MIKHA 2:13 - Wa Common Language Translation

¹³ Pui pa yieh daux siviex, tak sang hu ka plak sivoe kix mai kix tak preung ka daux diang siviex veng mai lih hu khaing ka daux siviex veng an. Simiang kix hu ka plak sivoe kix mai Siyiex thung kix hu heue.”

MIKHA 2:13 Iomraidhean Croise

LIH HU 14:19

Kawncau Siyiex pa hu sivoe dee bang pui Isarelax deeh gah ti hoek ka plak khaix kix mai rong paiawm pa hu sivoe kix, deeh cung ka plak khaix kix.

ISAYAX 42:7

Sonsang paoh ka ngai dug mai sonsang ploi pui pa laig thawng lih khaing daux thawng mai viex pui ngawm daux pa faik lih khaing ka daux nyiex thawng.

ISAYAX 51:12

“Mawh Aux khaing, pa mawh cao pa tawx krax nyawm rhawm pex. Mawh maix pui mawx pa koe krax lhat graung, ka pui pa tak sang yum mai ka kawn pui pa tak sang awm rib riem lie?

ISAYAX 52:12

Pex tak ang pon ti lih hu ka daux pa nied tix mai ang pon ti to hu heue. Grawh grawng nawh, Siyiex tak hu ka plak sivoe pex mai Siyiex ceu pui Isarelax tak mawh pa pau plak khaix maix heue.

ISAYAX 55:4

Aux hoik yaox nawh, mawh pui pa kham sakse ka pui khawmuik, pa mawh cao bung kwang son pui khawmuik heue.

DANYELAX 2:44

Ka daux baux ju singaix simiang inkix, Siyiex piang raoma tak sang yaog tix pang meung pa tak ang chix koe krax laux leeing tix meung mai meung an tak ang lai mawh pa prah tix ka daux pui tang ceu khankix heue.Meung in tak sang yuh laux leeing mai phawng yuh meung ankix mai nawh tak kaux cong leeing ju heue.

HOSE 1:11

Khaix an, ceu pui Yudax mai ceu pui Isarelax khankix, tak sang mawh pa kraix khrawm tix tau mai yaog ti deuh cao kaing tix kaux ka son tokaux kix mai kix tak sang lih khaing daux haktiex heue. Grawh grawng nawh, krax pa ting lhaong tak sang mawh cie singaix Yezerelax heue.

HOSE 13:14

Aux tak sang taoh titeei kix khaing daux sibrawm meung yum, Aux tak sang taoh titeei kix khaing krax pa yum heue. Krax pa yum eue, Aux tak sang mawh pa pex ka maix, meung yum eue, Aux tak sang mawh pa laux yuh maix heue. Krax caux rhawm ang koe sivoe ngai Aux heue.

HOSE 2:2

Kah kum mai miex pex, mawh kheu nawh ang mawh moeng aux mai aux ang mawh mex nawh heue. Kieh nawh tik via krax pa lud vao nawh khaing pakngai nawh mai jhawm pa lud vao nawh khaing daux sinax teeh nawh awx.

HOSE 3:5

Khaix an ceu pui Isarelax khankix, tak deeh ing sawg ti yaox Siyiex, pa mawh Siyiex kix mai khawm ka Davit pa mawh simiang kix mai koe krax lhat graung ka Siyiex mai rieb ti teei bwanson Nawh ka daux baux singaix pa sang hoek khaix in heue.

MIKHA 2:12

“Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.

MIKHA 3:1

Aux ah nin “Cao kaing ceu pui Yakop khankix mai cao pa kwang ka daux nyiex ma ceu pui Isarelax khankix eue, pex nghiet yam in, ang pex mawh pa caw ti koe krax tawng ka krax prawng krax ciyang pa rahsee heue.

MIKHA 4:7

Aux tak sang kieh pui pa chawh caong mawh pa kawn deuk mai kieh pui pa hoik grheu tix khankix mawh ceu pui pa kied ting riang rao heue. Siyiex tak sang kwang kix ka piang gawng Zion, jah ka daux yam in mai hu sivoe ngai tom hoek leeing ju heue.

ZAKHARIX 10:12

Aux tak sang kieh kix een rhawm tix kaux cong ka daux Siyiex mai kix tak sang lailing ka daux ceu kaux Nawh Cao heue. “Siyiex ah nan heue.

HEBRIE 6:20

Ka dee hoik grux laig Yesux ti mawh cao pa hu sivoe ka son ex, kheu hoik lih mawh Nawh cao giex kaing li pa ting, leeing ju, awm pa khaw mai ara Melakhizediek heue.”

YAWSUX 3:6

Khaix an, Yawsux kok ka cao giex kaing li khankix ah nin. “Yaog ti klawm khwi bwan sijax mukheu mai tiang ti hu ka plak sivoe pui khankix heue.” Mawh kheu nan, kix yaog ti teei khwi bwan sijax mukheu mai klawm nawh hu ka plak sivoe pui khankix heue.

PLAK JHI 17:14

Inkix tak sang yuh naing ka kawn Yung mai kawn Yung tak sang pex ka kix, mawh kheu mawh Nawh Cao piang cao, mai Simiang piang simiang heue. Kix pa ot tau mai Nawh Cao, mawh pa hoik kok mai pa hoik laug ti teei mai pa kaux sijax heue.”

PLAK JHI 7:17

Grawh grawng nawh Kawn Yung pa ot ka sigreung dang ngeung tak mawh cao liang kix mai thong kix hu ka rawm keut dee lih rawm im ju heue. Siyiex tak sang awt rawm ngai kix khawmuik khaing ngai kix heue.”