MAKUX 9:9 - Wa Common Language Translation

⁹ Yam lih hoek kix khaing gawng, Nawh Cao tawm lox ka kix, “yuh ka mawx son ang kix krai ka pui tix kaux kawx, ka grawng ceu pa hoik yaox kix, ka ang Kawn kawn pui nyang bax deeh kaoh khaing krax yum heue.”

MAKUX 9:9 Iomraidhean Croise

MATHIEX 12:19

Nawh tak ang thiang, ang kok yo, mai pui tak ang mhong lox Nawh daux krax tix kaux kawx heue.

MATHIEX 12:40

Mawh kheu awm hoik ot Yonax ka daux vaig kax ting loe singaix loe sawm, Kawn kawn pui kawx, tak ot ka daux tiex loe singaix loe sawm heue.

MATHIEX 16:21

Jah ka yam an hu sivoe, Yesux jhi kawncau Nawh khankix yaox, grawng tak sang hu Nawh ka veng Yerusaliem mai kham geu tom nie ceu, daux tawm taix kuad song mai cao giex kaing li pa ting mai pui tiiem lai khankix mai grawng tak kham geu pa yum mai grawng tak deeh kaoh im khaix an daux loe ngaix tix ngaix heue.

MATHIEX 27:63

ah nin, “Simiang eue, yam kawn im ju Pui pie lhen an, pa ah Nawh ex kawn doh keud heue, “Khaix hoik loe singaix Aux tak deeh kaoh heue.”

MATHIEX 8:4

Yesux baox ah nin ka nawh, “Rien rhawm tix mai paw krai ka pui tix kaux kawx, hu mai jhi tokaux tix ka cao giex kaing li pa ting mai tawx pa tan awm pa nhie Mose, sonsang mawh mhai rug ka kix heue.”

MAKUX 5:43

Nawh Cao tawm lox ka kix tom nie, paw kieh pui tix kaux kawx tawng grawh grawng ceu in. Nawh Cao nhie kix tawx nawh ih pa ih heue.

MAKUX 7:36

Nawh Cao tawm lox ka kix, son ang kix krai ka pui tix kaux kawx. Viang Nawh Cao tawm lox ka kix miex ding, kix nie kieh nawh tah hu heue.

MAKUX 9:10

Kix priex ti hawt lox an mai chawk paox tix, tix kaux lai tix kaux grawng dee bleeh lox pa ah, “Deeh kaoh khaing krax yum heue.”

MAKUX 9:8

Yam an dom mawx dom an kix jhak vung viang kix ang yaox pui tix kaux kawx lheu khaing Yesux nong nong, pa ot tau mai kix heue.

LUKAX 24:46

Nawh Cao baox ah nin ka kix, “Hoik tiiem ti deuh, grawng Cao Khrit tak kham geu mai deeh kaoh im khaing krax yum daux loe singaix.

LUKAX 9:36

Yam lih hoek lox an, yaox ngie Yesux ot nong nong tix kaux khaing. Kix ang nye, ang krai grawng ceu pa hoik yaox kix khankix ka pui tix kaux kawx ka daux bawg yam ngaix an heue.