MAKUX 9:44 - Wa Common Language Translation

⁴⁴ Dee ang kawng chix yum mai dee ang ngu chix yeet.

MAKUX 9:44 Iomraidhean Croise

ISAYAX 33:14

Pui phimap daux veng Zion kawx lhat, krax yaoh hoik jhawp ti giex ka pui caox. “Mawh pui mawx daux sinax ex pa pon ot mai ngu pa hax lie, mawh pui mawx daux sinax ex pa pon ot mai ngu gleeing leeing ju lie?”

ISAYAX 66:24

Kix tak sang lih hu ti jhak ka tokaux pui pa hoik lud ka Aux. Mawh kheu viag pa koe daux kix ang chix yum mai ngu kix, mawh pa ang lai chix yeet. Kix tak mawh ceu pa seeing brai ka son pui khawmuik heue.”

MATHIEX 25:41

Yam an, ka kix pa ot plak taix khawn gwiex Nawh kawx, Nawh tak sang ah nin, pex pa mawh pa hoik jhax lawg eue, lih khaing Aux mai laig ka daux ngu leeing ju, pa hoik cox son phicaox mai kawncau nawh khankix heue.

MATHIEX 25:46

Kix tak sang hu laig ka daux pa ciyang leeing ju heue. Viang mawh nan pa rahsee khankix tak sang laig ka ju leeing ju heue.”

MATHIEX 3:12

Ka daux tawm taix Nawh koe bia yib Nawh tak kieh gwang pah nghox tix singax Nawh tak sau nghox ca cie Nawh daux krao mai Nawh tak teei grhip gleeing daux ngu pa ang chix yeet heue.”

MAKUX 9:43

Phan taix maix kieh maix sideeing caong tix, kid ti tik heue. Laux taix maix mai laig ka daux pa im ju, mhawm khaing koe taix ra khawn mai laig ka daux mawnarhok, ka daux ngu pa ang chix yeet heue.

MAKUX 9:45

Phan caong maix kieh maix sideeing caong tix, kid ti tik heue. Laux caong maix mai laig ka daux pa im ju, mhawm khaing koe caong ra khawn mai taing sau ka daux mawnarhok, ka daux ngu pa ang chix yeet heue.

MAKUX 9:48

Dee ang kawng chix yum mai dee ang ngu chix yeet.

2 THESALONIX 1:9

Kix tak sang yaox ti kham geu krax ciyang pa mawh krax pa laux leeing ju mai pa gwieh khaing pakngai Simiang mai khaing min pakngai Nawh Cao pa koe sibrawm,

PLAK JHI 14:10

nawh tak yaox ti nyaux ka khawm rawm plix siiet ceu pa song rhawm song rhi Siyiex, pa ang klao tidtix ka daux kawk pa song rhawm song rhi Nawh Cao heue. Tak sang yuh tix kieh nawh kha rhawm ka ngu mai mhat, ka sivoe kawncau Siyiex pa singax singeh khankix mai ka sivoe kawn Yung an heue.

PLAK JHI 20:10

Phicaox pa hoik pie lhen ka kix kawx teei ti taing sau ka daux nhawng ngu pa gleeing ka mhat an, dee koe khawm totiag mai cao jhai pa ang mawh ang meh an heue. Tak sang kieh kix tug kha rhawm ku ngaix ku ju leeing ju heue.

PLAK JHI 20:15

Phan yaox pui tix kaux kaux pa ang lai tiiem ti deuh ka daux phuk lai pa im ju an, teei ti taing nawh sau daux nhawng ngu an heue.

PLAK JHI 21:8

Viang mawh nan ka son pa lhat pa graung mai pa ang yum rhawm mai pa greeing mai pa mawh pa pah pui yum mai pa mawh pa lud vao mai pa mawh pa yuh simeed yuh sat mai pa mawh pa krub riang grang khankix mai can pa mawh pie lhen khawmuik, nyum cie kix tak mawh ka daux nhawng pa gleeing ka ngu mai mhat, pa mawh krax yum ra bawg tix bawg heue.”