MIKHA 5:3 - Wa Common Language Translation

³ Mawh kheu nan, Nawh Cao tak sang ap ti tawx kix ka pui koeng tom sidah hoek bawg yam hoik keh bun an kawn tix ka daux krax pa saux heue. Yam an pui pa kawn deuk khaing daux puxaik nawh khankix tak sang deeh ing ka ceu pui Isarelax heue.

MIKHA 5:3 Iomraidhean Croise

1 SIMIANG 14:16

Mai Nawh Cao tak tik vud ka pui Isarelax, kheu phimap Yerobom pa yuh nawh phimap mai kieh pui Isarelax lud.

2 GRAWNG BEEN 30:7

paw kieh pex awm keeing pex mai puxaik pex khankix, pa hoik lud ka Siyiex keeing kix mai tom hoik yuh Nawh Cao kix laux leeing khawmuik awm hoik yaox pex nawh ka ngai tix heue.

YAOGYAW 67:3

Siyiex eue, kieh ceu kawn pui yaogyaw ka Maix, kieh kawn pui yaogyaw ka Maix liak.

ISAYAX 11:11

Ka daux singaix an, Siyiex tak sang baox nyeu taix tix ka piang an ra bawg tix bawg, sonsang deeh taoh ka pui pa kawn deuk ceu pui Nawh Cao, pa kawn prah tix ka meung Asurix mai meung Ejiptux, meung Patarot meung Khushax, meung Elam meung Shina meung Hamat mai khaing klawn tiex khankix pa koe daux rawm sigrit sigra heue.

ISAYAX 49:6

Nawh Cao ah nin, “Awm pa mawh maix siliex Aux, sonsang yaog ka doeh ru Yakop mai sonsang kieh pui Isarelax, pa deuk deeh mhawm krax ot, jhak ti yaox ka an awm pa mawh pa iak ngie, Aux kieh maix mawh pa riang ka pui piang haktiex, sonsang tah hu krax taoh tom sidah sidu haktiex.”

YERAMIX 23:5

Siyiex ah nin, jhak heue, singaix bawg yam khankix hoik hoek, Aux tak sang yaok ti kieh kak pa rahsee glaoh khaing Davit, pa mawh simiang tix kaux pa naog mai piangnya cuyi mai kwang, prawng ca ka daux pa rahsee mai pa mawh meh ka piang haktiex heue.

YERAMIX 31:1

Siyiex ah nin, “Ka daux bawg yam an, Aux tak mawh Siyiex paox nyiex ma ceu pui Isarelax khankix mai kix tak mawh pui Aux heue.”

YEZAKELAX 34:16

“Aux tak sawg ka yung pa grai mai deeh viex yung pa hoik grheu ti tik khankix hoek mai kie ka dee pot si-ang ka man mai tawx riang rao ka yung pa awn riang khankix, viang mawh nan, Aux tak kieh yung pa kluing mai pa koe riang khankix laux leeing mai liang kix ka daux krax prawng krax ciyang heue.

HOSE 11:8

Epharem eue, Aux tak sang pon tik maix yuh ka mawx lie? Isarelax eue, aux tak sang pon ap ti tawx maix yuh ka mawx lie? Aux tak sang kieh maix awm veng Adama yuh ka mawx lie? Aux tak sang pon deuh maix awm veng Zeboim yuh ka mawx lie? Rhawm rhi Aux hoik tieh loh tix, krax caux rhawm Aux hoik so tix kaoh heue.

HOSE 2:14

Mawh kheu nan, jhak heue, Aux tak sang nyaw glaw nawh mai viex nawh laig ka daux tiagtu mai krai lox pa nyawm rhawm ka nawh heue.

HOSE 2:9

Mawh kheu nan, Aux tak sang deeh ing teei nghox aux khankix ka daux bawg yam vawg nghox mai khawm rawm plix siiet pa khraox aux khankix, ka daux baux yam biiet rawm plix siiet mai tak sang deeh teei hauk yung Aux mai kraung man aux khankix, pa sang kheem ti priex tokaux nawh heue.

