MIKHA 4:4 - Wa Common Language Translation

⁴ Pui ku kaux tak sang yaox ti ngawm greem nhu plix siiet tix mai greem pang khaox ruh tix mai pui tix kaux kawx, tak ang lai koe krax lhat graung heue. In mawh jheeh Siyiex Cao kru naing raoma pa hoik ah yuh nan heue.

MIKHA 4:4 Iomraidhean Croise

1 SIMIANG 4:25

Pui Yudax mai pui Isarelax yaox ti ot yiien yawg ka greem veei nhu plix siiet mai greem veei khaox ruh tix, jah ka veng Dan, tom hoek ka veng Berashebax, glang bawg yam kwang nawh haktiex heue.

1 SIMIANG 5:5

Aux keud ti sang sum nyiex bwan ka daux ceu kaux Simiang Siyiex aux, awm pa hoik ah Simiang Siyiex ka keeing aux Davit, kawn simex maix pa sang yaog aux mawh cao pa ngawm piang dangngeung maix mai pa sang plud maix an, nawh tak sum nyiex bwan ka daux ceu kaux Aux heue.

YAWBAX 11:19

Yam it maix pui tix kaux kawx, tak ang pon yuh maix lhat graung, mawh heue, pui tom nie tak mhaing krax teem ka maix heue.

YAOGYAW 72:3

Ka daux krax pa rahsee Maix kieh gawng iak gawng ting khankix, tawx krax pa nyawm rhawm ka pui Maix liak.

LOX KAB 3:25

Paw lhat graung ka ceu pa caox pa phai mai ceu pa laux leeing, pa yaox pui caox kix heue.

ISAYAX 1:20

Viang mawh nan phan pex thiang mai deeh tieh feen, pex tak laux leeing ka lawm vaig heue. Mawh kheu moing jheeh Siyiex hoik ah ti deuh heue.

ISAYAX 17:2

Veng Araw mawh pa hoik tik grham tix, tak mawh dee it cub yung khankix mai ang lai koe pui pa glhat ka kix heue.

ISAYAX 22:25

Siyiex cao kru naing raoma ah nin ka daux singaix an, jim pa hoik deuh tix kaux ka daux dee pa kaux cong an, tak mawh pa hoik toek tix mai mawh pa hoik kid ti goh mai beeh cien pa hoik preue ka piang an, tak mawh pa kid ti tik heue. Siyiex hoik ah ti deuh yuh nin heue.

ISAYAX 26:16

Siyiex eue, ka daux krax pa kha rhawm, kix hoik greed tix hoek ka Maix, kix hoik viex rhawm rhi tix rawg bwan, yam hoek krax pa sidiex gau Maix ka piang kix heue.

ISAYAX 32:17

Bwanson pa mawh meh ak lih mawh pa nhim mai bwanson pa mawh meh ak mawh krax yiien yawg mai pa kaux cong leeing ju.

ISAYAX 36:16

Paw nghiet ka lox Hezakix mawh kheu simiang Asurix ah nin, yuh paox pie pa khaw caw tau mai aux mai hoek tu ka aux mai pex tak yaox ti ih khaing nhu plix siiet cao tix mai yaox ti ih khaing plix ruh cao tix mai yaox ti nyaux rawm khaing rawm dung cao tix.

ISAYAX 40:5

Min pakngai Siyiex, tak lih hoek mai kawn pui tak yaox tau ku kaux, mawh kheu jheeh Siyiex hoik krai ti deuh.”

ISAYAX 54:14

Maix tak mawh pa kaux cong ka daux krax pa rahsee maix tak mawh pa singai khaing krax pa yeen ya, grawh grawng nawh maix tak ang lai koe krax lhat graung mai singai khaing krax pa glhat, grawh grawng nawh, krax pa glhat tak ang lai hoek dex maix heue.

ISAYAX 58:14

maix tak yuh krax gaux rhawm ka daux Siyiex mai aux tak sang kieh maix brug ka piang gawng lhaong piang haktiex khankix mai eei maix ka sinngao keeing maix Yakop, jheeh Siyiex ah nin heue.”

YERAMIX 23:4

Aux tak yaog ti deuh cao liang yung pa kwang piang kix, pa sang tawx kix ih priex preem mai kix tak ang lai koe krax lhat graung krax yaoh yee khaix in pie tix bawg kawx mai ang lai koe krax cud krax cha, Siyiex ah nan heue.

YERAMIX 30:10

Mawh kheu nan, Siyiex ah nin, kawncau Aux Yakop eue, paw lhat graung ceu pui Isarelax khankix eue,paw laux rhawm kheu, Aux tak sang taoh maix khaing dee pa kied singai mai ru maix pa kaoh khaing haktiex pa giex laung pex heue. Ceu pui Yakop tak deeh hoek mai koe krax laux lee tix mai krax yiien yawg tix mai pui tix kaux kawx tak ang pon yuh nawh koe krax lhat graung heue.

YEZAKELAX 34:25

“Aux tak yuh gumlox sijax mukheu pa nhim tau mai kix mai kieh totiag pa vao grai khaing haktiex an mai kix tak yaox ti ot yiien yawg ka daux tiagtu mai yaox tix nyawm it ka daux nong heue.

YEZAKELAX 34:28

“Kix tak ang lai mawh pa rhim son ceu pui tang ceu mai totiag haktiex tak ang lai pon kiied ti ih kix, kix tak yaox ti ot yiien yawg mai pui tix kaux kawx ang lai pon kieh kix koe krax lhat graung heue.”

YEZAKELAX 38:11

maix tak ah nin, Aux tak hu puing ka haktiex nyiex yaong pa ang koe guh veng, Aux tak yuh laux ka pui pa koe krax yiien yawg mai pa ang koe krax khi glawh khawmuik, dee pa ang guh veng koe mai dee pa ang jhong siviex koe mai siviex veng khankix,

YEZAKELAX 39:26

Kix tak yaox ti kham geu krax kaig tua mai pa ang kaux sijax pa lud tieh feen ka Aux, yam ot kix yiien yawg ka daux haktiex tix tau mai pa ang koe pui pa kieh kix koe krax lhat graung,

KRUB 26:6

Aux tak tawx pa nhim koe daux haktiex mai ang koe pui pa ghlat pex lhat graung mai pex tak yaox ti it mhawm mhawm, Aux tak grheu totiag pa vao khankix mai pui caox pui caig khaing haktiex pex mai lawm vaig lawm pliah tak ang lai kieh koe ka daux haktiex pex.

MIKHA 5:3

Mawh kheu nan, Nawh Cao tak sang ap ti tawx kix ka pui koeng tom sidah hoek bawg yam hoik keh bun an kawn tix ka daux krax pa saux heue. Yam an pui pa kawn deuk khaing daux puxaik nawh khankix tak sang deeh ing ka ceu pui Isarelax heue.

ZEPHANIX 3:13

Ceu pui Isarelax pa kawn deuk khankix, tak ang lai yuh pa ang rahsee mai ang lai sikah lox pie lox lhen mai dak pa luk liak luk le tak ang lai koe ka daux jheeh kix heue. Grawh grawng nawh, kix tak yaox ti ih nyaux mai yaox ti it nyawm mai tix kaux kawx, tak ang lai pon kieh kix koe krax lhat graung heue.”

ZAKHARIX 3:10

“Ka daux singaix an, pui ku kaux tak sang ghaok ka paox plawg tix khankix hoek ka greem nhu plix siiet nawh mai ka greem khaox ruh nawh heue. Siyiex cao kru naing raoma ah nan heue.