MIKHA 3:1 - Wa Common Language Translation

¹ Aux ah nin “Cao kaing ceu pui Yakop khankix mai cao pa kwang ka daux nyiex ma ceu pui Isarelax khankix eue, pex nghiet yam in, ang pex mawh pa caw ti koe krax tawng ka krax prawng krax ciyang pa rahsee heue.

MIKHA 3:1 Iomraidhean Croise

NEHAMIX 13:17

Khaix an aux hoik ne raw ka cub simiang pa laoh lie pui Yudax khankix mai ah ka kix, “Kheu pex lai yuh ceu pa caox caig yuh nin, sonsang kieh tix singaix twah seeing brai ka yuh ka mawh?

YAOGYAW 14:4

Can pui pa yuh pa caox khawmuik ang kix tawng lie? Kix kiied ti ih pui Aux, awm ih kix blah mai ang kok ka Siyiex lie?

ISAYAX 1:10

Pex pa mawh cao pa kwang piang veng Sawdom khankix eue, nghiet ka gumlox Siyiex heue, pex pa mawh pui ot daux veng Gawmawrax khankix eue, daong yhaok tix ka lox lai beenli Siyiex ex heue.

ISAYAX 10:2

sonsang khinkix ka pui cud pui cha mai sonsang teei ceu pa mawh meh khaing pui hot pui shia ceu pui Aux khankix, son tak sang mawh miexmai kraung pa rhim kix mai sonsang pon rhim kix ti teei kraung cie pa ang koe miex koe keeing khankix heue.

YEZAKELAX 22:6

Jhak heue, cub cao kaing cao kap pui Isarelax pa ot ka daux maix ku kaux hoik shiao min sibrawm tix sonsang kieh nham khankix jauh heue.

YEZAKELAX 34:2

“Kawn pui eue, krai lox jhai ka cao liang yung ceu pui Isarelax, krai lox jhai mai ah nin ka kix, Siyiex ah nin ka cao liang yung, kieh krax kha rhawm koe ka cao liang yung pa priex ka tokaux khaing, mawh ang cao liang yung khankix priex ka cub yung kix lie?”

YEZAKELAX 34:3

Pex nyaux ka rawm teeih yung mai ceep ka hauk yung mai pah ti ih yung pa kluing, viang mawh nan, pex ang tawx yung ih priex heue.

YEZAKELAX 9:9

Khaix an Nawh Cao ah nin ka aux, “Phimap phighram nyiex ma ceu pui Isarelax mai ceu pui Yudax khankix, mawh pa kied ting lhaong mai haktiex hoik mawh pa naog ka nham mai veng hoik naog ka pa ang lai kaux sijax mai kix ah nin, Siyiex hoik tik vud ka haktiex mai Siyiex ang lai jhak ka heue.”

HOSE 5:1

Cao giex kaing li khankix eue, nghiet heue. Nyiex ma ceu pui Isarelax khankix eue, koe krax cu nghiet ka liak, pui daux nyiex ma simiang khankix eue, daong yhaok tix nghiet heue. Krax pa ciyang tak sang hoek piang pex kheu mawh pex kie piang gawng Mizapa mai rub pa nih tix piang gawng Tabaw heue.

AMOT 4:1

Pex pa awm miex mawie Bashan khankix, pa ot ka piang gawng Samarix eue, pa yuh krax kha rhawm pui hot shia, pa yuh krax kha rhawm pui cud cha pa ah nin ka mex pex viex rawm plix siiet hoek! kieh ex nyaux liak! nghiet ka gumlox in heue.

AMOT 6:1

Pa ot nyawm nyiem ka daux veng Zion mai pa een rhawm tix ot kaux cong ka gawng Samarix, ka kaw pa ting min khankix, pa mawh cao kaing ting ka daux ceu pui, ka pa peung nyiex ma ceu pui Isarelax khankix kah, tak koe krax kha rhawm heue.

MIKHA 2:13

Pui pa yieh daux siviex, tak sang hu ka plak sivoe kix mai kix tak preung ka daux diang siviex veng mai lih hu khaing ka daux siviex veng an. Simiang kix hu ka plak sivoe kix mai Siyiex thung kix hu heue.”

1 KAWRINTHUX 6:5

Aux ah nin sonsang kieh pex kaig tua kah, khex ang koe pui pa koe pingnya ka daux pex, pa chix ti prawng ca ka sinax puxaik tix khankix lie?

PINGNYAP 16:18

Maix tak yaog ti deuh cao prawng see mai cao kaing khankix, awm koe doeh ru pex, daux veng pa hoik tawx Simiang Siyiex, ka pex khawmuik. Kix tak prawng see ka ceu pui ka daux pa rahsee.