MIKHA 3:11 - Wa Common Language Translation

¹¹ Cao kaing nawh khankix, prawng see sonsang teei tix totaix pa cun praok, cao giex kaing li nawh khankix sidiex gau sonsang pon tix ngawh jum mai cao jhai nawh khankix yuh sibawk sonsang pon tix mau heue. Viang yuh nan, kix du lox tix ka piang Siyiex ah nin, mawh ang Siyiex ot ka daux sinax ex lie? Ceu pa kha rhawm tak ang lai pon hoek ka piang ex heue.

MIKHA 3:11 Iomraidhean Croise

LOX KAB 17:23

Pui pa ang rahsee khankix, chix cawk ti teei mau daux hau pui mai chix yuh laux ka pa rahsee heue.

ISAYAX 1:23

Kawn lauxsimiang maix khankix hoik mawh pa deeh tieh feen mai mawh pa rom tix neuex tau mai pui briex pui ku kaux moh ka kraung pa cun praok khankix mai hawt ti hu khaix totaix khankix heue. Kix ang lai tiebtie ka son pa ang koe keeing mai yuh tix ang kieh grawng see miexmai hoek ka plak sivoe kix heue.

ISAYAX 48:2

Kix kok cao tix mawh pui veng pa singax mai deuh rhawm tix ka Siyiex pui Isarelax, ceu kaux Nawh Cao mawh Siyiex cao kru naing raoma.

ISAYAX 5:23

pa yuh krax pa rahsee ka pui pa caox caig sonsang teei tix kraung pa cun praok mai teei grawng krax rahsee hu khaing pui pa rahsee heue.

ISAYAX 56:11

Kix mawh sox khankix pa kied ghoeng ngie ka pa ih mai pa ang chix sak heue. Kix mawh cao liang yung khankix, pa ang pon ti koe krax tawng yung, kix khawmuik tang hu ngie ka daux krax hu cao tix, pui ku kaux tang sawg ngie krax pa sang pon tix bwanson tokaux cao tix heue.

YERAMIX 23:17

Kix ah nin ka pui pa nunai ka aux jheung jheung, Siyiex ah nin, “pex tak sang koe krax pa nhim, mai baox ah nin ka pui ku kaux pa tang hoek hu awm alo rhawm cao tix, ceu pa caox tak ang lai hoek piang pex heue.”

YERAMIX 26:7

Mawh kheu nan cao giex kaing li, cao jhai mawh pui hun khankix, hoik mhong gumlox krai Yeramix inkix ka daux nyiex bwan Siyiex heue.

YERAMIX 5:12

Kix hoik thiang ti tik ka grawng Siyiex ah nin, Ang tie mawh Nawh Cao, ceu pa caox caig tak ang pon hoek piang ex mai ex ang sipup ti yaox ka vaik lawm mai ka krax hot sibawm heue.

YERAMIX 6:13

“Grawh grawng nawh, jah ka pui iak tom hoek ka pui ting khawmuik, kix ku kaux hoik ghoing ka sinngao pa ang rahsee heue. Jah ka cao jhai tom hoek ka cao giex kaing li khankix, kix ku kaux yuh pa lud loe heue.

YERAMIX 7:4

“Paw doh een rhawm tix ka lox pie lhen ah nin, in mawh nyiex bwan Siyiex, nyiex bwan Siyiex, nyiex bwan Siyiex heue.

YERAMIX 8:10

Mawh kheu nan, aux tak tawx moeng kix ka pui tang kaux mai kieh pui tang kaux cie ka kaung kix, grawh grawng nawh, jah ka pui iak tom hoek ka pui ting ku kaux mawh pa gawx ka sinngao, jah ka cao jhai tom hoek ka cao giex kaing li khankix, yuh krax pa lud loe heue.

YEZAKELAX 22:12

Ka daux maix koe pui rieb mau cun praok sonsang kieh nham jauh, maix tawx paox plawg tix yaog mau mai teei rao tom nie ka daux pa khin tix mai maix hoik piawm ka Aux, Siyiex ah nan heue.

YEZAKELAX 22:27

Cao kaing ka daux sigreung haktiex an, awm sox praix, pa sang kiied ti ih totiag pa kieh nham jah mai kix pah ka pui sonsang magmi tix ka daux pa ang rahsee heue.

YEZAKELAX 34:2

“Kawn pui eue, krai lox jhai ka cao liang yung ceu pui Isarelax, krai lox jhai mai ah nin ka kix, Siyiex ah nin ka cao liang yung, kieh krax kha rhawm koe ka cao liang yung pa priex ka tokaux khaing, mawh ang cao liang yung khankix priex ka cub yung kix lie?”

HOSE 4:18

Pa nyaux kix hoik deeh tieh ti niex, kix ca yuh krax lud vao, simiang cao kix, kied koe krax moh krax rhawm ka pa kaig tua heue.

