MIKHA 2:11 - Wa Common Language Translation

¹¹ Phan daux rhawm rhi pui koe ceu pie lhen mai sikah lox pie lhen pa ah nin, aux tak sang krai lox jhai grawh grawng rawm plix siiet mai rawm plai khankix heue. Kaw an tak sang mawh cao jhai ka pui ceu inkix heue.

MIKHA 2:11 Iomraidhean Croise

1 SIMIANG 13:18

Nawh ah nin ka nawh, “Aux kawx mawh cao jhai tix kaux awm maix mai kawncau Siyiex hoek ti krai gumlox pa tawm Simiang Siyiex ka aux ah nin, viex nawh hoek tau mai maix ka daux nyiex sonsang ih priex mai nyaux rawm heue.” Viang mawh nan, nawh hoik pie lhen ka nawh heue.

1 SIMIANG 22:6

Khaix an, simiang pui Isarelax khrawm cao jhai pon yieh kaux tau ah nin ka kix, “Sang caw aux ti hu puing ka veng Ramot ka haktiex Gilat, phan ang mawh nan, ang caw ti hu lie?” Mai kix ah nin, “Lih hu heue, mawh kheu Simiang Siyiex tak ap tix tawx veng an ka daux taix simiang heue.”

YAWBAX 31:5

Phan aux mawh pa lawng daux krax pie kheem, phan ang mawh nan phan caong aux hoik phai hu ka daux pa kheem pa vhee pui,

LOX KAB 25:14

Pui pa yuh plakngai mai hoik ah tix tawx mai ang lai tawx khankix, awm bhaung mai paiawm pa ang viex lhiex heue.

ISAYAX 28:7

Kix hoik lud kheu rawm plix siiet mai lud krax kheu plai khien, cao giex kaing li mai cao jhai khankix hoik pleeng tix ka rawm plix siiet mai hoik lud kheu plai khien mai hoik lud loe ka gumlox pa plak jhi kieh yaox mai kix sideeing ti goh ka krax prawng ca.

ISAYAX 9:15

Kuad song mai pui pa koe min pakngai khankix mawh kaing, cao jhai pa gau krax pie lhen khankix mawh sidax heue.

YERAMIX 14:14

Siyiex ah nin ka aux, cao jhai khankix krai lox jhai pie lhen ka daux ceu kaux Aux heue. Aux ang tie ploi kix hu mai ang tie tawm lox ka kix mai ang tie plak jhi ka kix, kix krai lox jhai pie lhen mai pa sibawk mai ceu pa giex going mai pie kheem ka daux rhawm kix heue.

YERAMIX 23:14

Aux hoik yaox ceu pa seeing brai ka daux cao jhai veng Yerusaliem khankix, kix lud vao mai hu ka daux pie lhen, kix tawx riang rao ka taix pui pa yuh pa caox caig pui tix kaux kawx, ang lai deeh veeh khaing pa caox caig yuh tix heue. Kix khawmuik hoik awm pui veng Sawdom ka Aux mai pui ot ka daux veng Yerusaliem khankix, awm pui pa ot ka daux veng Gawmawrax heue.

YERAMIX 23:17

Kix ah nin ka pui pa nunai ka aux jheung jheung, Siyiex ah nin, “pex tak sang koe krax pa nhim, mai baox ah nin ka pui ku kaux pa tang hoek hu awm alo rhawm cao tix, ceu pa caox tak ang lai hoek piang pex heue.”

YERAMIX 23:25

Aux hoik mhong ka ah cao jhai khankix, ka lox jhai pie lhen ka daux min ceu kaux Aux ah nin, aux hoik camaox ti yaox, aux hoik caomaox ti yaox heue.

