ih,

ISAYAX 66:19

“Aux tak sang deuh mhai rug ka daux sinax kix mai pui an kix pa pon ti glawd ka daux sinax kix, Aux tak ploi kix hu ka haktiex tang meung, ka veng Tasux, meung Pulax mai haktiex Luta mai ka haktiex Tupalax mai meung Ya-wan mai khawm klawn tiex rawm sigrit sigra pa koe dee singai khankix pa ang sax mhong ka grawng krax pa ao min Aux mai pa ang sax yaox ka min pakngai Aux mai kix tak pao ti krai min pakngai Aux ka daux sinax pui tang meung khankix heue.”

YERAMIX 14:22

Mawh koe siyiex riang grang pa krub pui tang ceu tix kaux kaux pa pon kieh lhiex lih lie? Phan ang mawh nan, mawh sang pon tang tawx raoma khankix lhiex lih lie? Siyiex pa mawh Siyiex ex eue, ang mawh Maix Cao pa pon yuh inkix khaing lie? Mawh kheu nan, yix sang krox jun ka Maix Cao, mawh kheu Maix Cao hoik phan ka ceu in khawmuik heue.

YEZAKELAX 14:22

Jhak heue, pui tak sang prah pui pa boek pa kawn deuk ka daux veng an tix cub, pa tak viex kawn simex kawn bun tix lih khaing an, kix tak lih hoek ka pex mai pex tak nyawm rhawm rhi son pa caox caig, pa viex Aux hoek ka piang veng Yerusaliem son can ceu pa viex Aux hoek ka daux haktiex an heue.

YEZAKELAX 47:1

Khaix an nawh dee viex aux hoek ka siviex ting nyiex bwan mai jhak heue, koe rawm pa lih khaing greem siviex nyiex bwan pa hu ka plak lih singaix, mawh kheu nyiex bwan hoik veeh ngai tix ka plak lih singaix mai rawm lih hu plak greem praok plak dawm siviex nyiex bwan, ka plak seh khu dee tan heue.

YEZAKELAX 5:5

“Siyiex ah nin, in mawh riang pakpeung veng Yerusaliem, Aux hoik deuh veng an ka sinax ceu pui khankix mai sinax meung haktiex, pa koe hawt vung viang nawh khankix heue.

DANYELAX 11:32

Can pui an kix pa yuh krax pa caox pa lud ka sijax mukheu an, nawh tak nyaw glaw ka kix heue. Mawh ngie pui pa tawng ka Siyiex Cao kix, tak koe krax pa kaux cong mai yuh kaing heue.

HOSE 14:5

Aux tak sang mawh pa awm rawm ciex piang Isarelax, nawh tak pruh awm tai siyak mai kieh riah nawh khankix tuk tix lang awm gaw khaox Lebanon heue.

HOSE 6:3

Kieh ex tawng kieh ex hawt sawg ti tawng ka Siyiex heue. Yam lih bleeh Nawh, mawh pa hoik blang awm plak ponngawb, Nawh Cao tak sang bleeh ti hoek ka ex awm rawm lhiex cao mai awm rawm lhiex lha mai caux piang tiex heue.

YOLAX 2:32

Ka daux singaix an can pui pa kok ka ceu kaux Siyiex, tak sang hoek krax taoh heue. Grawh grawng nawh, piang gawng Zion mai ka daux veng Yerusaliem khankix, tak sang koe pui pa pon ti luad luan awm pa hoik ah Siyiex, ka daux sinax pui pa kawn deuk khankix, tak koe pa kok Siyiex ti teei heue.

AMOT 5:15

Koeng ka pa caox, moh ka ceu pa mhawm, yuh ti deuh pa rahsee ka daux diang siviex veng heue. Phan yuh nan Siyiex pa mawh Siyiex cao kru naing raoma, tak sang koe krax caux rhawm ka ceu pui Yosiep, pa kawn deuk an khankix heue.

MIKHA 2:12

“Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.

MIKHA 4:13

Kawn bun Zion eue, yaog ti kaoh dig ka nghox heue. Aux tak sang yuh rung maix ka rhiem mai Aux tak sang yuh kloh maix ka tawng lheung, maix tak sang tawk pui phawng tom nie mai teei sinngao kix tan ka Siyiex mai teei kraung khrai kix tan ka cao pa kwang ka piang ca haktiex khawmuik heue.

MIKHA 4:7

Aux tak sang kieh pui pa chawh caong mawh pa kawn deuk mai kieh pui pa hoik grheu tix khankix mawh ceu pui pa kied ting riang rao heue. Siyiex tak sang kwang kix ka piang gawng Zion, jah ka daux yam in mai hu sivoe ngai tom hoek leeing ju heue.

MIKHA 5:3

Mawh kheu nan, Nawh Cao tak sang ap ti tawx kix ka pui koeng tom sidah hoek bawg yam hoik keh bun an kawn tix ka daux krax pa saux heue. Yam an pui pa kawn deuk khaing daux puxaik nawh khankix tak sang deeh ing ka ceu pui Isarelax heue.

