MIKHA 3:7 - Wa Common Language Translation

⁷ Yam an cao jhai khankix tak koe krax kaig tua mai cao pa sibawk tak sang koe krax pa laux rhawm heue. Kix khawmuik, tak sang mip siyieb jheeh tix, kheu ang Siyiex pawk lox kix heue.

MIKHA 3:7 Iomraidhean Croise

YAOGYAW 74:9

Ang ex lai yaox sakse tokaux tix, tix ceu kawx, cao jhai ka ang koe, cao pa krai ex mhong grawng bawg yam ka ang koe mai kawn koe miex grheung ang tawng?

LIH HU 9:11

Cao chix simeed ang lai pon cung sivoe Mose jao jhawm saux muad, mawh kheu jhawm saux muad koe ka piang cao chix simeed mai ka piang pui Ejiptux khawmuik.

ISAYAX 44:25

Pa preet mhai rug pui ah lox pie lox lhen mai pa kieh cao sipawk yhot, pa kieh pui koe pingnya deeh plak khaix mai kieh pa tawng kix mawh pa deux pa aw

YERAMIX 18:18

Khaix an kix ah nin, “Hoek mai kieh ex keud grawng pa sang yuh tix ka Yeramix, mawh kheu nan, gumlox tat jhawm prawng ang lai grai khaing cao giex kaing li mai krax keud ang grai khaing pui koe pingnya cuyi mai lox jhai ang chix grai khaing cao jhai, hoek mai kieh ex puing nawh ka dak tix, paw lai kieh ex nghiet ka lox pie tix gum kawx heue.

YEZAKELAX 24:17

Ngia ngheeik daux pa yiien, paw yiiem doe son pui yum. Ceep lawk kaing mai ceep kiep ka caong maix, paw thox siyieb jheeh maix mai paw ih priex pui yiiem doe.”

YEZAKELAX 24:22

Pex tak yaox ti yuh awm pa hoik yuh Aux, pex tak ang yaox ti thox siyieb jheeh tix mai ang yaox ti ih priex pui pa yiiem doe heue.

KRUB 13:45

Yam in, kix tak riah kraung ceep pui pa koe jhawm saux sipawg an mai kieh nawh bhang kaing tix mai nawh tak kheem siyiep jheeh plak piang tix mai kok yo lox ti yuh nin, ang singax, ang singax,

AMOT 8:11

Siyiex ah nin, “Jhak heue, singaix ankix tak sang hoek, Aux tak sang ploi krax sibhawm praix lih ka piang haktiex heue. Ang tie mawh krax sibhawm praix pa ih mai ang tie mawh krax pa sang nyaux nie rawm mai tak sang mawh krax sibhawm praix pa ang yaox ti mhong ka gumlox Siyiex heue.

MIKHA 3:4

Yam an, kix tak sang riag yo lox tix ka Siyiex, viang mawh nan, Nawh Cao tak ang lai pawk lox kix, Nawh Cao tak sang veeh pakngai tix khaing kix ka daux bawg yam an, kheu hoik dawg yuh kix ceu pa caox ka daux kaing yuh kix heue.

MIKHA 7:16

Ceu pui khankix tak sang yaox mai tak sang koe krax pa kaig tua ka daux riang rao pa kied ting lhaong kix khawmuik, kix tak teei taix tix thox ka jheeh tix mai yhaok kix tak sang mawh pa lheet kah heue.

ZAKHARIX 13:4

“Ka daux singaix an, cao jhai pa krai lox jhai pie lhen khankix, tak koe krax pa kaig pa tua kheu grawng riang susai pa yaox kix heue. Kix tak ang lai ceep sibex hauk sonsang pie lhen tix pui heue.

1 SAMOELAX 14:37

Mai Sawlux chawk cheng ka Siyiex, “Mawh khaw aux lih pheet ka pui Philitix lie? Mawh sang ap Maix kix ka daux taix pui Isarelax lie? mai Nawh Cao ang pawk lox nawh singaix an.

1 SAMOELAX 28:15

Yam an Samoelax ah nin ka Sawlux, “Kheu maix lai kok tix tuktiak ka aux, ” mai Sawlux pawk ah nin, “Aux kied koe krax laux rhawm, kheu sang yuh pui Philitix naing ka aux, Siyiex hoik tik vud aux mai ang lai pawk lox aux, ka daux lox jhai ang ah, ka daux camaox ang ah, mawh kheu nan, aux tom kok maix sonsang jhi maix aux yaox, pa sang caw aux ti yuh.”

1 SAMOELAX 28:6

Yam chawk cheng Sawlux tix yaox grawng pa sang yuh tix ka Simiang Siyiex, Siyiex ang pawk lox nawh daux camaox ang ah, ka daux Urim ang ah mai ka daux lox jhai ang ah,

1 SAMOELAX 9:9

Tom yam jah pui Isarelax, yam chawk pui tix kaux kaux ka Siyiex, nawh ah nin, “Hoek heue, kieh ex hu ka kaw pa chix yaox” mawh kheu kaw an yam in pui kok nawh mawh cao jhai, yam jah dix kix kok mawh kaw pa chix yaox.