MIKHA 5:4 - Wa Common Language Translation

⁴ Nawh tak sang cung kaux cong mai liang ka cub phung yung nawh, ka daux riang rao Siyiex, ka daux min sibrawm kwang ceu kaux Siyiex, pa mawh Siyiex nawh mai kix tak sang ot kaux cong kah heue. Grawh grawng nawh, nawh tak sang mawh pa ting lhaong, tom hoek ka dee sidah sidu haktiex heue.

MIKHA 5:4 Iomraidhean Croise

YAOGYAW 145:12

mai tak krai grawng sibrawm pa ting lhaong pa hoik yuh Maix khankix mai min plakngai meung Maix ka kawn pui khankix heue.

YAOGYAW 22:27

Dee sidah haktiex khawmuik, tak sang doh keud mai deeh tieh tix hoek ka Siyiex, pui kuceu khawmuik, tak sang krub plak sivoe ngai Maix heue.

YAOGYAW 72:19

Kieh ceu kaux min plakngai Nawh koe bwanson jheung jheung liak, kieh min plakngai Nawh grum naog mai tah hu ka piang haktiex in khawmuik liak, Amen! mai Amen!

YAOGYAW 72:8

Rawm sigrit sigra tix mu tom sidah hoik tix mu mai rawm klawng ting tix klawng hoik tix klawng, tom sidah haktiex nawh tak sang giex kaing heue.

YAOGYAW 93:1

Siyiex ceep kraung pa koe min plakngai mai ot ka daux nyiex haw tix heue. Siyiex hoik ceep kraung pa yuh nan mai nhawt maox rawd nyoi, pa ting riang rao mai kieh haktiex kaux cong tom sidah mai ang kieh vuhvied yung yiang heue.

YAOGYAW 98:3

Nawh Cao doh keud ka krax pa caux rhawm mai sijax mukheu pa hoik yuh Nawh mai ceu pui Isarelax mai bwanson krax pa taoh Siyiex, hoik yaox pui piang haktiex tom sidah heue.

LIH HU 23:21

Rien rhawm mai cu nghiet ka lox nawh, paw thiang ka nawh, mawh kheu nawh tak ang pluat ploi phimap pex, mawh kheu min ceu kaux Aux hoik koe ka daux nawh.

ISAYAX 45:22

“Pex pa ot ku sidah haktiex eue, deeh hoek ka Aux pex tak pon krax taoh, mawh kheu Aux mawh Siyiex mai ang lai koe siyiex tang kaux.

ISAYAX 49:5

Yam in Siyiex, cao pa yuh aux jah tom daux vaig, sonsang mawh siliex Nawh Cao mai sonsang deeh viex Yakop hoek ka Nawh Cao, sonsang khrawm pui Isarelax ti hoek ka Nawh ah nin, mawh kheu aux rieb min pakngai ka daux ngai Siyiex mai Siyiex aux tak mawh riang rao Aux.

ISAYAX 52:10

Siyiex hoik jhi plawng taix pa singax singeh Nawh, ka plak sivoe ngai ceu pui khawmuik mai pui deeh sidah haktiex khawmuik tak yaox ka bwanson krax taoh Siyiex ex heue.

ISAYAX 52:13

Jhak heue, siliex Aux tak yuh kaing ka daux krax pa koe pingnya heue. Nawh tak mawh pa yaog ti ting lhaong mai tak mawh pa kied lhaong heue.

ISAYAX 8:7

Mawh kheu nan, yam in jhak heue, Siyiex viex an kix ka piang kix, pa mawh rawm daux rawm klawng ting khankix pa kied sidaing ting riang ting rao, khawm simiang Asurix mai khawm min sibrawm Nawh khawmuik nawh tak haok ka piang rawm rawng cao nawh khawmuik mai hu kheem ka piang praok nawh khawmuik heue.