AMOT 5:15

Koeng ka pa caox, moh ka ceu pa mhawm, yuh ti deuh pa rahsee ka daux diang siviex veng heue. Phan yuh nan Siyiex pa mawh Siyiex cao kru naing raoma, tak sang koe krax caux rhawm ka ceu pui Yosiep, pa kawn deuk an khankix heue.

MIKHA 4:4

Pui ku kaux tak sang yaox ti ngawm greem nhu plix siiet tix mai greem pang khaox ruh tix mai pui tix kaux kawx, tak ang lai koe krax lhat graung heue. In mawh jheeh Siyiex Cao kru naing raoma pa hoik ah yuh nan heue.

MIKHA 4:7

Aux tak sang kieh pui pa chawh caong mawh pa kawn deuk mai kieh pui pa hoik grheu tix khankix mawh ceu pui pa kied ting riang rao heue. Siyiex tak sang kwang kix ka piang gawng Zion, jah ka daux yam in mai hu sivoe ngai tom hoek leeing ju heue.

MIKHA 5:7

Ceu pui Yakop pa kawn deuk khankix, tak ot ka daux sinax pui khankix tom nie, awm rawm ciex pa lih hoek khaing Siyiex, awm rawm lhiex poe ka piang rib, pa ang lo ti pau riang rao pui mai pa ang lo ti krox jun krax teem kawn pui khankix heue.

MIKHA 5:8

Ceu pui Yakop pa kawn deuk khankix, tak ot ka dau sinax ceu pui tang ceu ka daux sinax pui khankix tom nie, awm sivai sangsi daux sinax totiag ka daux tiag daux nong, awm kawn sivai sangsi iak ka daux sinax cub phung yung khankix mai phan sivai sangsi an tiang ti hu, nawh tak dig mai puk paig ankix phawng mai pui tix kaux kawx ang lai pon ti taoh heue.

MIKHA 6:14

Maix tak ih mai ang sak, krax pa cai rhawm tak sang koe ka daux sigreung maix heue. Maix tak teei ti luan mai ang pon taoh tix mai pa deeh taoh tix khankix, Aux tak sang ap ti tawx ka vaig lawm heue.

MIKHA 7:13

Viang mawh nan, haktiex tak sang mawh dee pa hoik yiien grai hu pui, kheu jao pui ankix pa ot ka dau haktiex an mai kheu jao plix kaing pa yuh kix heue.

ZAKHARIX 10:6

“Aux tak sang kieh nyiex ma ceu pui Yudax kaux cong mai Aux tak sang taoh nyiex ma Yosiep khankix heue. Aux tak sang deeh viex kix ing, kheu hoik koe krax caux rhawm Aux ka kix heue. Kix tak sang mawh pa awm pui ankix, pa ang nyang sax grheu ti tik heue. Grawh grawng nawh, Aux mawh Siyiex kix, pa mawh Siyiex leeing ju mai Aux tak sang nghiet lox kix heue.

MATHIEX 1:21

Nawh tak keh kawn Simex mai maix tak kok ceu kaux Nawh mawh Yesux,mawh kheu Nawh tak sang taoh pui cie Nawh khaing phimap kix heue.”

MATHIEX 12:50

Pui mawx ang ah, pa yuh alo pa khaw caw rhawm Keeing Aux pa ot ka daux meung raoma, mawh pux Aux mai nan Aux mai miex Aux heue.”

MATHIEX 25:40

Simiang tak sang pawk lox ah nin ka kix, Aux krai lox tete ka pex, pa yuh pex ka pui pa iak ka daux puxaik Aux khankix tix kaux, pex hoik yuh ka Aux heue.

ROMAX 8:29

Kix pa hoik grux tawng Nawh Cao kah, Nawh hoik ciak ti kieh awm riang Kawn tix, sonsang mawh Nawh pa liang ti keh ka daux puxaik tom nie heue.