MAKUX 9:20 - Wa Common Language Translation

²⁰ Kix viex nawh hoek ka Nawh Cao mai yam yaox phi an ka Nawh Cao dom mawx dom an nawh nyhot kaw an goh piang tiex, nawh lulieh tix, bai lih khaing jheeh nawh heue.

MAKUX 9:20 Iomraidhean Croise

MAKUX 1:26

Phi pa seeing an, kieh pui an goh mai kok lox sinum lih hu khaing daux nawh heue.

MAKUX 9:18

Phi an giex nawh dee mawx ang ah, nyhot nawh goh mai bai lih khaing jheeh nawh mai nawh greeik rhang tix mai krawx hu heue. Aux khyox ka kawncau Maix khankix nhie kix grheu phi an lih, viang mawh nan kix ang pon grheu lih heue.”

MAKUX 9:19

Nawh Cao pawk lox mai ah nin ka kix, “Pui ju pa ang koe krax yum rhawm eue, Aux tak kawn sang ot mai pex miex grheung? Aux tak kawn sang gun yeung pex miex grheung? Viex nawh hoek ka Aux heue.”

MAKUX 9:21

Nawh Cao chawk ka keeing nawh ah nin, “Ceu in hoik hoek ka nawh miex grheung?” Keeing nawh pawk ah nin, “Mawh tom yam mawh nawh kawn nyawm iak heue.

MAKUX 9:26

Phi an kok yo mai biak nawh mai lih hu khaing daux nawh heue. Kawn nyawm an lih mawh awm pui pa hoik yum, tom pui hun ah nin, “Nawh hoik yum heue.”

LUKAX 4:35

Yesux ah ka nawh yuh nin, “Paw nye, lih hu khaing daux nawh heue.” Phicaox an kieh pui an goh sinax kix mai lih hu khaing daux nawh, ang lai kieh nawh saux ceeix kawx heue.

LUKAX 8:29

Kheu Nawh Cao hoik nhie phi pa seeing brai an lih khaing pui an heue. Kheu phi an hoik giex nawh tom nie bawg mai hoik kieh pui pau nawh phyawk nawh ka ceng mai hoik sau gang ka nawh heue. Viang mawh nan nawh pon rud maox ceng khankix dud mai phicaox an grheu nawh hu ot ka daux tiagtu heue.

LUKAX 9:39

Phi giex nawh mai nawh riag dom mawx dom an mai kieh nawh rak rawn, tom lih bai jheeh heue. Dex ang yawn khaing nawh, yuh nawh tom kreuk heue.

LUKAX 9:42

Yam kawn tak hoek nawh, phicaox an biak nawh goh mai kieh nawh rak rawn tix sigrien sigre. Viang mawh nan Yesux ah ka phi pa seeing brai an mai kieh kawn simex an moi mai deeh tawx nawh ka keeing nawh heue.

YOHAN 8:44

Pex lih hoek khaing keeing pex pa mawh phi caox, pex simie ti yuh alo keeing pex. Tom yam jah mawh pa pah pui yum, ang cung ka daux pa mawh meh, kheu pa mawh meh ang koe daux nawh. Yam ah nawh lox pie lhen, nawh lak ah lox tokaux tix, kheu mawh nawh pa chix pie lhen nawh mawh keeing pa pie lhen heue.

1 PETRUX 5:8

Rien rhawm tix mai pau tix jhak, mawh kheu pa koeng pex phicaox awm sivai sangsi pa graox mai hu lailing ti sawg kug pa sang kiied nawh ti ih heue.