MIKHA 1:9 - Wa Common Language Translation

⁹ kheu ang khaix mat nawh chix moi, rheung tom hoek ka haktiex Yudax mai hoek ka daux siviex veng pui Aux khankix daux veng Yerusaliem heue.

MIKHA 1:9 Iomraidhean Croise

ISAYAX 3:26

Diang siviex nawh khankix tak yiiem yo mai koe krax laux rhawm, nawh hoik yiien mai ngawm ka piang tiex heue.

ISAYAX 36:1

Ka daux num kwang simiang Hezakix ka haktiex kao pon num, Shenakherip simiang haktiex Asurix hoek puing ka veng pa kaux cong ka daux haktiex Yudax mai rhim ka an khankix.

ISAYAX 36:2

Simiang Asurix ploi Rabasakha hu tau mai kru naing pa ting riang khaing veng Lakhisha ka simiang Hezakix pa ot ka Yerusaliem mai nawh cung hawt taoh rawm rawng khaing rawm dung plak laong, ka piang krax ting hu ka kaung pui pa sidaux kraung.

YERAMIX 15:18

Kheu krax saux ngia aux lai koe sijheeng mai krax mat krax lheet aux lai ang chix pai grai kheu grawng pa yuh ka mawx lie? Mawh tak sang kieh Maix Cao ceu an hoek piang aux, awm rawm klawng pa hit ang koe dee een rhawm tix ka mai awm rawm pa nai pa nawk lie?

YERAMIX 46:11

Kawn bunkrih haktiex Ejiptux, hu ka haktiex Gilat mai teei ka peeh khaox Balasan heue. Hoik shiao sidah khankix tom nie giex going maix ang tie moi jhawm saux ka heue.

MIKHA 1:12

Pui pa ot ka dau veng Marot khankix hoik kied khi ka krax jun tix son ceu pa mhawm, mawh kheu krax kha rhawm hoik lih khaing Siyiex mai hoik hoek ka daux siviex veng Yerusaliem heue.

MIKHA 6:13

“Mawh kheu nan, Aux sang tawx maix kham geu krax saux pa kied kin, ka krax pa sang yuh tix maix laux leeing kheu phimap maix khankix heue.

NAHUM 3:19

Dee mat maix ang pon pai ti moi, dee saux maix mawh pa kied kin lang teung heue. Can pui pa mhong lox pao grawng maix, tak dieh taix tix ka maix, grawh grawng nawh, mawh pui mawx pa ang sax kham krax pa caox caig awm maix sijeung lie?