MIKHA 2:12 - Wa Common Language Translation

¹² “Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.

MIKHA 2:12 Iomraidhean Croise

YAM JAH 36:33

Khaix yum Bakax, kawn simex Zerax pa mawh Yawbap ceu pui haktiex Bawzarax deeh plud ti kwang khaix nawh heue.

1 GRAWNG BEEN 1:44

Khaix hoik yum Belax, Yawbap kawn simex Zerax khaing baoh haktiex Bawzarax, hoik plud ti kwang ka dah dee ot nawh heue.

ISAYAX 11:11

Ka daux singaix an, Siyiex tak sang baox nyeu taix tix ka piang an ra bawg tix bawg, sonsang deeh taoh ka pui pa kawn deuk ceu pui Nawh Cao, pa kawn prah tix ka meung Asurix mai meung Ejiptux, meung Patarot meung Khushax, meung Elam meung Shina meung Hamat mai khaing klawn tiex khankix pa koe daux rawm sigrit sigra heue.

ISAYAX 27:12

Pex pa mawh ceu pui Isarelax khankix eue mai hoek ka daux singaix an, Siyiex tak khrawm ti teei plix khaox Nawh khankix, jah khaing ka rawm klawng ting Yupharetix, tom hoek ka rawm klawng iak Ejiptux mai pex tak mawh pa kraix khrawm tix heue.

ISAYAX 34:6

Vaid lawm Siyiex hoik sak ka nham mai hoik kluing ka klon bee mai ka nham kawn yung mai pex mai ka klon bee sok lax yung mhaing. Mawh kheu Siyiex yuh krax tan pa appong ka veng Bawzarax mai yuh krax pah pa kied ting ka Edom.

ISAYAX 5:17

Khaix an kawn yung khankix tak liang tix ka daux dee mhawm rib cao kix mai ka dah dee pa yiien cie cao mi khankix ku kaux, nyo sinie tak yaox ti koe krax ih ka heue.

YERAMIX 23:3

Aux tak deeh khrawm cub kawn yung Aux pa kawn deuk khankix khaing haktiex pa hoik grheu Aux kix lih mai deeh viex kix hoek ka daux kawg yung kix mai kix tak baox pre nie haoh hun heue.

YERAMIX 3:18

“Ka daux singaix an, nyiex ma ceu pui Yudax tak yuh paox pie tau mai nyiex ma ceu pui Isarelax khankix mai kix tak hoek tau mai paox khaing haktiex plak laong mai hu ka haktiex pa hoik tawx Aux, mawh sinngao ka keeing kix heue.”

YEZAKELAX 34:11

Siyiex ah nin, “Tokaux Aux tak sang hu sawg ka yung tix mai taoh ka kix,”

YEZAKELAX 34:13

“Aux tak viex kix lih khaing ceu pui khankix mai khrawm kix khaing haktiex an mai deeh viex hoek ka haktiex cao kix, mai Aux tak liang kix ka piang gawng lua haktiex Isarelax mai ka praok rawm klawng khankix mai ka can dee ot pui daux haktiex an heue.”

YEZAKELAX 34:22

Aux tak taoh cub yung Aux mai ang lai mawh pa rhim totiag ka mai Aux tak sang prawng ca sinax yung khankix heue.

YEZAKELAX 34:31

“Pex mawh cub yung Aux, pa sawm dee klai rib Aux, pex mawh pui Aux mai Aux mawh Siyiex pex, Siyiex ah nan heue.

YEZAKELAX 36:37

“Siyiex ah nin, Aux tak kieh nyiex ma ceu pui Isarelax chawk cheng sonsang yuh ceu pa sang yuh son kix, sonsang haoh hun kix awm phung yung khankix,

YEZAKELAX 37:21

“Khaix an ah nin ka kix, Siyiex ah nin, Aux tak teei ceu pui Isarelax khaing sinax ceu pui ka dee hoik hu kix mai tak khrawm kix hoek khaing ku praok ku dawn mai viex kix laig ka daux haktiex cao kix,

HOSE 1:11

Khaix an, ceu pui Yudax mai ceu pui Isarelax khankix, tak sang mawh pa kraix khrawm tix tau mai yaog ti deuh cao kaing tix kaux ka son tokaux kix mai kix tak sang lih khaing daux haktiex heue. Grawh grawng nawh, krax pa ting lhaong tak sang mawh cie singaix Yezerelax heue.

AMOT 1:12

Aux tak sang ploi ngu hoek ka piang veng Teman, pa tak sang proe ti tik nyiex haw veng Bawzarax khankix heue.

MIKHA 2:13

Pui pa yieh daux siviex, tak sang hu ka plak sivoe kix mai kix tak preung ka daux diang siviex veng mai lih hu khaing ka daux siviex veng an. Simiang kix hu ka plak sivoe kix mai Siyiex thung kix hu heue.”

MIKHA 4:8

Maix pa mawh nyiex pau dee lhaong cub phung yung khankix mai dee pa kaux cong ot kawn bun Zion eue, tak sang deeh hoek ka maix krax kwang krax pang pa dawg koe glang ka an, pa mawh meung haktiex kawn bun veng Yerusaliem heue.

MIKHA 5:7

Ceu pui Yakop pa kawn deuk khankix, tak ot ka daux sinax pui khankix tom nie, awm rawm ciex pa lih hoek khaing Siyiex, awm rawm lhiex poe ka piang rib, pa ang lo ti pau riang rao pui mai pa ang lo ti krox jun krax teem kawn pui khankix heue.

MIKHA 5:8

Ceu pui Yakop pa kawn deuk khankix, tak ot ka dau sinax ceu pui tang ceu ka daux sinax pui khankix tom nie, awm sivai sangsi daux sinax totiag ka daux tiag daux nong, awm kawn sivai sangsi iak ka daux sinax cub phung yung khankix mai phan sivai sangsi an tiang ti hu, nawh tak dig mai puk paig ankix phawng mai pui tix kaux kawx ang lai pon ti taoh heue.

MIKHA 7:14

Liang pui Maix ka khaox gix maix, pa mawh cub phung yung sinngao Maix Cao, pa ot nong nong ka daux nong tiag khaox sinax gawng Kharamelax heue. Liang kix ka daux haktiex Bashan mai haktiex Gilat, awm ka daux baux singaix pa prim dix liak.

MIKHA 7:18

Mawh Siyiex mawx pa awm Maix Cao, pa pon pluat ploi phimap mai pa pon kieh krax pa lud sinngao pa kawn deuk Maix Cao khankix luad luan lie? Nawh Cao ang lai een ti deuh krax pa song rhawm tix leeing ju heue. Nawh Cao koe krax gaux rhawm ka daux krax pa caux rhawm heue.

ZEPHANIX 3:20

Ka daux bawg yam an, Aux tak sang deeh viex pex hoek, kraix khrawm pex tau heue. Grawh grawng nawh, aux tak sang tawx maix koe krax pa ao min mai krax pa yaog yaw, ka daux sinax pui piang haktiex khawmuik, yam dee viex Aux pui pa giex laung pex khankix hoek ka daux plak sivoe ngai maix. Siyiex ah nan heue.