MIKHA 3:9 - Wa Common Language Translation

⁹ Pex pa mawh cao kaing nyiex ma pui Yakop mai cao pa kwang ka piang nyiex ma ceu pui Isarelax khankix eue, pa seeing ka krax pa rahsee khankix mai pa pluk pliak ti tik been pa khaw caw khankix,

MIKHA 3:9 Iomraidhean Croise

NEHAMIX 13:17

Khaix an aux hoik ne raw ka cub simiang pa laoh lie pui Yudax khankix mai ah ka kix, “Kheu pex lai yuh ceu pa caox caig yuh nin, sonsang kieh tix singaix twah seeing brai ka yuh ka mawh?

LIH HU 3:16

Hu mai kraix khrawm cub kuad song pui Isarelax khankix, “Siyiex keeing pex, Siyiex Abraham, Icak mai Yakop hoik bleeh ka aux, ah nin, “Aux hoik yaox can ceu pa yuh pui meung Ejiptux khankix ka pex,

LOX KAB 17:15

Pui pa ploi phimap ka pui pa ang rahsee mai pui pa ciyang phimap ka pui pa rahsee, Siyiex seeing ka kiex khawm ra heue.

LOX KAB 17:23

Pui pa ang rahsee khankix, chix cawk ti teei mau daux hau pui mai chix yuh laux ka pa rahsee heue.

LOX KAB 18:5

Yam prawng see, ang khaw ti jhak plakngai pui pa ang rahsee ka son sang som pui rahsee heue.

LOX KAB 21:7

Pui pa ang rahsee khankix, mawh kheu kix ang simie tix prawng see ka daux pa rahsee, phimap pa yuh kix tak deeh kieh kix laux leeing heue.

ISAYAX 1:23

Kawn lauxsimiang maix khankix hoik mawh pa deeh tieh feen mai mawh pa rom tix neuex tau mai pui briex pui ku kaux moh ka kraung pa cun praok khankix mai hawt ti hu khaix totaix khankix heue. Kix ang lai tiebtie ka son pa ang koe keeing mai yuh tix ang kieh grawng see miexmai hoek ka plak sivoe kix heue.

YERAMIX 5:28

Kix hoik kluing mai plang ngai baoh, mawh heue. Kix baox nie lheu yuh kaing pa caox caig, kix ang prawng rahsee ka grawh grawng pui pa ang koe miex keeing khankix. Viang yuh nan kawx, kix ca kawn koe krax hwan mai kix ang tiebtie ka pa khaw caw pui pa cud cha khankix tix pon ka heue.

YEZAKELAX 44:23

Kix tak yaox ti gau pui Aux sonsang chix gwieh tix tawng pa singax mai pa ang singax, pa mhawm mai pa ang mhawm.

HOSE 5:1

Cao giex kaing li khankix eue, nghiet heue. Nyiex ma ceu pui Isarelax khankix eue, koe krax cu nghiet ka liak, pui daux nyiex ma simiang khankix eue, daong yhaok tix nghiet heue. Krax pa ciyang tak sang hoek piang pex kheu mawh pex kie piang gawng Mizapa mai rub pa nih tix piang gawng Tabaw heue.

KRUB 26:15

Phan pex seeing ka lox tawm jhawm krai Aux khankix mai phan pex nunai ka beenli Aux khankix, son ang pex pon hawt ti yuh ka gumlox pingnyap Aux mai yieh laux ka sijax mukheu Aux,

AMOT 5:7

Pex pa kieh krax pa rahsee deeh tieh ti mawh lhax sup mai pa tik krax pa rahsee ka piang tiex khakix,

MIKHA 1:1

Gumlox Siyiex hoek ka Mikha, pui yaong Mawrasha, ka daux baux singaix Yotham, Shap mai Hezakix,simiang meung Yudax khankix, ka pa hoik yaox nawh grawng veng Samarix mai veng Yerusaliem khankix.

MIKHA 3:1

Aux ah nin “Cao kaing ceu pui Yakop khankix mai cao pa kwang ka daux nyiex ma ceu pui Isarelax khankix eue, pex nghiet yam in, ang pex mawh pa caw ti koe krax tawng ka krax prawng krax ciyang pa rahsee heue.

PINGNYAP 27:19

Kieh pa jhax lawg koe piang pui pa tieh lox prawng pa rahsee piang nyo sinie mai piang miexmai kawn doe khankix mai pui khawmuik deeh pawk lox mai ah Amen!