YERAMIX 23:32

Siyiex ah nin, jhak heue, Aux tak tieh feen ka cao jhai pa krai lox jhai pie lhen grawng camaox khankix, pa krai pa kieh pui Aux khankix lud loe ka ceu pie lhen kix mai pa tang yaw kix tix heue. Viang mawh nan, aux ang ploi kix mai ang tie tawm lox ka kix heue. Mawh kheu nan, kix krai lox pa ang tie koe bwanson ka ceu pui in khawmuik, Siyiex ah nan heue.

YERAMIX 28:15

Khaix an cao jhai Yeramix ah nin ka cao jhai Hananix, “Hananix eue, nghiet yam in heue, Siyiex ang tie ploi maix hoek, viang mawh nan maix hoik kieh ceu pui in khankix een rhawm tix ka daux pie kheem heue.

YERAMIX 5:31

cao jhai khankix ah lox jhai pa ang mawh ang meh mai cao giex kaing li khankix kawx rieb ti teei ka sibrawm pa kwang tix mai pui Aux khankix kawx khaw rhawm ka ceu an awm paox tix heue. Yam sidah ceu an khankix pex tak sang yuh ka mawx lie?

YIIEM DOE 2:14

Cao jhai maix khankix hoik yaox krax plak jhi ceu pie lhen ka son maix, kix ang nyang plak jhi krax pa lud maix, sonsang deeh viex tix pui pa giex laung maix khankix ing heue. Viang mawh nan, kix hoik yaox krax pa plak jhi ka son maix, pa mawh gumlox jhai pie lhen mai pa koe krax lud krax loe khankix heue.

YEZAKELAX 13:22

Ka pui pa rahsee pa ang Aux kieh laux rhawm khankix, pex hoik kieh laux rhawm kheu jao pie lhien an mai pex hoik tawx riang rao ka taix pui pa caox caig, son ang kix lai veeh khaing daux krax pa caox caig yuh tix mai taoh ka ju tix heue.”

HOSE 7:14

Kix ang tie kok yo ka Aux khawm rhawm tix, yam ngia kix ka piang ku it kix. Kix kraix khrawm paox tix tau son nghox koi mai rawm plix siiet pa khraox mai kix deeh yaog ti deeh tieh feen ka Aux heue.

MIKHA 3:11

Cao kaing nawh khankix, prawng see sonsang teei tix totaix pa cun praok, cao giex kaing li nawh khankix sidiex gau sonsang pon tix ngawh jum mai cao jhai nawh khankix yuh sibawk sonsang pon tix mau heue. Viang yuh nan, kix du lox tix ka piang Siyiex ah nin, mawh ang Siyiex ot ka daux sinax ex lie? Ceu pa kha rhawm tak ang lai pon hoek ka piang ex heue.

MIKHA 3:5

Siyiex ah nin, ka son grawng cao jhai khankix, pa kieh pui Aux khankix koe krax lud loe, pa kok yo ti ah nin, “Koe krax pa nhim heue. Yam yaox rhang kix ti sai pa ih, pa khre rien ti sang yuh pa caox ka piang pui pa ang tawx pa ih tix ceu kawx ka daux jheeh kix heue.”

ROMAX 16:18

Grawh grawng nawh kix pa awm kix khankix, mawh pa ang yuh son Simiang ex Cao Khrit, viang mawh nan kix keud son vaig tix khaing mai kix chix pie lhen ka rhawm kix pa ang koe dee lud, ka lox nyawm lox ghoik nyaw kix heue.

PHILIPPIX 3:19

dee sidah cie kix mawh pa laux pa leeing, Siyiex cie kix mawh vaig kix mai pa yaw kix ka mawh ceu pa kaig pa tua cie kix, kix ca keud pot grawng ceu pa dex mai haktiex heue.

1 YOHAN 4:1

Pui pa moh aux khankix eue, paw vi yum rhawm ka can khuan pa koe khawmuik, viang mawh nan cheu ti yaox ka khuan khankix grawng mawh kix pa dex dawd mai Siyiex lie, ang dex dawd lie. Mawh kheu cao jhai pa ang mawh ang meh hoik lih hu ka daux haktiex tom nie heue.