HOSE 4:8

Kix ih krax tan pa taoh phimap pui Aux khankix, daux rhawm kix simie pui Aux lud heue.

AMOT 5:14

Pex sawg ka ceu pa mhawm mai paw sawg ka ceu pa caox, sonsang pon pex ti im ju heue. Mawh kheu nan, Siyiex, pa mawh Siyiex cao kru naing raoma, tak ot tau mai pex awm krax pa hoik krai pex ti deuh heue.

AMOT 9:10

Pui pa koe phimap khankix khaing daux pui aux pa ah nin, “Krax kha rhawm tak ang pon krup ka yix mai ang pon ti sipub yix, kix tak yum ka lawm vaid heue.”

MIKHA 3:5

Siyiex ah nin, ka son grawng cao jhai khankix, pa kieh pui Aux khankix koe krax lud loe, pa kok yo ti ah nin, “Koe krax pa nhim heue. Yam yaox rhang kix ti sai pa ih, pa khre rien ti sang yuh pa caox ka piang pui pa ang tawx pa ih tix ceu kawx ka daux jheeh kix heue.”

MIKHA 7:3

Taix kix khawm ra khawn yuh ceu pa caox caig, simiang mhaing ti cie totaix, cao prawng see kawx sawg ti ih mau cun praok mai pui pa ting lhaong kawx ah lox krax koe rhawm pa caox caig tix mai kix keud ti sang yuh ceu an kix tau mai paox tix heue.

ZEPHANIX 3:3

Simiang pa koe ka daux sinax nawh khankix, mawh sivai sangsi pa brum lox tix, cao prawng see nawh, mawh sox la pa lih daux plak ponsawm, pa ang tie prah si ang pie tix gawng kawx tom hoek daux plak ponngawb heue.

ZEPHANIX 3:4

Cao jhai nawh mawh pa ang koe simu mai mawh pui pa luk liak luk le; cao giex kaing li nawh hoik seeing yuh dee pa singax singeh, kix hoik map nai ka gumlox beenli heue.

MALAKHIX 1:10

Kieh simie pui ka daux sinax pex koe tix kaux pa nyeep ti priex siviex nyiex bwan, son ang pex pon ti phlu ngu ka piang khu dee tan Aux ka daux pa giex going heue. Aux ang koe krax khaw rhawm ka pex mai Aux ang lai rieb ti teei krax tan tix ceu kawx khaing daux taix pex. Siyiex cao kru naing raoma ah nan heue.

MALAKHIX 2:9

“Aux hoik baox kieh pex mawh pa kham krax pa salao mai pa map pui khankix khawmuik, kheu ang pex priex rien ka daux krax Aux mai jhak pakngai pui ka daux gumlox been heue.”

SIMIN 16:15

Mose kied song rhawm ah nin ka Simiang Siyiex, “Paw lai rieb ka krax tan kix, Aux ang sax teei la khaing kix tix mu kawx mai ang sax yuh pa kin ka kix tix kaux kawx.”

SIMIN 22:7

Mawh kheu nan kwad song nong yu pui Mawbax mai kwad song nong yu pui Midian, viex totaix mau sonsang yuh simeed ka taix tix mai hoek ka Balam mai krai lox simiang Baliet ka nawh.

MATHIEX 3:9

Paw keud ti ah ka tokaux tix, Ex koe Abraham pa mawh keeing ex, aux krai ka pex, Siyiex chix yuh simaox in khankix lih mawh kawn Abraham heue.

1 TIMOSE 3:3

Ang lai mawh pui pa nieb pleung ka plai rawm plix siiet, pa nieb tap toi ka pui, tak lai mawh pa awn rhawm awn rhi, pa ang simah simiang, pa ang moh ka mau heue.

TITUX 1:11

Tak lai thox jheeh kix, pui pa klup ti kieh laux ka pui khawm nyiex khankix, ka pa gau pa ang kix khaw ti gau, son sang pon kix mau yie ka grawng pa ang khaw heue.

1 PETRUX 5:2

Kia ngien ka cub yung Siyiex pa ot ka sinax pex mai giex kaing kix, viang mawh nan kieh koe rhawm tix sang yuh awm pa khaw mai alo Siyiex mai paw kieh mawh pa khin ti yuh, lheu khaing an paw kieh mawh kheu moh pex ti pon mau pa seeing, viang mawh nan kieh koe rhawm pa mie ti yuh heue.

YUDAX 1:11

Kix tak kha rhawm heue, mawh kheu hoik hawt kix daux krax Ka-inax, sonsang pon kix ngawh kix hoik plab ti laig ka daux pa lud Balam mai hoik laux leeing ka daux lox chao Korax heue.

1 SAMOELAX 8:3

Kawn simex nawh ang lai hawt khaix keeing tix mai moh ka mau pa ang rahsee mai rieb mau cun praok mai tik been pa mawh meh.