MIKHA 2:1 - Wa Common Language Translation

¹ Koe krax kha rhawm ka pui khankix, pa keud ti yuh krax pa lud mai yuh kaing ceu pa caox, ka piang ku dee it dee tum heue. Yam riang praix kix yuh an, kheu koe sibrawm taix kix heue.

MIKHA 2:1 Iomraidhean Croise

YAM JAH 31:29

Aux koe sibrawm ti yuh maix laux, viang mawh nan, Simiang Siyiex keeing maix krai ka aux daux camaox ponsawm kawx, ah nin, “Rien rhawm tix, paw lai krai Yakop mhawm ang mhawm tix ceu kawx awx.

1 SIMIANG 21:7

Mai moeng nawh Yezabelax ah nin ka nawh, “Maix mawh pa koe siawp sibrawm ka piang pui Isarelax ang mawh lie? Kaoh ih priex mai kieh maix koe krax nyawm rhawm, aux tak tawx sipeem plix siiet Nabok pui veng Yezerelax ka maix heue.”

ISATA 3:8

Haman ah nin ka simiang Ashuerux, koe cub pui khankix tix cub pa hoik prung prang mai pa hoik klu klao tix sinax pui khankix, daux veng khawmuik pa mawh haktiex maix been ot kix mawh pa tang siyox khaing cie pui mai kix ang cu ti priex rien gumlox been cie simiang, mawh kheu nan an ang lai mawh pa koe bwanson ka son simiang sonsang kawn deuh kix ot heue.

ISATA 5:14

Khaix an moeng nawh Zeriet mai khawm paox grawm nawh khankix khawmuik ah nin ka nawh, “Yuh khaox sigang, kieh lhaong tixphwan sawk mai yam hoek plak ponngawb, tawx krax pa keud maix ka simiang, sonsang teuk teue Mawdakie yum piang an, khaix an hu ka daux pa gaux rhawm tix tau mai simiang ka pawie priex khan kheu an mai ceu an mawh pa khaw rhawm Haman, mawh kheu nan nawh tom yuh tix jung khaox sigang heue.

ISATA 9:25

Yam hoik hoek Isata ka plak sivoe simiang, nawh tawm lox tix ka lai, grawng ceu pa caox caig in, pa hoik keud Haman ti yuh piang pui Yudax khankix, deeh kieh hoek piang kaing cao nawh mai teuk teue nawh mai kawn simex nawh khankix piang khaox sigang jung an.

YAWBAX 15:35

Kix nghe krax pa kha rhawm mai keh ceu pa giex going, vaig kix hoik koe kaux ka ceu pie lhen heue.

YAWBAX 24:14

Cao pa pah pui yaog ti kaoh caocao, nawh pah pui hot shia mai pui cud pui cha khankix mai daux ponsawm nawh mawh pui briex heue.

YAOGYAW 36:4

Nawh keud ceu pa caox caig pa ang mhawm ka dee it tix mai nawh hawt ka daux krax pa seeing brai mai nawh ang seeing brai ka ceu pa caox khankix heue.

YAOGYAW 36:5

Siyiex eue, krax moh krax caux rhawm Maix hoik hoek tom raoma mai sijax mukheu Maix hoek ka paiawm heue.

YAOGYAW 58:3

Pui pa ang rah ang see khankix, koe rhawm pa caox tom yam ot daux vaig miex tix mai chix pie lhen mai lud krax hu tom yam keh tix heue.

LOX KAB 12:2

Pui pa mhawm khankix, tak pon min plakngai sivoe ngai Siyiex heue. Pui pa keud pa ang mhawm khankix, tak pon krax ciyang phimap heue.

LOX KAB 14:22

Pui pa keud ka ceu pa ang mhawm khankix, chix lud krax heue. Pui pa chix keud ti yuh bwanson ka pui, pon bwanson krax caux rhawm pa kaux sijax heue.

LOX KAB 3:27

Yuh bwanson ka pui pa khaw ti pon bwanson, phan ang yuh ang pon.

LOX KAB 4:16

Phan kix ang yaox ti yuh phimap ka pui, kix ang nyawm it, phan kix ang pon ti yuh pui tix kaux kaux goh, kix ang chix laig it heue.

ISAYAX 29:20

Mawh kheu pui pa lhat graung pui ka tak grai grup, pui pa jhax lawg hoik laux leeing mai pui pa jawm ti yuh pa caox tak tat ti tik kah.

ISAYAX 3:14

Siyiex tak sang laig ka dee prawng see, tau mai kuad song pui Nawh Cao khankix mai cub Simiang khankix mawh kheu pex hoik uik ih plix sipeem plix siiet aux; kraung pa tud rhim khaing pui hot shia hoik koe ka daux nyiex pex heue.

ISAYAX 32:7

Kraung shiao pui pheem mawh pa caox, nawh keud ngie kaing pa caox, sonsang yuh pui hot laux leeing ka lox pie, viang lox sikah pui pa cud cha rahsee kawx.

