MIKHA 4:2 - Wa Common Language Translation

² Ceu pui tom nie tak sang hoek ah nin, “Hoek mai kieh ex haok ka piang gawng Siyiex, ka nyiex bwan Siyiex ceu pui Yakop heue. Nawh Cao tak sang gau ex ka daux krax Nawh mai ex tak sang hawt ti hu ka daux krax Nawh Cao heue. Grawh grawng nawh, gumlox beenli tak sang lih khaing gawng Zion mai gumlox Siyiex tak sang lih khaing daux veng Yerusaliem heue.”

MIKHA 4:2 Iomraidhean Croise

YAOGYAW 110:2

Siyiex tak teei pliah sibrawm Nawh, ploi lih khaing veng Zion mai giex kaing ka daux sinax pui, pa koeng ka Maix khankix heue.

YAOGYAW 119:1

Can pui pa grum hawt ka beenli Siyiex khankix, koe bwan son heue.

YAOGYAW 119:171

Jheeh aux tak ah lox yaogyaw, mawh kheu gau Maix aux ka lox tawm beenli Maix khankix heue.

YAOGYAW 122:1

Yam ah kix ka aux ex hu ka daux nyiex Siyiex ex, aux kied koe krax gaux rhawm heue.

YAOGYAW 25:12

Pui pa lhat graung ka Siyiex, Nawh Cao jhi nawh yaox daux krax pa simie ti hu awm pa moh nawh heue.

ISAYAX 2:3

Pui khankix tom nie, tak hoek ah nin, “Hoek mai kieh ex haok ka piang gawng Siyiex, ka nyiex bwan Siyiex Yakop; Nawh Cao tak sang gau ex ka daux krax Nawh Cao mai ex tak lawng ka daux krax Nawh Cao heue. “Mawh kheu gumlox beenli tak lih khaing gawng Zion mai gumlox Siyiex tak lih hoek khaing veng Yerusaliem heue.

ISAYAX 54:13

Kawn praix maix tak mawh pa hoik gau Siyiex mai kawn praix maix tak pon krax nhim pa kied ting lhaong heue.

ISAYAX 56:7

Aux tak viex kix hoek ka gawng pa singax Aux mai kieh kix koe krax gaux rhawm ka pa rawg bwan ka daux nyiex Aux. Krax tan pa gleeing kix mai krax tan pa appong kix khankix, tak mawh pa pon krax rieb ti teei ka piang khu dee tan Aux heue. Grawh grawng nawh, nyiex Aux tak kok mawh, nyiex dee rawg bwan son ceu pui khawmuik heue.

YERAMIX 31:6

Grawh grawng nawh, singaix yam tak sang kok yo pui pau veng khaing piang gawng Epharem, kaoh heue mai kieh ex haok piang gawng Zion, ka dee koe Siyiex pa mawh Siyiex ex heue.”

YERAMIX 42:3

sonsang jhi Siyiex krax pa sang caw yix tix lawng mai ceu pa sang khaw sang caw yix ti yuh khankix heue.”

HOSE 6:3

Kieh ex tawng kieh ex hawt sawg ti tawng ka Siyiex heue. Yam lih bleeh Nawh, mawh pa hoik blang awm plak ponngawb, Nawh Cao tak sang bleeh ti hoek ka ex awm rawm lhiex cao mai awm rawm lhiex lha mai caux piang tiex heue.

ZAKHARIX 14:16

Pui pa kawn deuk khaing ceu pui khankix pa hoik hoek ti puing ka veng Yerusaliem, tak ang haok hu ku num sonsang krub tix ka Siyiex pa mawh Siyiex cao kru naing raoma mai sonsang yuh tix ka pawie nyiex gox bang heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 9:10

Aux tak sang tat ti tik ling lawx naing khaing Epharem mai brung naing khaing veng Yerusaliem, ak yuh naing khankix tak sang mawh pa tat ti tik uik heue. Nawh tak sang sikah lox pa nhim ka ceu pui khankix, dee kwang dee pang Nawh, tak sang mawh pa jah khaing rawm sigrit sigra in tom hoek ka rawm sigrit sigra an mai jah khaing rawm klawng ting tom hoek ka dee sidah sidu haktiex heue.”

MAKUX 16:20

Kix lih hu mai sidiex gau kudah dee. Siyiex yuh kaing tau mai kix, kieh lox bwan kaux cong, kheu mhai pa lih mawh daux kix khankix heue.

LUKAX 24:47

Grawng tak sang sidiex gau grawh grawng pa sang doh keud ka phimap mai krax pluat ploi ka daux ceu kaux Aux, jah ka veng Yerusaliem mai ka ceu pui khawmuik khawm leeing heue.

YOHAN 6:45

Awm pa hoik tiiem daux Lai cao jhai khankix, Siyiex tak gau ka kix khawmuik Pui pa hoik mhong pa hoik pon krax gau khaing Keeing Cao ku kaux hoek ka Aux heue.

YOHAN 7:17

Phan pui tix kaux kaux koe rhawm ti yuh alo Nawh Cao, nawh tak sang tawng lox sidiex gau Aux in, mawh pa kaoh khaing Siyiex lie, phan ang mawh nan mawh pa lak keud Aux ti ah lie.

KAWNCAU 1:8

Viang mawh nan pex tak sang pon sibrawm, yam hoik hoek Khuan Singax Singeh piang pex mai pex tak sang mawh pui pa kham mhai rug son Aux, jah ka veng Yerusaliem khawm meung Yudax khawmuik mai meung Samarix mai hoek tom dee sidah haktiex heue.”

KAWNCAU 13:42

Yam lih hu kiex, kix khyox khaw kiex sonsang baox deeh sidiex lox ceu in khankix, daux singaix twah hoek heue.

ROMAX 15:19

ka daux sibrawm pa mawh mhai mai pa daox deng, ka daux sibrawm Khuan Singax Singeh heue. Mawh kheu nan jah ka veng Yerusaliem mai hawt sivie tan, tom hoek ka meung Ilirikam, aux hoik grum sidiex gau lox bwan gaux rhawm Cao Khrit heue.

PINGNYAP 6:1

In mawh lox tawm pingnyap mai lox lai beenli mai lox tat jhawm prawng pa hoik tawm Simiang Siyiex pex, sonsang gau aux ka pex mai sonsang hawt pex ti yuh daux haktiex pa tiang pex ti hu teei ti cie,