MIKHA 4:7 - Wa Common Language Translation7 Aux tak sang kieh pui pa chawh caong mawh pa kawn deuk mai kieh pui pa hoik grheu tix khankix mawh ceu pui pa kied ting riang rao heue. Siyiex tak sang kwang kix ka piang gawng Zion, jah ka daux yam in mai hu sivoe ngai tom hoek leeing ju heue. Faic an caibideil |
Mawh pui mawx pa sax mhong ka ceu in lie? Mawh pui mawx pa sax yaox ka ceu in lie? Mawh haktiex mawx pa tak sang keh ka daux tix singaix ngie lie? Phan ang mawh nan, mawh haktiex mawx pa hoik keh ti lih ka daux tix taix neh lie? Grawh grawng nawh, yam kawn taug kham kawn bun veng Zion ka krax saux pa sang keh, nawh hoik keh kawn praix tix heue.
mai Nawh ah nin ka aux, “Kawn pui eue, in mawh dang ngeung Aux mai mawh dee deuh Aux caong tix, ka sinax kawn praix ceu pui Isarelax leeing ju. Nyiex ma ceu pui Isarelax tak ang lai salao ceu kaux pa singax Aux khaix in tix bawg kawx, cao kix mai simiang kix, ang lai lud vao mai ang krub riang yum simiang kix ka dee pa lhaong kix heue.
Ka daux baux ju singaix simiang inkix, Siyiex piang raoma tak sang yaog tix pang meung pa tak ang chix koe krax laux leeing tix meung mai meung an tak ang lai mawh pa prah tix ka daux pui tang ceu khankix heue.Meung in tak sang yuh laux leeing mai phawng yuh meung ankix mai nawh tak kaux cong leeing ju heue.
Yam hoik sidah bawg yam aux Nebukhaneza, hoik yaog ngai tix maong ka plak raoma mai krax tawng yung aux hoik deeh hoek ka aux mai aux ting bwanson ka Siyiex Cao pa kied ting lhaong mai yaogyaw tawx krax nab yam ka Nawh Cao, pa im ju leeing ju heue. Grawh grawng nawh, sibrawm Nawh koe leeing ju mai meung haktiex Nawh mawh pa koe ku ju leeing ju heue.
“Khaix an sibrawm, min plakngai mai meung haktiex, hoik tawx ka Nawh, sonsang hoek pui khankix mai ceu pui kuceu mai can pui pa sikah lox kuceu khankix ti yuh kaing jhaw Nawh heue. Siawp sibrawm Nawh mawh sibrawm pa kaux cong leeing ju, pa ang lai grai grup mai meung haktiex Nawh tak mawh meung haktiex pa ang chix laux leeing heue.
Khaix an meung haktiex mai sibrawm mai krax kwang meung haktiex pa ting lhaong an khankix pa koe greem raoma khawmuik tak sang mawh pa tawx ka pui khankix, pa mawh pui pa singax singeh cie Siyiex pa kied ting kieg lhaong heue. Meung haktiex Nawh mawh meung haktiex pa kaux cong leeing ju mai pa koe sibrawm khankix khawmuik, tak yuh tix tawx kaing jhaw Nawh mai koe krax cu nghiet ka Nawh heue.
“Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.
Ceu pui Isarelax pa kawn deuk khankix, tak ang lai yuh pa ang rahsee mai ang lai sikah lox pie lox lhen mai dak pa luk liak luk le tak ang lai koe ka daux jheeh kix heue. Grawh grawng nawh, kix tak yaox ti ih nyaux mai yaox ti it nyawm mai tix kaux kawx, tak ang lai pon kieh kix koe krax lhat graung heue.”
Ka daux bawg yam an, Aux tak sang deeh viex pex hoek, kraix khrawm pex tau heue. Grawh grawng nawh, aux tak sang tawx maix koe krax pa ao min mai krax pa yaog yaw, ka daux sinax pui piang haktiex khawmuik, yam dee viex Aux pui pa giex laung pex khankix hoek ka daux plak sivoe ngai maix. Siyiex ah nan heue.