MIKHA 5:2 - Wa Common Language Translation

² Veng Bieliehiem, Epharat eue, viang maix mawh veng pa iak ka daux sinax veng meung Yudax khankix kawx, kheu cao giex kaing tak sang lih khaing maix tix kaux ka son Aux, pa sang mawh cao pa kwang ka daux ceu pui Isarelax, pa hoik dawg koe tom yam jah yam kaw dix heue.

MIKHA 5:2 Iomraidhean Croise

YAM JAH 35:16

Khaix an kix lih hu khaing Betelax, yam dex sang hoek kix ka veng Epharat, bawg yam sang keh Rakhelax kawn hoik hoek mai nawh yaox ti kham geu krax saux sigrien sigre heue.

YAM JAH 35:19

Rakhelax yum mai kix sipaung nawh, hawt krax hu kix ka veng Epharat pa kok mawh veng Bieliehiem,

YAM JAH 48:7

“Yam hoek aux khaing Padan-aram, Rakhelax yum hawt krax meung Khanan, dex hoek ka Epharat, mai aux sipaung kiex tan dex krax hu ka veng Epharat”, Epharat pa mawh Bieliehiem in singaix heue.”

YAM JAH 49:10

Pliah tak ang lai tang tiah khaing Yudax, khaox gix pa kwang ang gah ti khaing sinax caong nawh, tom sidah sang hoek Shilaw mai kawn pui khawmuik tak cu nghiet ka nawh heue.

1 GRAWNG BEEN 2:54

Kawn simex Salamax pa mawh ceu pui Bietliehiem, pa mawh ceu pui Netawphah, ceu pui Atarot Biet Yuabax, ceu pui Manahetix, khankix tix plak mai khawm ceu pui Zorix heue.

1 GRAWNG BEEN 4:4

mai Penuelax mawh keeing Gedaw mai Eza mawh keeing Husha heue. Inkix mawh cub kawn simex Hurax, pa mawh kawn Ai Epharat pa mawh keeing Bieliehiem heue.

1 GRAWNG BEEN 5:2

Yudax hoik mawh pa blon piang puxaik nawh khankix, cao pa kwang haktiex tak lih khaing daux nawh; viang mawh nan, sinngao pa pon kawn Ai hoik mawh cie Yosiep heue.

YAOGYAW 132:6

Ex hoik mhong nyiex gox Siyiex an koe ka meung Epharat, ka daux tiagtu heue.”

YAOGYAW 90:2

Ka sivoe ang Maix nyang phan nyang yuh, gawng lua mai haktiex mai can pa koe khawmuik, jah tom haktiex phao ka dix, tom sidah haktiex phao khaix leeing ju, Maix hoik dawg mawh Siyiex heue.

LIH HU 18:21

Lheu khaing an laug pui pa sang pon yuh kaing, khaing pui in khawmuik, pui pa lhat graung ka Siyiex, pui pa kaux sijax mai pui pa koeng ka sinngao pa ang rahsee, mai yaog cao pa kwang ka piang kix, pa kwang ka piang cub tix rheng, ka piang cub tix yieh, ka piang cub tixphwan mai ka piang cub kao kaux.

LIH HU 18:25

Mose laug pui pa pon yuh cao kaing ka daux pui Isarelax mai kieh kix yuh cao kaing ka piang pui khankix, pa kwang ka piang cub tix rheng, ka piang cub tix yieh, ka piang cub tixphwan mai ka piang cub kao kaux.

ISAYAX 11:1

Riah num khaox Yessie tak deeh glaoh ti lih tix kak mai kak an glaoh mai ting lhaong khaing riah tix heue.

ISAYAX 53:2

Mawh kheu Nawh tak haok hwan ka plak sivoe Nawh Cao, awm nyoig khaox pa awn mai awm riah khaox pa preung tix lih khaing daux tiex kroh heue. Nawh Ang koe pakpeung pa mhawm sonsang jhak ex ka Nawh ang koe krax pa mhawm grang sonsang simie ex ka Nawh heue.

ISAYAX 55:4

Aux hoik yaox nawh, mawh pui pa kham sakse ka pui khawmuik, pa mawh cao bung kwang son pui khawmuik heue.

