MIKHA 5:5 - Wa Common Language Translation

⁵ Simiang in tak sang mawh krax pa nhim, yam hoek ceu pui Asurix ka daux haktiex ex mai yam dig nawh ka daux nyiex haw ex, ex tak sang yaog ti deuh cao liang yung aliah kaux mai simiang khankix daix kaux, puing ka nawh heue.

MIKHA 5:5 Iomraidhean Croise

YAWBAX 5:19

Nawh Cao tak taoh maix lih khaing daux pa kha rhawm liah ceu, ceu pa caox caig aliah ceu tak ang lai krox teeh ka maix heue.

YAOGYAW 72:7

Yam singaix baux ju nawh, pui pa rahsee sang magmi mai nyawm rhawm tom pa riang khix ang nyang grai heue.

LOX KAB 30:18

Pa daox deng aux, ang joeng mawh loe ceu mai pa ang aux tawng koe pon ceu,

LOX KAB 30:29

Ceu pa chix hu mhawm mhawm, ang joeng mawh loe ceu, pa nyawm tix jhak grang, pa hu koe pon ceu, mawh inkix,

LOX KAB 6:16

Grawng pa koeng Siyiex ang joeng mawh ngie liah ceu, pa seeing brai Nawh koe aliah ceu, mawh inkix heue.

SIDIEX 11:2

Gwieh tix tawx nyum ka pui aliah kaux mai baox tawx ka pui daix kaux, mawh kheu ang maix tawng ka ceu pa caox pa tak sang lih ti koe piang haktiex heue.

ISAYAX 14:25

Aux tak sang raig ti tik pui Asurix khankix khaing daux haktiex Aux mai dig nawh greem caong tix ka piang gawng Aux heue. Gah khaox glawm nawh khaing ceu pui Isarelax mai tah beeh cien khaing piang klip kix heue.

ISAYAX 44:28

Pa ah nin ka simiang Kurux, nawh mawh cao liang yung Aux mai kieh alo aux grum naog mai ah nin ka veng Yerusaliem, tak koe pui pa deeh sum kah mai ah nin ka nyiex bwan, jaong num riah maix tak deuh kaux cong.”

ISAYAX 59:19

Mawh kheu nan, jah khaing dee klip singaix pui khankix tak koe krax lhat graung ka cau kaux Siyiex mai jah khaing dee lih singaix kawx pui koe krax lhat graung ka min pakngai Nawh Cao, yam laig pui koeng khankix, awm krax pa kheem rawm ti hoek, bhaung cie Siyiex tak yaog ti hoek phai heue.

ISAYAX 65:8

Siyiex ah nin, “Awm hoik yaox rawm plix siiet pa khraox ka daux sigleem plix siiet khankix mai pui tix kaux ah nin, ‘Paw yuh an laux! mawh kheu bwanson koe ka daux an heue.’ Mawh kheu nan, Aux tak sang yuh tix tawx an son ceu kaux siliex Aux, son ang Aux pon yuh kix laux leeing khawmuik heue.

ISAYAX 7:14

“Mawh kheu nan, tokaux Aux Siyiex tak sang tawx mhai rug tix ceu jhak heue, bunkrih tak koe kaux mai keh kawn simex mai kix tak kok ceu kaux Nawh mawh Emannoelax heue.”

YERAMIX 33:15

Ka daux singaix bawg yam an, Aux tak kieh kak khaox pa rahsee lih glaoh ka son Davit, nawh tak sang prawng ca ka haktiex ka daux pa rahsee heue.

AMOT 1:3

Siyiex ah nin, “Mawh kheu lud veng Damase ang joeng mawh loe ceu, mawh pon ceu, aux tak ang yoi krax song rhawm aux ka piang kix heue. Grawh grawng nawh, kix hoik pah haktiex Gilat ka kraung cag rhiem pah nghox heue.

AMOT 1:6

Siyiex ah nin, “Mawh kheu lud veng Gaza ang joeng mawh loe ceu, mawh pon ceu, Aux tak ang lai yoi krax song rhawm aux ka piang kix heue. Grawh grawng nawh, kix hoik giex ti viex pui khawmuik hu ap ti tawx kix ka haktiex Edom heue.

ZAKHARIX 10:11

Nawh Cao tak sang tiang ti hu ka daux rawm sigrit sigra pa kha rhawm mai sivied ka puk pak rawm sigrit sigra khankix, kieh dee pa raux rawm klawng Nilax kroh heue. Krax ting rhawm ting rhi pui haktiex Asurix, tak sang mawh pa yeen tix tiem mai sibrawm krong pliah meung Ejiptux sang grai grhup heue.

ZAKHARIX 10:3

Aux tak song rhawm ka cao liang yung khankix, Aux tak sang tawx krax kham geu ka pex mhaing khankix heue. Mawh kheu Siyiex cao kru naing raoma hoik hoek ti kia cub phung yung Nawh, pa mawh nyiex ma ceu pui Yudax mai tak sang kieh kix mawh pa awm brung naing Nawh ka daux naing heue.

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 9:10

Aux tak sang tat ti tik ling lawx naing khaing Epharem mai brung naing khaing veng Yerusaliem, ak yuh naing khankix tak sang mawh pa tat ti tik uik heue. Nawh tak sang sikah lox pa nhim ka ceu pui khankix, dee kwang dee pang Nawh, tak sang mawh pa jah khaing rawm sigrit sigra in tom hoek ka rawm sigrit sigra an mai jah khaing rawm klawng ting tom hoek ka dee sidah sidu haktiex heue.”

ZAKHARIX 9:13

Aux hoik vaik ak Yudax mai hoik sau ti deuh te ka ak Epharem heue. Zion eue, Aux tak sang khrawh kawn simex maix hu puing ka kawn simex Helasax mai kieh maix awm vaid pui pa kied ting riang rao heue.”

LUKAX 2:14

“Kieh yaog min plakngai Siyiex, ka dee kied lhaong khaing paox tix mai ka piang haktiex kieh pa nhim koe ka kawn pui, pa khaw caw rhawm Nawh heue.”

YOHAN 14:27

Aux deuh pa nhim mai pex, pa nhim Aux, Aux tawx ka pex. Pa tawx Aux ka pex ang awm pa tawx haktiex. Paw kieh rhawm pex koe krax khi rhawm, viang krax lhat graung kawx paw kieh koe awx.

YOHAN 16:33

Aux hoik krai lox ceu in khankix ka pex, sonsang koe pex pa nhim ka daux Aux, ka piang haktiex in pex tak yaox krax kha rhawm, viang mawh nan kieh koe rhawm cong awx, Aux hoik pex ka haktiex in heue.”

PLAK JHI 17:14

Inkix tak sang yuh naing ka kawn Yung mai kawn Yung tak sang pex ka kix, mawh kheu mawh Nawh Cao piang cao, mai Simiang piang simiang heue. Kix pa ot tau mai Nawh Cao, mawh pa hoik kok mai pa hoik laug ti teei mai pa kaux sijax heue.”

PLAK JHI 19:14

Kru naing pa koe ka daux meung raoma khankix, brug brung paing mai ceep kraung man rhi pa mhawm, pa paing mai pa singax mai hawt khaix Nawh heue.