MIKHA 1:13 - Wa Common Language Translation

¹³ Pui pa ot ka daux veng Lakhisha khankix eue, tok ti sau ling lawx ka brung pa kied phai to khankix heue. Maix hoik mawh pui pa jah ti yuh krax pa koe map koe grham ka kawn bun veng Zion mawh kheu krax pa lud ceu pui Isarelax khankix hoik mawh pa yaox tix ka daux maix heue.

MIKHA 1:13 Iomraidhean Croise

YAM JAH 19:17

Mawh kheu nan, khaix hoik viex kix hoek ka praix ah nin, “To tom klawd ju maix, paw doh gi plak khaix mai paw ot daux lung tix dah kawx to tom klawd tix piang gawng khankix heue. Phan ang mawh nan maix tak yaox krax laux leeing heue.”

1 SIMIANG 14:16

Mai Nawh Cao tak tik vud ka pui Isarelax, kheu phimap Yerobom pa yuh nawh phimap mai kieh pui Isarelax lud.

1 SIMIANG 16:31

Pa lawng nawh ti hu ka daux phimap pa yuh Yerobom kawn simex Nebat, nawh sawn mawh pa iak son tix, kheu nawh teei ti moeng Yezabelax kawn bun Etabalax simiang Sidom, nawh hu yuh kaing jhaw Balax mai krub ka nawh heue.

1 SIMIANG 4:28

Kix baox viex nghox koi mai brex nghox hoek ka son brung mai law kaux mawh kaux an, awm koe beeh glawm kix heue.

2 SIMIANG 14:19

Kix rom paox tix tieh feen Amazix ka daux veng Yerusaliem mai nawh to ka veng Lakhisha, viang mawh nan, kix ploi pui hawt khaix nawh daux veng Lakhisha mai pah nawh heue.

2 SIMIANG 18:17

Khaix an, simiang haktiex Asurix ploi cao kaing naing ting pa mawh Taratan mai cao kaing ting pa yuh kaing son nawh pa mawh Rabasarix mai khawm cao kaing ting pa kwang haktiex nawh pa mawh Rabashakhie lih hu khaing veng Lakhisha tau mai cub kru naing ting tix cub mai hu ka veng Yerusaliem sonsang puing ka simiang Hezakiyax heue. Kix hoik hu hoek ka veng Yerusaliem, yam hoik hoek bleeh kix tan mai cung hawt rawm pa kaoh khaing plak laong rawm dung pa koe ka piang daux krax pa si dau man khankix heue.

2 SIMIANG 8:18

Nawh hu ka daux krax pa hoik yuh cub simiang pui Isarelax khankix, awm krax pa yuh daux nyiex ma Ahap, mawh kheu nawh teei ti moeng kawn bun Ahap mai nawh yuh ceu pa caox caig ka daux ngai Siyiex heue.

2 GRAWNG BEEN 11:9

Veng Adawrem, veng Lakhishax, veng Azeka,

2 GRAWNG BEEN 32:9

Khaix an, Senakharip simiang meung Asurix mai riang rao cub kru naing pa ot tau mai nawh khankix lai lawm ti deuh veng Lakhishax heue. Viang mawh kawx nan, tokaux cao nawh ploi kawncau mau soi nawh khankix hu ka veng Yerusaliem ka Hezakiyax simiang meung Yudax mai pui pa ot ka daux veng Yerusaliem khawmuik ah nin,

YAWBAX 39:10

Mawh pon phyawk maix moi praix ka maox sonsang hawt nawh daux rhoi grawng thai lie? Phan ang mawh nan mawh sang cu nawh tix hawt khaix maix yam thai maix ka daux lung lie?

LIH HU 32:21

Mose ah nin ka Arun, “Pui inkix yuh patix ka maix kieh maix viex phimap pa ting hoek ka piang kix yuh ka mawx?”

ISAYAX 10:31

Veng Madamenax hoik to tua heue. Can pui pa ot ka daux veng Gebim khankix to ti glawd heue.

ISAYAX 36:2

Simiang Asurix ploi Rabasakha hu tau mai kru naing pa ting riang khaing veng Lakhisha ka simiang Hezakix pa ot ka Yerusaliem mai nawh cung hawt taoh rawm rawng khaing rawm dung plak laong, ka piang krax ting hu ka kaung pui pa sidaux kraung.

ISAYAX 37:8

Rabasakha deeh ing mai yaox ka puing simiang Asurix veng Libana, kheu hoik mhong nawh lih simiang khaing veng Lakhisha.

YERAMIX 3:8

Khaix an aux hoik yaox ka grawng ceu pa tieh feen pui Isarelax khawmuik mai hoik vao tau mai moeng kawn pui khankix heue. Aux hoik tik nawh luan singai mai hoik tawx lai gwieh mex moeng ka nawh heue. Viang yuh nan kawx, nan nawh Yudax pa kaux sijax an, ang lai koe krax lhat graung mai baox yuh kaing bun coh kaux heue.

YERAMIX 34:7

yam puing cub kru naing simiang Babulon ka veng Yerusaliem mai veng Yudax pa kawn deuk pa mawh veng Lakhishax mai veng Azaka, mawh kheu mawh ngie veng in pa kawn kaux cong khaing veng pa koe ka daux meung Yudax khankix heue.”

YERAMIX 4:29

Pui veng khankix khawmuik tak to tix lih hu, mawh kheu mhong ka lox sinum pui naing brung mai pui naing ak khankix, kix to daux tiag mai haok piang rang khankix heue. Veng ku veng tak mawh pa hoik tik vud tix mai ang lai koe pui pa ot ka daux veng tix kaux kawx heue.

YEZAKELAX 23:11

Yam yaox pux bun nawh Ahawlibax ka ceu in, nawh nie lheu koe rhawm nie yuh pa caox khaing puxke tix, pa coh kaux tix heue.

MIKHA 1:5

In khawmuik hoik mawh kheu krax lud Yakop mai kheu phimap nyiex ma Isarelax khankix heue. Mawh krax pa lud Yakop ceu patix? Ang an mawh veng Samarix lie? Dee pa lhaong pui Yudax khankix mawh ceu pa patix? Ang an mawh veng Yerusaliem lie?

YAWSUX 10:3

Mawh kheu nan, Adawnizediet simiang veng Yerusaliem, ploi pui hu ka simiang Hoham simiang veng Hebaron mai ka simiang Piram, simiang veng Yamok mai ka simiang Yaphiya, simiang veng Lekhisha mai ka simiang Debirax, simiang veng Egalon khankix ah nin.

YAWSUX 15:39

veng Lakhishax, veng Bazakat, veng Egalon,

PLAK JHI 2:14

Viang mawh nan Aux koe ceu pa deuh phimap ka maix ceeix, mawh kheu koe pui maix tan tiblah pa giex been gau Balam, kaw pa hoik gau ka Balak pa taing ceu pa sideeing sivoe kawn praix Isarelax, sonsang ih ceu pa hoik tan ka riang grang khankix mai sonsang lud vao heue.

PLAK JHI 2:20

Viang mawh kawx nan Aux koe ceu pa deuh phimap ka piang maix, mawh kheu khaw maix paox tix ka bun Yezabelax, pa dhua tokaux tix mawh yiex jhai mai nawh gau mai jeeh nyaw ka siliex Aux khankix sonsang lud vao mai sonsang ih ka ceu pa hoik tan lu ka riang grang heue.