MIKHA 2:10 - Wa Common Language Translation

¹⁰ Pex yaog ti kaoh mai hu heue, grawh grawng nawh, in ang tie mawh dee pa sang laux lee pex tix, kheu mawh dah dee pa hoik seeing brai mai pa tak sang kieh pex koe krax laux leeing, tom hoik kied ting krax pa laux leeing pex heue.

MIKHA 2:10 Iomraidhean Croise

1 SIMIANG 9:7

“Khaix an Aux tak tik pui Isarelax khankix khaing haktiex pa tawx Aux ka kix, mai nyiex bwan pa yuh Aux mawh pa singax singeh ka son ceu kaux Aux in, Aux tak tik an khaing plak sivoe ngai Aux, pui Isarelax khawmuik tak lih awm lox been praix mai lox sibriem ka plak sivoe pui heue.

2 SIMIANG 15:29

Daux singaix baux ju Peka, simiang pui Isarelax, Tigalatpilesa, simiang haktiex Asurix mai hoek rhim ka veng Iyong, veng Abelax Bietmakha, veng Yanaw, veng Kedesha, veng Hazaw hakiex Gilat mai haktiex Galilie, khawm baoh haktiex Naphatalix mai nawh viex pui ot daux haktiex inkix awm pui pa giex laung ka daux haktiex Asurix heue.

2 SIMIANG 17:6

Ka daux num yam kwang Hoshe ka haktiex dim num, simiang haktiex Asurix hoik rhim ka veng Samarix mai teei ceu pui Isarelax khankix hu ka haktiex Asurix mai deuh kix ot ka daux veng Halax mai hawt baoh veng Habo, hawt rawm klawng Gozan mai ka daux veng pa koe ka daux haktiex Midix heue.

2 GRAWNG BEEN 7:20

Khaix an, Aux tak reeig ti tik kix khaing haktiex pa tawx Aux ka kix mai nyiex pa yuh Aux mawh pa singax singeh in, son min ceu kaux, Aux tak teei ti tik luan khaing plak sivoe ngai Aux mai tak yuh lox kab pa salao ka daux sinax ceu pui khankix heue.

YAOGYAW 106:38

Kix plaux kawn simex mai kawn bun kix, pa ang koe phimap mai teei nham kix mai tan ka riang grang meung Khanan mai meung an, seeing brai ka nham heue.

YAOGYAW 95:11

Mawh kheu nan, Aux kied song rhawm mai tiextu ti ah nin, “Kix tak ang pon ti laig ka daux dee laux lee Aux heue.”

YERAMIX 10:18

Mawh kheu Siyiex ex ah nin, “Jhak heue, Aux tak tik pui pa ot ka daux haktiex khankix lih yam in mai tak yuh krax kharawm ka kix, sonsang yaox kix jhawm tix heue.

YERAMIX 3:2

Yaog ngai tix ka dee lhaong mai jhak ka dee ang maix nyang sax it tau mai simex khankix maix hoik ngawm tix pau ka kix, hawt krax awm pui Arap ka daux tiagtu mai maix hoik kieh haktiex seeing brai kheu grawng lud vao maix ka bun tau mai krax pa caox caig yuh tix khankix heue.

YERAMIX 9:19

Mawh kheu hoik mhong ka lox yiiem grai khaing veng Zion ah nin, “Ex nieb hoik yaox krax tud rhim pa laux leeing yuh nin lie? Ex hoik yaox krax kaig tua pa kied ting lhaong, mawh kheu hoik tik vud ex ka haktiex mai mawh kheu hoik yieh pui ka dee ot ex khankix heue.”

YEZAKELAX 36:17

“Kawn pui eue, yam ot nyiex ma ceu pui Isarelax ka daux haktiex cao tix, kix hoik seeing yuh haktiex tix ka can pa yuh tix, kaing mai jhawm pa yuh kix hoik seeing brai sivoe ngai Aux awm bun pa hoek mee heue.

YEZAKELAX 36:19

Aux hoik rhuat kix ka daux sinax ceu pui khankix mai kix hoik prung prang ka daux haktiex kudah, Aux prawng ca kix, awm been kaing pa yuh cao kix heue.”

PINGNYAP 12:9

Yam in pex ang nyang bax hoek ka dee sang laux lee tix, ka daux haktiex sinngao pa sang tawx Simiang Siyiex ka pex.

PINGNYAP 30:18

Aux krai pao sidawng ka maix daux in singaix maix tak sang grai grup tete maix tak ang lang ju daux haktiex pa sang tiang maix plak toi rawm klawng Yawdan, sonsang laig maix teei ti cie an.

PINGNYAP 4:26

Aux tak kok yo raoma mai haktiex mawh mhai rug sonsang puing ka pex daux in singaix mai pex tak grai grup dom mawx dom an khaing haktiex pa tiang pex plak toi rawm klawng Yawdan, pa pon pex ti cie, pex tak ang yaox ti ot rheung daux haktiex an, viang mawh nan, pex tak laux lak pak leeing.