MIKHA 1:16 - Wa Common Language Translation

¹⁶ Yudax eue, khlao hauk maix mai kieh kaing tix pak son kawn simex kawn bun pa moh rhawm maix khankix, kieh kaing pak tix awm klang preng, grawh grawng nawh, kix tak sang hu khaing maix ka daux krax pa giex laung heue.

MIKHA 1:16 Iomraidhean Croise

2 SIMIANG 17:6

Ka daux num yam kwang Hoshe ka haktiex dim num, simiang haktiex Asurix hoik rhim ka veng Samarix mai teei ceu pui Isarelax khankix hu ka haktiex Asurix mai deuh kix ot ka daux veng Halax mai hawt baoh veng Habo, hawt rawm klawng Gozan mai ka daux veng pa koe ka daux haktiex Midix heue.

YAWBAX 1:20

Khaix an Yawbax kaoh mai riah ka sibex lang jung ceep tix mai khlao hauk kaing tix mai nawh goh gup tix krub piang tiex heue.

ISAYAX 15:2

Kawn bun veng Dibon haok ka dee lhaong sonsang yiiem tix heue. Pui haktiex Mawbax tak sang koe krax ngia ka piang veng Nebaw, mai ka piang veng Medebax, ka piang kaing kix hoik klo ang koe hauk mai pui ku kaux hoik khlao hauk jheeh tix singax heue.

ISAYAX 22:12

Ka daux singaix an Siyiex Cao kru naing raoma hoik kok yo son krax yiiem mai son krax pa kha rhawm mai sonsang khlao hauk kaing mai sonsang ceep tix ka chee rhix heue.

YERAMIX 16:6

Pui ting pui iak khankix tak sang yum tau ka daux haktiex in mai tak ang lai yaox ti sipaung kix mai ang lai koe pui yiiem grai son kix mai ang pon ti pat tokaux cao tix mai ang pon khlao hauk kaing tix pak son kix heue.

YERAMIX 4:8

Mawh kheu grawng in, ceep ka kraung chee rhix mai yiiem riag yo ka heue. Grawh grawng nawh, krax pa kied song rhawm Siyiex ang nyang bax luan hu khaing ex heue.”

YERAMIX 47:5

Bawg yam sang khlao kaing veng Gaza hoik hoek, veng Ashakalon hoik tat khaing daux pui pa kawn deuk khaing baoh haktiex daux lung heue. Pex kawn sang pat nex rheung miex grheung lie?

YERAMIX 6:26

Kawn bun ceu pui Aux khankix eue, ceep ka chee rhix mai lu lieh tix ka daux nyaox heue. Kieh yiiem awm yiiem ka yum kawn simex tix kaux mai koe pa kied khi rhawm ka heue. Grawh grawng nawh, pui tud rhim tak hoek sijaox ka ex heue.

YERAMIX 7:29

Khlao hauk kaing maix mai tik dee singai, haok ka dee lhaong mai yiiem grai heue. Grawh grawng nawh, Siyiex hoik thiang ti tik ka pui cie Nawh Cao ka daux pa meet rhawm tix heue.”

YIIEM DOE 2:19

“Yaog ti kaoh mai kok yo plak ponsawm, yam jah praix ti riang, klup rhawm rhi maix lih awm rawm khankix, ka plak sivoe ngai Siyiex, yaog taix maix ka plak see Nawh, son ju kawn nyawm pa awn ju maix khankix, pa khrup rhawm ka cai rhawm tix, ka kaing krax ku krax heue.”

AMOT 7:11

“Amot hoik ah nin, “Yerobom tak sang yum ka vaid mai ceu pui Isarelax tak sang mawh pa giex laung ti hu khaing daux haktiex cao kix heue.”

AMOT 7:17

“Mawh kheu nan, Siyiex ah nin moeng maix tak sang mawh bun pa coh kaux ka daux veng, kawn simex kawn bun maix khankix, tak goh ti yum ka vaig, haktiex maix tak sang mawh pa tiag ti gwieh ka maox maix tak yum ka daux haktiex pa seeing brai mai ceu pui Isarelax tak sang mawh pa giex ti hu tete khaing daux haktiex cao kix heue.”

AMOT 8:10

Aux tak deeh tieh pawie pa yuh pex mawh krax khi glawh mai tieh lox lai rhax pex khawmuik mawh lox pa yiiem doe heue. Aux tak sang kieh pui ku kaux rawd nyoi tix ka man chee rhix mai kieh pui ku kaux khlao ka kaing tix pak, Aux tak kieh krax pa khi rhawm in awm pa yum kawn simex pa koe tix kaux khaing mai dee sidah nawh tak awm singaix krax pa kied kin kha rhawm heue.”

PINGNYAP 28:41

Viang maix keh kawn simex kawn bun kawx, kix tak ang mawh cie maix. Grawh grawng nawh, kix luan ti mawh pui pa giex laung ka daux taix pui koeng maix khankix,