MIKHA 4:8 - Wa Common Language Translation

⁸ Maix pa mawh nyiex pau dee lhaong cub phung yung khankix mai dee pa kaux cong ot kawn bun Zion eue, tak sang deeh hoek ka maix krax kwang krax pang pa dawg koe glang ka an, pa mawh meung haktiex kawn bun veng Yerusaliem heue.

MIKHA 4:8 Iomraidhean Croise

YAM JAH 35:21

Isarelax lih hu mai sum nyiex gox man, plak toi nyiex pau Edax heue.

2 SAMOELAX 5:7

Viang mawh nan Davit pon rhim ti teei tab dee pa kaux pa cong kix Zion pa mawh veng Davit.

NEHAMIX 3:25

Palalax kawn simex Usie cox ti sum ka dee kawk daok veng mai nyiex lhaong, jah ka nyiex lhaong simiang pa koe hawt biang nyiex pau yam heue. Khaix nawh tom mawh Pedayax kawn simex Parot pa cox ti sum heue.

YAOGYAW 24:7

Mawh kheu sang hoek Simiang pa ting min plakngai, siviex ting mai siviex khankix eue, paoh heue,

YAOGYAW 48:3

Siyiex kieh tawng, Nawh mawh dee deuh rhawm ka daux nyiex an heue.

YAOGYAW 61:3

Maix mawh dee deuh aux rhawm mai mawh tab pa kaux sivoe ngai pui pa koeng ka aux khankix heue.

SAWLAMUN 4:4

Ngawg maix mawh pa awm nyiex lhaong simiang Davit, pa hoik sum son nyiex deuh kraung naing khankix tix lhang, piang kix teuk teue ti priex kraung rhiem khankix mai mawh plah rhiem tiebtie pa shiao cub pui ting riang rao khankix heue.

ISAYAX 1:26

Aux tak sang baox deeh tawx cao prawng see khankix ka maix phao voe mai cao pa tawx krax keud krax tawng khankix ka maix awm pa koe tom yam jah heue. Khaix an tak kok maix mawh veng pa rahsee mai veng pa kaux sijax heue.

ISAYAX 10:32

Ka daux singaix nawh kawn ot ka daux veng Nawbax, nawh tak sang lua taix tix tub ka kawn bun Zion pa mawh gawng veng Yerusaliem tan heue.

ISAYAX 5:2

Nawh kaong ka daux tiex mai teei lon simaox singax mai sum nhu plix siiet pa kied mhawm ka daux an heue. Nawh sum nyiex pau ka daux sigreung sipeem mai baox yuh dee biiet rawm plix siiet ka daux an; mawh kheu nan nawh hoik keud ce an sang pon plix siiet ceu pa mhawm, viang mawh nan, an hoik lih ti mawh plix siiet tiag heue.

DANYELAX 2:44

Ka daux baux ju singaix simiang inkix, Siyiex piang raoma tak sang yaog tix pang meung pa tak ang chix koe krax laux leeing tix meung mai meung an tak ang lai mawh pa prah tix ka daux pui tang ceu khankix heue.Meung in tak sang yuh laux leeing mai phawng yuh meung ankix mai nawh tak kaux cong leeing ju heue.

DANYELAX 7:18

“Viang mawh nan, pui singax singeh Siyiex pa kied ting lhaong khankix, tak rieb ti teei meung haktiex mai tak yaox ti cie meung haktiex leeing ju tom sidah sidu leeing ju heue.”

AWBADIX 1:21

Khaix an cao pa taoh tak sang hoek ka gawng Zion, sonsang prawng ca ka gawng Esaw mai meung haktiex tak sang mawh cie Siyiex heue.

MIKHA 2:12

“Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.

ZAKHARIX 9:10

Aux tak sang tat ti tik ling lawx naing khaing Epharem mai brung naing khaing veng Yerusaliem, ak yuh naing khankix tak sang mawh pa tat ti tik uik heue. Nawh tak sang sikah lox pa nhim ka ceu pui khankix, dee kwang dee pang Nawh, tak sang mawh pa jah khaing rawm sigrit sigra in tom hoek ka rawm sigrit sigra an mai jah khaing rawm klawng ting tom hoek ka dee sidah sidu haktiex heue.”

ZAKHARIX 9:12

Pex pa mawh pui pa giex laung pa kawn koe krax keud pot jun pot khankix eue, Deeh ing ka nyiex tab lhaong dee pa kaux cong heue. Ka daux in singaix, Aux pao ti krai, grawng tak sang baox tawx bwanson ka pex ra son heue.

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

SIMIN 24:19

Pui pa kwang tix kaux tak lih hoek khaing ceu pui Yakop mai yuh veng pa kawn deuk khankix laux leeing!”

MATHIEX 21:33

“Pex baox nghiet lox tiag tang ceu tix ceu heue. Koe cao sipeem plix siiet tix kaux, pa sum plix siiet tix dah mai vie vung viang sipeem an mai kaong dee biiet rawm plix siiet mai sum nyiex lhaong pa pau sipeem tix lhang mai nawh tawx pui vai ka sipeem plix siiet an mai hu ka praix tang klawng heue.

MAKUX 12:1

Nawh Cao baox jah ti sidiex ka kix ka daux lox tiag heue. “Pui tix kaux nawh sum sipeem plix siiet tix dah mai sum khaox vie vung viang sipeem an mai kaong daux dee biiet rawm plix siiet mai sum nyiex lhaong tix lhang mai yaog mai tawx vai ka pui pa yuh sipeem plix siiet mai hu tang praix klawng heue.

EFESUX 1:21

kied ting ka piang ceu pa giex kaing, pa koe min pakngai, siawp sibrawm mai simiang haktiex, can ceu kaux ku ceu pa hoik kok kah, ang joeng mawh ngie ka ju haktiex in, viang mawh nan khawm daux ju pa tak sang hoek phao khaix khawmuik heue.

PLAK JHI 22:5

Tak ang lai baox koe pon sawm tan khaix. Kix tak ang lo pa riang kawk ngu, viang pa riang singaix kawx ang lo, grawh grawng nawh Siyiex tak tawx pa riang ka kixmai kix tak sang giex kaing ku ju leeing ju heue.