MIKHA 5:8

Ceu pui Yakop pa kawn deuk khankix, tak ot ka dau sinax ceu pui tang ceu ka daux sinax pui khankix tom nie, awm sivai sangsi daux sinax totiag ka daux tiag daux nong, awm kawn sivai sangsi iak ka daux sinax cub phung yung khankix mai phan sivai sangsi an tiang ti hu, nawh tak dig mai puk paig ankix phawng mai pui tix kaux kawx ang lai pon ti taoh heue.

MIKHA 7:18

Mawh Siyiex mawx pa awm Maix Cao, pa pon pluat ploi phimap mai pa pon kieh krax pa lud sinngao pa kawn deuk Maix Cao khankix luad luan lie? Nawh Cao ang lai een ti deuh krax pa song rhawm tix leeing ju heue. Nawh Cao koe krax gaux rhawm ka daux krax pa caux rhawm heue.

ZEPHANIX 3:13

Ceu pui Isarelax pa kawn deuk khankix, tak ang lai yuh pa ang rahsee mai ang lai sikah lox pie lox lhen mai dak pa luk liak luk le tak ang lai koe ka daux jheeh kix heue. Grawh grawng nawh, kix tak yaox ti ih nyaux mai yaox ti it nyawm mai tix kaux kawx, tak ang lai pon kieh kix koe krax lhat graung heue.”

ZAKHARIX 14:8

Ka daux singaix an, tak koe rawm im ju pa lih hoek khaing veng Yerusaliem, tix plak tak sang lih hu ka plak rawm sigrit sigra plak lih singaix mai an tix plak, tak sang lih hu ka plak rawm sigrit sigra plak klip singaix, ka daux bawg yam rung praix mai ka daux bawg yam kwat praix rawm an koe sijheung heue.

ZAKHARIX 9:13

Aux hoik vaik ak Yudax mai hoik sau ti deuh te ka ak Epharem heue. Zion eue, Aux tak sang khrawh kawn simex maix hu puing ka kawn simex Helasax mai kieh maix awm vaid pui pa kied ting riang rao heue.”

MATHIEX 28:19

Mawh kheu nan pex hu mai yuh ceu pui khawmuik mawh kawncau mau soi mai cubcom kix ka daux ceu kaux Keeing Cao, Kawn Cao mai Khuan Singax Singeh Cao heue.

KAWNCAU 11:15

Yam jah aux ti sidiex, Khuan Singax Singeh lih piang kix, awm hoik lih piang ex yam jah heue.

KAWNCAU 13:46

Pawlux mai Banabax viex rhawm kwa sidiex gau ah nin, “Tak lai sidiex gau gumlox bwan Siyiex in ka pex phao ka heue. Viang mawh nan kheu nyhot pex ti tik khaing, pex prawng ca tokaux tix, mawh pa ang keung pon ju leeing ju. Yiex tom veeh ka pui tang ceu khankix heue.

KAWNCAU 16:9

Yam ponsawm Pawlux yaox riang susai pa yuh nin, pui Makedonix cung mai khyox khaw nawh ah nin, “Tiang ti hoek ka meung Makedonix mai teem ex liak.”

KAWNCAU 9:15

Viang mawh nan Simiang baox ah nin ka nawh, “Maix hu heue. Kheu mawh nawh aw pa hoik laug Aux, sonsang viex ceu kaux Aux hu sivoe ka pui tang ceu khankix mai simiang khankix mai pui Isarelax khankix heue.

ROMAX 10:20

Isayax sidaing kwa ti ah nin, “Kix pa ang sawg ka Aux, hoik yaox ka Aux heue. Aux hoik lih sidawng ka kix pa ang chawk ka grawng Aux heue.”

ROMAX 11:12

Phan pa goh kix mawh pa mi pa koe ka son pui haktiex mai pa som nai kix mawh pa mi pa koe ka son pui tang ceu, pa grum naog kix tak sang nie lheu kah miex ding?

ROMAX 9:30

Mawh kheu nan ex tak sang ah ka mawx? Sang ah, pui tang ceu, tang cat pa ang hawt leue khaix pa rahsee, hoik pon giex ka pa rahsee, pa mawh pa rahsee pa dex mai krax yum rhawm lie?

1 KAWRINTHUX 3:6

Aux mawh cao pa sum, Apawlux mawh cao pa see rawm, viang mawh nan Siyiex mawh cao pa kieh haok huan heue.

PINGNYAP 32:2

Kieh lox pa sidiex gau aux lih awm rawm lhiex mai kieh gumlox aux, jauh lih awm rawm ciex mai jauh awm rawm lhiex piang khaox pa awn mai lih awm lhiex poe piang rib riem.

CAO PRAWNG 6:36

Mai Gideon deeh ah nin ka Siyiex, “Phan maix cao sang deeh taoh pui Isarelax, ka taix aux awm pa hoik ah Maix Cao,