MAKUX 9:25 - Wa Common Language Translation

²⁵ Yam yaox Yesux cub pui hun to hoek tau, Nawh Cao ah ka phi pa seeing brai, “Phi pa aw pa lheet eue, Aux tawx lox ka maix, lih khaing daux nawh mai paw lai baox laig ka nawh heue.”

MAKUX 9:25 Iomraidhean Croise

ZAKHARIX 3:2

Siyiex ah nin ka satan an, “Satan eue, Siyiex sidiex ka maix! pa mawh Siyiex pa hoik laug ti teei veng Yerusaliem sidiex ka maix heue. Ang in mawh nge khix pa hoik yoi khaing daux ngu tix nge lie?”

MATHIEX 12:22

Yam an kix viex pui pa laig phicaox, pa dug ngai, pa aw tix kaux hoek ka Nawh Cao mai Nawh Cao cox nawh moi mai pui aw an chix sikah mai chix yaox heue.

MATHIEX 17:18

Yesux ah ka phicaox an mai phicaox an lih hu khaing nawh mai kawn simex an, moi bawg yam an tix taix nieh heue.

MAKUX 9:15

Dom mawx dom an yam yaox cub pui hun khawmuik ka Nawh Cao, kix kied daox deng kah mai to hu ka Nawh Cao mai ah lox nawb ka Nawh heue.

MAKUX 9:24

Dom mawx dom an keeing kawn nyawm an yo ah nin, “aux yum rhawm heue, teem krax ang yum rhawm aux liak”

MAKUX 9:26

Phi an kok yo mai biak nawh mai lih hu khaing daux nawh heue. Kawn nyawm an lih mawh awm pui pa hoik yum, tom pui hun ah nin, “Nawh hoik yum heue.”

LUKAX 11:14

Nawh Cao grheu phicaox pa aw lih tix kaux mai yam hoik lih phicaox an pui aw an chix sikah heue. Cub pui hun khankix kied daox deng kah heue.

LUKAX 4:35

Yesux ah ka nawh yuh nin, “Paw nye, lih hu khaing daux nawh heue.” Phicaox an kieh pui an goh sinax kix mai lih hu khaing daux nawh, ang lai kieh nawh saux ceeix kawx heue.

LUKAX 4:41

Phicaox kawx lih hu khaing pui tom nie mai kok yo ah nin, “Maix mawh Kawn Siyiex heue.” Nawh Cao ah ka kix, ang kieh kix sikah, kheu hoik tawng kix mawh Nawh Cao Khrit heue.

LUKAX 8:29

Kheu Nawh Cao hoik nhie phi pa seeing brai an lih khaing pui an heue. Kheu phi an hoik giex nawh tom nie bawg mai hoik kieh pui pau nawh phyawk nawh ka ceng mai hoik sau gang ka nawh heue. Viang mawh nan nawh pon rud maox ceng khankix dud mai phicaox an grheu nawh hu ot ka daux tiagtu heue.

LUKAX 9:42

Yam kawn tak hoek nawh, phicaox an biak nawh goh mai kieh nawh rak rawn tix sigrien sigre. Viang mawh nan Yesux ah ka phi pa seeing brai an mai kieh kawn simex an moi mai deeh tawx nawh ka keeing nawh heue.

KAWNCAU 16:18

Nawh yuh nan tom nie singaix mai kheu lulax rhawm Pawlux kah, nawh tom veeh ti ah nin ka phi an, “Aux nhie maix daux ceu kaux Yesux Khrit lih hu khaing daux nawh heue.” Phi an lih hu dom mawx dom an heue.

YUDAX 1:9

Viang mawh nan yam thung thiang Mikkhelax simiang kawncau Siyiex ka phicaox ka grawh grawng tokaux yum Mose, nawh ang ring ah lox sa lox lao ti deuh pa prawng pa ciyang ka piang nawh, viang mawh nan nawh ah ngie nin, “Kieh Siyiex ah ka maix heue.”