MAKUX 9:43 - Wa Common Language Translation

⁴³ Phan taix maix kieh maix sideeing caong tix, kid ti tik heue. Laux taix maix mai laig ka daux pa im ju, mhawm khaing koe taix ra khawn mai laig ka daux mawnarhok, ka daux ngu pa ang chix yeet heue.

MAKUX 9:43 Iomraidhean Croise

YAWBAX 20:13

viang nawh lhawk ka mai ang tik, kawn ca kum daux jheeh tix,

ISAYAX 1:31

Pa ting riang tak sang awm keei saix ngu mai kaing jhaw yuh nawh tak awm situah ngu an khawm ra gleeing tau mai pui tix kaux kawx tak ang pon preet kah heue.

YERAMIX 4:4

Pex pa mawh pui haktiex meung Yudax mai pui ot ka daux veng Yerusaliem khankix eue, pat doeh hak cao maix son Siyiex mai pat ti tik toeh hak rhawm pex heue. Phan ang yuh nan, krax pa song rhawm Aux tak lih hoek awm ngu mai gleeing tom ang pui tix kaux kawx pon preet ka, mawh kheu ceu pa caox caig yuh pex khankix heue.”

MATHIEX 17:27

Viang mawh nan, son ang kix lud keud ka ex. Maix hu ka rawm nhawng mai ploi myiet tix mu mai teei kax pa liang ti pon mai yam hoik vih maix jheeh nawh maix tak yaox mau tix piak heue. Teei an tawx ka kix son Aux mai son maix heue.”

MATHIEX 25:41

Yam an, ka kix pa ot plak taix khawn gwiex Nawh kawx, Nawh tak sang ah nin, pex pa mawh pa hoik jhax lawg eue, lih khaing Aux mai laig ka daux ngu leeing ju, pa hoik cox son phicaox mai kawncau nawh khankix heue.

MATHIEX 3:12

Ka daux tawm taix Nawh koe bia yib Nawh tak kieh gwang pah nghox tix singax Nawh tak sau nghox ca cie Nawh daux krao mai Nawh tak teei grhip gleeing daux ngu pa ang chix yeet heue.”

MATHIEX 5:22

Aux krai ka pex, pui pa song rhawm ka puxaik nawh ku kaux, tee hoek dee ciyang. Pui mawx ang ah, pa ah ka puxaik nawh, tee hoek dee prawng ca cub kuad song cao prawng see khankix mai pui mawx ang ah, pa ah, maix mawh pui brai, tee hoek daux ngu mawnarhok heue.

MAKUX 9:44

Dee ang kawng chix yum mai dee ang ngu chix yeet.

LUKAX 14:13

Viang mawh nan yam yuh maix pawie, kok pui hot pui sibhawm mai pui laux maung mai pui laux caong mai pui dug ngai khankix,

LUKAX 14:21

Kawncau an deeh hoek mai krai grawh grawng ceu an khankix ka simiang nawh heue. Yam an cao nyiex an song rhawm mai ah nin ka kawncau an, nied ti hu ka gah krax ting gah krax iak, ka daux veng mai viex pui hot pui sibhawm mai pui laux maung mai pui dug ngai mai pui laux caong khankix hoek heue.

LUKAX 3:17

Ka daux tawm taix Nawh koe bya yib mai Nawh tak kieh nghox ca pa pah tix singax mai Nawh tak sau nghox ca cie Nawh daux krao mai Nawh tak teei grhip gleeing daux ngu pa ang chix yeet heue.”

ROMAX 8:13

Phan pex im hawt nex nham, pex tak lai yum, viang mawh nan phan pex kieh ceu pa yuh tokaux tix, yum kheu Khuan Cao, pex tak sang im heue.

1 KAWRINTHUX 9:27

Aux tap ka tokaux tix, sonsang kieh mawh siliex, phan ang mawh nan khaix hoik sidiex aux ka pui tang kaux, ha tokaux aux kox sang mawh pa tik vud heue.

KALATIX 5:24

Kix pa dex dawd mai Yesux Khrit, hoik tawk nex nham yum piang khaox lhak, tau mai ceu pa keud pa yuh alo nex nham heue.

KAWLAWSIE 3:5

Mawh kheu nan teei kraung pakpeung tokaux pex yum ka ceu pa koe ka piang haktiex, pa mawh pa phit vao, pa ang singax singeh, alo nex nham, pa simie pa caox, pa ghoing, pa mawh ceu pa krub riang grang heue.

TITUX 2:12

gau ka ex, sonsang thiang ex ti tik ka ceu pa ang nab yam mai pa ang khaw ka Siyiex, alo pa dex dawd haktiex, son sang chix keud ti priex rhawm tix, yuh pa rahsee, yuh pa nab yam mai ceu pa khaw ka Siyiex ka daux ju in heue.

HEBRIE 12:1

Mawh kheu yaox ex grawng koe cub pui ex pa kham mhai rug nie ding nie dod pa rob ka ex, kieh ex tik ka kraung pa cien ku ceu khawmuik mai ka phimap pa yie vung vhien kah mai kieh viex rhawm gun yeung mai to, ka ceu pa lah paox tix to pa hoik deuh ka sivoe ex,

1 PETRUX 2:1

Mawh kheu nan tik ka pa caox khawmuik mai pa kheem pa veux mai pie kheem khawmuik mai pa boh rhawm mai pa sikah lox caox khawmuik,