ISAYAX 7:14

“Mawh kheu nan, tokaux Aux Siyiex tak sang tawx mhai rug tix ceu jhak heue, bunkrih tak koe kaux mai keh kawn simex mai kix tak kok ceu kaux Nawh mawh Emannoelax heue.”

YERAMIX 30:21

Ru kix khankix tak sang mawh simiang kix mai cao pa kwang ka kix tak sang mawh pa kaoh khaing daux sinax kix. Khaix an Aux tak kieh kix greed tix dex mai kix tak greed tix hoek dex Aux heue. Siyiex ah nin, mawh pui mawx pa kan rhawm tix sang greed tix dex Aux lie?

HOSE 6:3

Kieh ex tawng kieh ex hawt sawg ti tawng ka Siyiex heue. Yam lih bleeh Nawh, mawh pa hoik blang awm plak ponngawb, Nawh Cao tak sang bleeh ti hoek ka ex awm rawm lhiex cao mai awm rawm lhiex lha mai caux piang tiex heue.

AMOT 9:11

Ka daux singaix an Aux tak deeh cox sum nyiex gox Davit pa hoik grhup hoik goh mai deeh cox dee pa laux leeing khankix heue. Aux tak sang deeh yaog ti sum dee pa laux leeing nawh mai deeh sum nawh, awm pa koe ka daux singaix an dix heue.

MIKHA 4:10

Kawn bun Zion eue, kham krax saux ngia mai sau riang tix awm bun pa koe krax saux krax ngia in maix tak sang yaox ti lih hu khaing ka daux veng mai ot ka daux tong kaung mai hu tom hoek ka veng Babulon heue. Maix tak sang pon krax pa luad luan tan, Siyiex tak sang deeh taoh ti teei maix, khaing daux tawm taix pui koeng maix khankix heue.

ZAKHARIX 13:7

Siyiex cao kru naing raoma ah nin, “Vaid eue, siduad ti kaoh puing ka cao liang yung Aux mai ka paox pie Aux heue. Tawk cao liang yung yum mai yung khankix tak sang prung prang heue. Khaix an Aux tak sang baox deeh veeh taix tix ka piang kawn yung iak khankix heue.

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

MATHIEX 2:1

Yam keh Yesux daux veng Bieliehiem, meung Yudax, baux yam kwang simiang Herut, jhak heue, pui pa ting pingnya cuyi kaoh khaing plak lih singaix mai hoek ka veng Yerusaliem,

MATHIEX 2:6

“Maix veng Bieliehiem pa koe daux meung Yudax eue, maix ang mawh veng pa nie iak khaing pa kwang simiang Yudax khankix, kheu cao giex kaing Tak sang lih khaing maix tix kaux, mai Nawh tak sang kia ngien Ka pui cie Aux, pa mawh pui Isarelax heue.”

MATHIEX 28:18

Yesux hoek ka kix ah nin, “Sibrawm ka daux meung raoma mai piang haktiex hoik tawx ka Aux khawmuik heue.

LUKAX 23:2

Kix jah ti deuh phimap ka piang Nawh Cao, ah nin, “Ex yaox Pui in yuh kieh pui meung ex lud mai ang kieh tawx mau koh ka simiang Kesa, Nawh ah tokaux tix mawh, Khrit Simiang heue.”

LUKAX 23:38

Kix tiiem ti deuh lai pa ah nin, ka piang Nawh Cao, “IN MAWH SIMIANG PWI YUDAX”.

YOHAN 7:42

Hoik krai ka daux Phuk lai sigang khri, grawng sang hoek Cao Khrit ka daux ru Davit, khaing yaong dee ot Davit, Bieliehiem, ang mawh lie?”

PINGNYAP 1:15

Aux tom laug cao kaing khaing daux doeh ru pex, ka pui pa koe pingnya cuyi mai pa koe krax tawng yung mai kieh kix mawh cao kaing piang pex, pa mawh cao kaing piang pui kaing rheng, cao kaing piang pui kaing yieh, cao kaing piang pui tixphwan kaux, cao kaing piang pui kao kaux mai cao kaing piang doeh ru pex khankix.

KAWLAWSIE 1:17

Nawh Cao hoik dawg mawh ka sivoe ku ceu khawmuik mai ku ceu khawmuik grum ka daux Nawh Cao heue.

