MIKHA 2:2 - Wa Common Language Translation

² Kix ghoing ka ma kaung khankix mai khin rhim ti teei, ghoing ka nyiex ma khankix mai kix hoik rhim tix heue. Kix yuh krax kha rhawm ka pui mai khawm paox nyiex nawh mai khawm ka kraung khrai sinngao nyiex ma nawh heue.

MIKHA 2:2 Iomraidhean Croise

1 SIMIANG 21:1

Nabok pui veng Yezerelax koe sipeem plix siiet tix gwang ka daux veng Yezerelax mai dex nyiex haw Ahap simiang Samarix heue.

2 SIMIANG 9:26

Aux yaox nham Nabok mai nham kawn simex nawh kawx; Siyiex ah nin, “Aux tak pawk bix ka maix daux biang haktiex in, in mawh pa hoik ah Siyiex heue. Mawh kheu nan, yam in teei nawh mai tik ka piang haktiex in, awm gumlox pa hoik ah Siyiex heue.”

YAWBAX 31:38

Phan haktiex ot aux kok yo deuh phimap ka aux mai phan rhoi thai khankix yiiem tau mai paox tix,

LIH HU 20:17

“Maix tak ang pon ti ghoing ka nyiex ma paox plawg tix, ang pon ti ghoing ka moeng paox plawg tix, kawncau simex kawncau bun nawh, mawie nawh, la nawh mai can ceu pa mawh cie paox plawg maix tix ceu kawx heue.”

ISAYAX 3:14

Siyiex tak sang laig ka dee prawng see, tau mai kuad song pui Nawh Cao khankix mai cub Simiang khankix mawh kheu pex hoik uik ih plix sipeem plix siiet aux; kraung pa tud rhim khaing pui hot shia hoik koe ka daux nyiex pex heue.

ISAYAX 5:8

Kieh krax pa kha rhawm koe ka piang pui an kix pa sitoe nyiex tix lhaong mai tix lhang mai pa deeh kleuk gwang kaung tix gwang mai tix gwang, tom hoik ang deeh lai koe, ka dee sang pon kix tix ot ka nong nong ka daux sigreung haktiex an heue.

YERAMIX 22:17

Viang mawh nan, ngai maix mai rhawm maix mawh ngie son pa ghoing mai son nham pui pa ang koe map grham jauh mai krax pa yeen ya mai krax kin khankix heue.”

YEZAKELAX 18:12

pa yuh krax khin ka pui pa hot sibhawm mai pui pa cud cha mai pa rhim ka kraung khrai pui ka daux pa kin mai pa ang lai deeh tawx ka kraung pa tang pui ka tix mai pa yaog ngai ti krub ka riang grang mai yuh ceu pa seeing brai,

YEZAKELAX 22:12

Ka daux maix koe pui rieb mau cun praok sonsang kieh nham jauh, maix tawx paox plawg tix yaog mau mai teei rao tom nie ka daux pa khin tix mai maix hoik piawm ka Aux, Siyiex ah nan heue.

YEZAKELAX 22:13

Mawh kheu nan jhak heue, Aux dieh taix tix ka rao mau pa pon maix daux pa ang rahsee, pa yuh tix mai ka nham pa hoik jauh ka sigreung maix heue.

YEZAKELAX 33:26

“Pex een rhawm ka lawm vaig tix, pex hoik yuh ceu pa seeing brai lud vao mai moeng paox tix, kawn keud pex ti sang pon ti cie haktiex in lie?

YEZAKELAX 45:9

“Siyiex ah nin, cao kaing Isarelax khankix eue, fah rhawm heue, tik ceu pa yuh krax khin mai pa tud rhim mai prawng ca rahsee ka pa mawh pa meh, mai paw lai baox yuh krax kha rhawm ka piang pui Aux khankix, Siyiex ah nan heue.”

YEZAKELAX 46:18

Lheu khaing an, kawn lauxsimiang tak ang pon rhim ti teei haktiex sinngao cie pui ka daux pa khin ti yuh mai grheu kix lih khaing haktiex sinngao cie kix, nawh tak yaox ti tawx sinngao ka kawn simex khankix, khaing daux haktiex cie nawh son ang pui Aux khankix yaox ti prung prang rairuat khaing sinngao haktiex cie tix heue.

YEZAKELAX 8:17

Khaix an Nawh ah nin ka aux, “Kawn pui eue, mawh hoik yaox maix lie? Grawng ceu pa seeing brai pa lud pa yuh nyiex ma ceu pui Yudax khankix tin, keud maix nawh mawh pa chaong lie? Kix hoik kieh haktiex naog ka ceu pa kin mai kix so krax pa song rhawm aux lih heue. Kix hoik giex ti deuh kak khaox ka dex gawng meeh tix heue.

AMOT 2:7

Kix kied koe rhawm ti sang dig kaing pui hot shia laig ka daux phawng tiex mai deeh tieh daux krax pui pa awn rhawm khankix hu tix plak heue. Keeing mai kawn rom ti phit vao tau mai bun tix kaux ngie, seeing yuh ceu kaux pa singax singeh Aux heue.

AMOT 4:1

Pex pa awm miex mawie Bashan khankix, pa ot ka piang gawng Samarix eue, pa yuh krax kha rhawm pui hot shia, pa yuh krax kha rhawm pui cud cha pa ah nin ka mex pex viex rawm plix siiet hoek! kieh ex nyaux liak! nghiet ka gumlox in heue.

AMOT 8:4

Pex pa sang bleet ti ih pui pa cud cha khankix mai pa kieh pui pa hot sia pui nyiex yaong khankix koe krax som nai khankix eue, nghiet ka gumlox in,

MIKHA 3:9

Pex pa mawh cao kaing nyiex ma pui Yakop mai cao pa kwang ka piang nyiex ma ceu pui Isarelax khankix eue, pa seeing ka krax pa rahsee khankix mai pa pluk pliak ti tik been pa khaw caw khankix,

MIKHA 6:12

Pui pa mag mi daux veng in mawh pa naog ka krax pa kin, pui pa ot ka daux veng an khankix hoik ah lox pie lhen mai dak daux jheeh kix mawh pa pie lhen heue.

MALAKHIX 3:5

Aux tak sang hoek dex pex, son krax ciyang, Aux tak sang mawh cao pa kham mhai rug pa kied phai, ka pui pa chix yuh phi yuh simeed khankix, ka pui pa phit vao, ka pui pa tiextu pie lhen, ka pui an kix, pa kheem ti ih ngawh kaing cao pa pon mau khankix mai ka pui pa yeen ya ti ih ka miexmai kawn doe mai ka pui an kix, pa nieb yuh ka nyo sinie khankix, kheu ang kix koe krax lhat graung ka aux heue. “Siyiex cao kru naing raoma ah nan heue.

MATHIEX 23:13

“Pui tiiem lai mai Pharishie, pui pa pie lhen khankix eue, pex tak kha rhawm, mawh kheu nyeep pex meung raoma sivoe kawn pui heue. Kheu tokaux pex kawx ang laig ka pui pa mie ti laig khankix kawx pex ang tawx akhwang khankix heue.

1 TIMOSE 6:10

Pa moh ka mau mawh riah pa caox ku ceu khawmuik mai pui tix blah kheu simie ti pon ka ceu an, hoik lud hu khaing krax yum rhawm mai hoik cun tokaux tix, pang phlat ka ceu pa khi rhawm tom nie heue.