MAKUX 9:12 - Wa Common Language Translation

¹² Nawh Cao ah nin ka kix, “Eliyax tak hoek phao ka tete mai cox mhawm khawmuik heue. Pa hoik tiiem grawng Kawn kawn pui, tak kham geu tom nie ceu mai pa tik vud sang yuh ka mawx?

MAKUX 9:12 Iomraidhean Croise

YAOGYAW 74:22

Siyiex eue, kaoh mai prawng ca ka see Maix liak, doh keud ka pui pa caox caig, pa sa lao ka Maix jheung jheung liak.

ISAYAX 49:7

Siyiex cao pa taoh pui Isarelax mai cao pa singax singeh, ah nin ka pui pa salao mai ka pui pa koeng ceu pui haktiex kah mai pa mawh siliex cao pa kwang haktiex, “Simiang tak jhak mai kaoh cung, cub kawn simiang tak krub ka nawh, kheu Siyiex mawh cao pa kaux sijax, cao pa singax singeh pui Isarelax, cao pa laug ka maix.”

ISAYAX 50:6

Aux tawx blawg tix ka pui an kix, pa sivied ka Aux mai tawx sibax Aux ka pui an kix pa reeig ka hauk sibax Aux heue. Aux ang lai mox pakngai khaing krax kaig tua mai khaing krax baig heue.

ISAYAX 52:14

Awm krax pa hoik daox deng pui tom nie ka Nawh, mawh kheu grang pakngai Nawh hoik nie lheu khaing pui tang kaux mai grang grao Nawh hoik nie lheu laux khaing kawn pui khankix,

ZAKHARIX 11:13

Siyiex krai ka aux ah nin, “Tik mau ngawh pa hoik tat kix pa kied nie an ka plak sivoe cao yuh aw heue. Mawh kheu nan, aux hoik teei mau tixngoe plah an mai hu tik ka daux nyiex bwan Siyiex, ka cao pa yuh aw heue.”

ZAKHARIX 13:7

Siyiex cao kru naing raoma ah nin, “Vaid eue, siduad ti kaoh puing ka cao liang yung Aux mai ka paox pie Aux heue. Tawk cao liang yung yum mai yung khankix tak sang prung prang heue. Khaix an Aux tak sang baox deeh veeh taix tix ka piang kawn yung iak khankix heue.

MALAKHIX 4:6

Nawh tak deeh veeh rhawm rhi keeing hoek ka kawn nyawm khankix mai rhawm rhi kawn nyawm hoek ka keeing. Phan ang yuh nan, Aux tak sang hoek mai tawx krax kham geu haktiex ka krax pa jhax lawg heue.

MATHIEX 16:21

Jah ka yam an hu sivoe, Yesux jhi kawncau Nawh khankix yaox, grawng tak sang hu Nawh ka veng Yerusaliem mai kham geu tom nie ceu, daux tawm taix kuad song mai cao giex kaing li pa ting mai pui tiiem lai khankix mai grawng tak kham geu pa yum mai grawng tak deeh kaoh im khaix an daux loe ngaix tix ngaix heue.

MATHIEX 26:24

Kawn kawn pui tak hu, awm hoik tiiem ti deuh grawng Nawh heue. Viang mawh nan, pui pa tik pa tawx ka Kawn kawn pui tak kha rhawm heue. Phan kaw an ang lih keh, nie lheu mhawm son nawh heue.”

MAKUX 10:33

“Jhak heue, ex tak sang haok hu ka veng Yerusaliem mai tak sang teei ti tawx Kawn kawn pui ka cao giex kaing li pa ting khankix, pui tiiem lai khankix, kix tak sang prawng kieh Nawh yum mai tawx Nawh ka pui tang ceu khankix,

MAKUX 9:13

Viang mawh nan Aux krai ka pex, Eliyax hoik hoek heue, kix hoik yuh ka nawh awm pa simie kix tiyuh awm pa hoik tiiem grawh grawng nawh heue.”

MAKUX 9:31

Kheu Nawh Cao gau ka kawncau Nawh khankix mai ah nin ka kix, “Tak sang tawx Kawn kawn pui ka daux tawm taix kawn pui khankix, kix tak teei Nawh yum, khaix hoik yum Nawh loe ngaix Nawh tak deeh kaoh im heue.”

LUKAX 1:76

Kawn nyawm eue, tak sang kok maix mawh cao jhai cie kaw pa ting lhaong khaing khawmuik, mawh kheu maix tak sang hu sivoe pakngai Siyiex sonsang cox krax heue.

LUKAX 23:11

Herut, khawm pui naing nawh khankix, nieb yuh pa ang nab ang yam, yuh pa ang cee ang cak ka Nawh, kieh Nawh ceep kraung pa jiet mhawm grang mai deeh ploi Nawh Cao hu ka Pilat heue.

LUKAX 23:39

Ka daux pui caox an kiex pa hoik preue, tix kaux ah pa ang khaw ang jiet ka Nawh Cao ah nin, “Phan Maix mawh Khrit taoh tokaux tix mai yiex heue.”

KAWNCAU 1:6

Mawh kheu nan, yam hoik khrawm kix paox tix, kix chawk Nawh Cao ah nin, “Simiang eue, Maix sang deeh tawx meung ka pui Isarelax yam in lie?”

KAWNCAU 4:11

Kaw in mawh simaox, pa hoik tik pex pa mawh cao yuh nyiex, pa hoik kieh mawh kaing ka daog heue.