MIKHA 3:5 - Wa Common Language Translation

⁵ Siyiex ah nin, ka son grawng cao jhai khankix, pa kieh pui Aux khankix koe krax lud loe, pa kok yo ti ah nin, “Koe krax pa nhim heue. Yam yaox rhang kix ti sai pa ih, pa khre rien ti sang yuh pa caox ka piang pui pa ang tawx pa ih tix ceu kawx ka daux jheeh kix heue.”

MIKHA 3:5 Iomraidhean Croise

LOX KAB 28:21

Ang khaw tix kham ka plakngai pui, grawh grawng nawh, kawn pui yuh phimap jao sang pon blah tix pliah heue.

ISAYAX 3:12

Phan mawh ka son pui Aux khankix, kawn nyawm khankix kin kha ti ih ka piang kix mai bun khankix mawh cao pa kwang ka piang kix heue. Pui Aux khankix eue, Can pui pa thung ka pex khankix, mawh pa yuh pex lud loe krax mai yuh daux krax hu pex laux leeing heue.”

YERAMIX 23:27

kix coca ti kieh pui Aux khankix piawm ka ceu kaux aux kheu camaox tix, ka ceu pa krai pui ku kaux ka paox plawg tix khankix, awm hoik piawm keeing kix ceu kaux Aux, kheu jao siyiex Balax heue.

YERAMIX 23:32

Siyiex ah nin, jhak heue, Aux tak tieh feen ka cao jhai pa krai lox jhai pie lhen grawng camaox khankix, pa krai pa kieh pui Aux khankix lud loe ka ceu pie lhen kix mai pa tang yaw kix tix heue. Viang mawh nan, aux ang ploi kix mai ang tie tawm lox ka kix heue. Mawh kheu nan, kix krai lox pa ang tie koe bwanson ka ceu pui in khawmuik, Siyiex ah nan heue.

YERAMIX 6:14

Kix hoik pai dee saux kawn bun ceu pui Aux khankix ceeix khaing ah nin, ‘Yam ang lai koe pa nhim, kix ah pa nhim, pa nhim,’

YERAMIX 6:4

Khre rien tix mai yuh naing ka nawh, kaoh mai kieh ex haok puing ka nawh yam jung singaix heue. Krax laux rhawm hoik koe ka ex, kheu hoik klip singaix, mawh kheu kied lang veei ponbo heue.

YIIEM DOE 2:14

Cao jhai maix khankix hoik yaox krax plak jhi ceu pie lhen ka son maix, kix ang nyang plak jhi krax pa lud maix, sonsang deeh viex tix pui pa giex laung maix khankix ing heue. Viang mawh nan, kix hoik yaox krax pa plak jhi ka son maix, pa mawh gumlox jhai pie lhen mai pa koe krax lud krax loe khankix heue.

YEZAKELAX 13:9

“Taix Aux tak tiebtie ka cao jhai pa yaox ka riang susai pa giex going mai pa krai lox jhai pie lhien. Kix tak ang yaox ti ot ka daux dee kraix khrawm pui Aux tix khankix mai ang lai tiiem ti deuh carang kix ka daux nyiex ma ceu pui Isarelax mai tak ang lai yaox ti laig ka daux haktiex meung Isarelax mai pex tak tawng mawh Aux Siyiex heue.”

HOSE 4:5

Mawh kheu nan maix tak sideeing ti goh daux plak ponngaix, cao jhai kawx tak sang sideeing ti goh tau mai maix ka plak ponsawm mai Aux tak yuh miex maix laux leeing heue.

YOLAX 3:9

Pao ti krai grawng in daux sinax ceu pui khankix heue, khre rien son naing so kaoh ka pui pa kied ting riang rao khankix, kieh pui naing khawmuik greed tix dex kieh kix haok heue.

MIKHA 2:11

Phan daux rhawm rhi pui koe ceu pie lhen mai sikah lox pie lhen pa ah nin, aux tak sang krai lox jhai grawh grawng rawm plix siiet mai rawm plai khankix heue. Kaw an tak sang mawh cao jhai ka pui ceu inkix heue.

MIKHA 3:11

Cao kaing nawh khankix, prawng see sonsang teei tix totaix pa cun praok, cao giex kaing li nawh khankix sidiex gau sonsang pon tix ngawh jum mai cao jhai nawh khankix yuh sibawk sonsang pon tix mau heue. Viang yuh nan, kix du lox tix ka piang Siyiex ah nin, mawh ang Siyiex ot ka daux sinax ex lie? Ceu pa kha rhawm tak ang lai pon hoek ka piang ex heue.

MALAKHIX 2:8

Pex hoik lih hu khaing daux krax, pex hoik kieh pui khankix tom nie, sideeing ti goh ka gumlox been heue. Pex laux leeing yuh gumlox sijax mukheu ceu pui Lewix heue. “Siyiex cao kru naing raoma ah nin,

MATHIEX 15:14

Via kix heue, kix mawh pui dug ngai pa thong ka pui dug ngai heue. Phan pui dug ngai thong pui dug ngai, khawm ra kiex tak rau daux o heue.”

MATHIEX 7:15

“Rien rhawm tix ka cao jhai pa ang mawh meh khankix, pa ceep hak yung plak piang, viang mawh nan ka plak daux mawh soxla pa caox heue.

ROMAX 16:18

Grawh grawng nawh kix pa awm kix khankix, mawh pa ang yuh son Simiang ex Cao Khrit, viang mawh nan kix keud son vaig tix khaing mai kix chix pie lhen ka rhawm kix pa ang koe dee lud, ka lox nyawm lox ghoik nyaw kix heue.