MIKHA 7:14

Liang pui Maix ka khaox gix maix, pa mawh cub phung yung sinngao Maix Cao, pa ot nong nong ka daux nong tiag khaox sinax gawng Kharamelax heue. Liang kix ka daux haktiex Bashan mai haktiex Gilat, awm ka daux baux singaix pa prim dix liak.

ZAKHARIX 13:7

Siyiex cao kru naing raoma ah nin, “Vaid eue, siduad ti kaoh puing ka cao liang yung Aux mai ka paox pie Aux heue. Tawk cao liang yung yum mai yung khankix tak sang prung prang heue. Khaix an Aux tak sang baox deeh veeh taix tix ka piang kawn yung iak khankix heue.

ZAKHARIX 9:10

Aux tak sang tat ti tik ling lawx naing khaing Epharem mai brung naing khaing veng Yerusaliem, ak yuh naing khankix tak sang mawh pa tat ti tik uik heue. Nawh tak sang sikah lox pa nhim ka ceu pui khankix, dee kwang dee pang Nawh, tak sang mawh pa jah khaing rawm sigrit sigra in tom hoek ka rawm sigrit sigra an mai jah khaing rawm klawng ting tom hoek ka dee sidah sidu haktiex heue.”

MALAKHIX 1:5

Ngai pex tak sang yaox mai pex tak ah nin “Siyiex mawh pa koe min plakngai sibrawm ka mee haktiex Isarelax heue.”

MATHIEX 16:18

Aux krai ka maix, maix mawh Petrux mai Aux tak sum ceucao Aux piang simaox in mai siviex meung yum ang doh pex ka ceu cao an heue.

MATHIEX 2:6

“Maix veng Bieliehiem pa koe daux meung Yudax eue, maix ang mawh veng pa nie iak khaing pa kwang simiang Yudax khankix, kheu cao giex kaing Tak sang lih khaing maix tix kaux, mai Nawh tak sang kia ngien Ka pui cie Aux, pa mawh pui Isarelax heue.”

MATHIEX 25:31

“Yam tak sang hoek Kawn kawn pui ka daux min pakngai Nawh, tau mai kawncau Siyiex khawmuik, yam an Nawh tak sang ngawm piang dang ngeung min pakngai Nawh.

LUKAX 1:32

Nawh tak ting lhaong mai tak kok Nawh mawh kawn, kaw pa ting lhaong khaing khawmuik mai Siyiex tak tawx dang ngeung keeing Nawh Davit ka Nawh heue.”

YOHAN 10:38

Viang mawh nan, phan Aux yuh, viang pex ang yum rhawm ka Aux kawx, yum rhawm ka kaing khankix, sonsang tawng pex mai yum rhawm grawng ot Keeing Aux ka daux Aux mai grawng ot Aux ka daux Keeing Cao”

YOHAN 20:17

Yesux baox ah nin ka nawh, “Paw vi teeh Aux, kheu ang Aux nyang bax haok hu ka Keeing Cao. Viang mawh kawx nan hu ka puxaik Aux khankix krai kix grawh grawng pa sang haok Aux ka Keeing Aux Keeing pex Siyiex Aux mai Siyiex pex heue.”

EFESUX 1:3

Kieh keeing Siyiex mai Simiang ex Yesux Khrit ting bwanson, pa hoik tawx bwanson pa dex mai khuan ku ceu ka ex ka meung raoma daux Cao Khrit,

1 PETRUX 1:5

pa mawh pui pa pau Siyiex ka sibrawm Nawh kheu krax yum rhawm sonsang kieh pon krax taoh, pa hoik rien khre ti plak kieh sidawng bawg yam sidah khaix sax heue.

YUDAX 1:1

Yudax, pa mawh siliex Yesux Khrit mai pux Yakop tiiem ti tawx ka kix pa hoik kok kah, pa moh Keeing Siyiex kah mai pa hoik priex ka daux Yesux Khrit heue.

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”