ISAYAX 5:8

Kieh krax pa kha rhawm koe ka piang pui an kix pa sitoe nyiex tix lhaong mai tix lhang mai pa deeh kleuk gwang kaung tix gwang mai tix gwang, tom hoik ang deeh lai koe, ka dee sang pon kix tix ot ka nong nong ka daux sigreung haktiex an heue.

ISAYAX 59:3

Mawh kheu taix pex mawh pa hoik seeing ka nham mai gien taix pex hoik seeing ka krax pa lud, siyieb jheeh pex hoik krai lox pie lox lhen mai dak pex hoik ah lox pa ca nyhau heue.

YERAMIX 18:18

Khaix an kix ah nin, “Hoek mai kieh ex keud grawng pa sang yuh tix ka Yeramix, mawh kheu nan, gumlox tat jhawm prawng ang lai grai khaing cao giex kaing li mai krax keud ang grai khaing pui koe pingnya cuyi mai lox jhai ang chix grai khaing cao jhai, hoek mai kieh ex puing nawh ka dak tix, paw lai kieh ex nghiet ka lox pie tix gum kawx heue.

YEZAKELAX 11:2

Nawh ah nin ka aux, “Kawn pui eue, inkix mawh pui khankix, pa keud tix sang yuh krax pa lud mai pa tawx krax keud pa caox ka daux veng in,

YEZAKELAX 33:26

“Pex een rhawm ka lawm vaig tix, pex hoik yuh ceu pa seeing brai lud vao mai moeng paox tix, kawn keud pex ti sang pon ti cie haktiex in lie?

YEZAKELAX 38:10

Siyiex ah nin daux singaix an, rhawm keud pa caox caig tak lih ka daux rhawm rhi maix,

YEZAKELAX 46:18

Lheu khaing an, kawn lauxsimiang tak ang pon rhim ti teei haktiex sinngao cie pui ka daux pa khin ti yuh mai grheu kix lih khaing haktiex sinngao cie kix, nawh tak yaox ti tawx sinngao ka kawn simex khankix, khaing daux haktiex cie nawh son ang pui Aux khankix yaox ti prung prang rairuat khaing sinngao haktiex cie tix heue.

MIKHA 6:12

Pui pa mag mi daux veng in mawh pa naog ka krax pa kin, pui pa ot ka daux veng an khankix hoik ah lox pie lhen mai dak daux jheeh kix mawh pa pie lhen heue.

NAHUM 1:11

Khaing maix tak sang lih hoek pui tix kaux, pa keud ti sang yuh pa caox ka Siyiex, pa keud sawn krax pa caox caig heue.

ZAKHARIX 7:10

Paw yuh krax kha rhawm ka miexmai kawn doe, ka pui haktiex tang meung mai ka pui pa hot sia khankix awx! Paw kieh tix kaux kawx, koe krax pa sang yuh tix pa caox ka daux rhawm tix ka piang puxaik nawh heue.”

MAKUX 15:1

Daux ponngawb dom mawx dom an, cao giex kaing li ting khankix mai kuad song mai pui tiiem lai khankix mai cub cao prawng see khawmuik, kum paox tix mai phyawk Yesux mai viex Nawh Cao hu tawx ka Pilat heue.

LUKAX 20:19

Pui tiiem lai khankix mai cao giex kaing li pa ting khankix sawg ti giex Nawh Cao ka daux nari dom an heue. Kix lhat ka pui khankix, kheu tawng kix Nawh Cao hoik krai lox tiag in ka grawng kix heue.

YOHAN 19:11

Yesux baox pawk lox ah nin ka nawh, “Maix ang tau ti koe sibrawm ti yuh tix ceu kawx ka Aux, phan ang tawx ka maix khaing dee long. Mawh kheu nan kaw pa teei ti tawx Aux ka maix nie lheu ting phimap heue.”

KAWNCAU 23:12

Yam hoik riang praix pui Yudax tix blah yuh sijax mai vien rhawm tix tau greem lox tiex tu ah nin, “Ka ang ex nyang bax pon ti teei Pawlux yum ex ang ih ang nyaux heue.”

KAWNCAU 23:15

Mawh kheu nan pex khawm cub kuad song cao prawng ca khankix, nhie cao giex kaing naing pa ting viex Pawlux lih hoek ka pex mai yuh awm sang mie pex tix nie grum cox chawk nawh mai ka sang hoek nawh dex tin ex hoik rien tix pah nawh yum heue.”

ROMAX 1:30

mai pa nieb yuh plakngai pui laux mai pa koeng Siyiex kah mai pa ang chix nab yam mai pa ca nyhau ting rhawm mai pa nieb yaw tix mai pui pa lih ti keud ti yuh ceu pa caox mai pa ang chix cu nghiet ka lox miex keeing tix,

PINGNYAP 28:32

Kawn simex kawn bun maix, tak mawh pa hoek ka pui tang kaux mai ngai maix maong ti jhak ka kix, leeing lang singaix mai koe krax pa laux rhawm mai taix maix kawx tak mawh pa ang lai koe riang.