HEBRIE 13:8

Yesux Khrit ca awm paox tix, kawx kawx mai singaix mai son leeing ju heue.

HEBRIE 7:14

Grawh grawng nawh hoik sidawng grawng hoik lih Simiang ex khaing ceu Yudax mai Mose ang lai krai tidtix grawng pa dex ceu Yudax ka pa yuh cao giex kaing li heue.

1 YOHAN 1:1

Mawh pa koe tom yam jah, pa hoik mhong ex, pa hoik yaox ex ka ngai tix pa hoik pon ex ti jhak kah mai pa hoik pon giex ex ka taix tix, pa dex dawd mai gumlox pa im ju heue.

PLAK JHI 19:16

Nawh koe ceu kaux pa hoik tiiem ka Piang kraung ceep Nawh mai ka piang ba Nawh yuh nin, Simiang piang simang, mai Cao piang cao.

PLAK JHI 2:8

“Tiiem ka kawncau Siyiex ceucao pa koe ka daux veng Sameunax yuh nin, ceu in khankix mawh pa ah Cao pa jah mai pa ghoik khaix, kaw pa hoik yum mai pa im ju.

PLAK JHI 21:6

Nawh Cao baox ah nin ka aux, “An khankix hoik lih mawh heue, Aux mawh Alaphax mai Omegax, pa mawh Pa Jah mai pa Sidah heue. Aux tak sang tawx giex rawm keut pa im ju ka kaw pa sang nyaux nie rawm heue.

CAO PRAWNG 17:7

Koe pui pa awn ju pa ot daux veng Bieliehiem khaing meung Yudax, pa kaoh khaing pui Yudax, nawh mawh pui Lewix tix kaux, nawh hoek ti paung daux veng Bieliehiem heue.

RUTHAX 1:1

Baux yam kwang cao prawng see haktiex yam an, sibhawm praix lih koe daux meung Isarelax heue. Simex tix kaux khaing veng Bieliehiem meung Yudax, viex moeng mai kawn simex tix ra kaux hu ot meung Mawbax heue.

RUTHAX 4:11

Pui khankix pa ot daux siviex veng mai kwad riex ju ah nin, “Yix mawh mhai rug, Simiang Siyiex tak kieh bun pa hoek ka daux nyiex maix, awm Rakhelax mai Leax kiex ra kaux pa deeh sum nyiex ma pui Isarelax. Kieh maix koe krax haok hwan ting lhaong ka daux haktiex Epharat mai kieh maix ao min ka daux veng Bieliehiem heue.

1 SAMOELAX 10:19

Viang mawh nan, pex hoik tik ka Siyiex tix, pa hoik taoh pex khaing krax kha rhawm mai krax laux leeing, mai pex ah nin, “Ang mawh! viang mawh nan, yaog simiang piang yix yam in thong paox pex hoek ka plak sivoe Simiang Siyiex awm pa koe doeh nyiex ma pex mai doeh ru pex.”

1 SAMOELAX 17:12

Davit mawh kawn simex pui Epharax veng Bieliehiem haktiex Yudax, pa kaux Yessie mai nawh koe kawn simex daix kaux. Pui an hoik kuad sipie mai hoik rie ju hu sivoe baux singaix im ju Sawlux.

1 SAMOELAX 17:18

viex kang rawm teeih kao khlawp son cao kaing pui naing tix rheng. Jhak tix yaox krax ot krax koe puxke maix khankix mai deeh viex grawng tix ceuceu khaing kix.”

1 SAMOELAX 23:23

“Mawh kheu nan, jawm ti jhak ka dee ot dee mox nawh tix mai deeh hoek krai aux mhong kriem kriem. Mai aux tak hu mai pex phan nawh ot ka daux haktiex an, aux tak sawg nawh khaing sinax pui Yudax kaing rheng kaing mheen.”

1 SAMOELAX 8:12

Nawh tak yaog cao kaing naing pa kwang pui tix rheng, cao kaing naing pa kwang pui tix yieh, cao kaing naing pa kwang pui tixphwan mai cao kaing naing pa kwang pui kao kaux son tix mai kieh pui tiblah mawh cao thai ma kaung, cao vawg nghox mai pui pa sang yuh kraung naing son nawh tiblah mai pui pa sang yuh kraung ling lawx naing brung nawh khankix.