MAKUX 8:35 - Wa Common Language Translation

³⁵ Mawh kheu pui mawx ang ah, pa simie ti taoh ju tokaux tix, tak sang som ju heue. Pui mawx ang ah pa som ju son Aux, son lox bwan gaux rhawm, tak pon ti taoh ju heue.

MAKUX 8:35 Iomraidhean Croise

SIDIEX 3:6

koe bawg yam sawg mai koe bawg yam grai, koe bawg yam priex deuh mai koe bawg yam luan,

MATHIEX 10:22

Pui khawmuik tak koeng ka pex mawh kheu ceu kaux Aux. Viang mawh nan, kaw pa kaux cong tom sidah, tak hoek krax taoh heue.

MATHIEX 10:39

Kaw pa sawg ti yaox ju tokaux tix tak som ju heue. Kaw pa som ju kheu Aux, tak yaox ju heue.”

MATHIEX 16:25

Pui mawx ang ah, pa simie ti taoh ju tokaux tix, tak sang som ju heue. Pui mawx ang ah pa som ju son Aux, tak sang yaox ju heue.

MATHIEX 19:29

Pui mawx ang ah pa hoik prah grham nyiex nawh, puxaik nawh, nan nawh, keeing nawh, miex nawh, kawn praix nawh, ma kaung nawh khankix, kheu ceu kaux Aux, tak sang pon bwanson tix yieh son mai sinngao ju leeing ju heue.

MAKUX 8:36

Grawh grawng nawh, phan pui tix kaux kaux pon haktiex khawmuik mai som ju tokaux tix, sang koe bwanson yuh ka mawx?

LUKAX 17:33

Pui mawx ang ah pa sawg ti taoh ju tix, tak sang som ju heue. Viang mawh nan pui mawx ang ah pa sang som ju, tak sang pon taoh ju tix heue.

LUKAX 9:24

Mawh kheu pui mawx ang ah, pa simie ti taoh ju tokaux tix, tak sang som ju heue. Viang mawh nan, pui mawx ang ah pa som ju son Aux, nawh tak pon ti taoh ju heue.

KAWNCAU 20:24

Viang mawh nan, nyawk ka mawh ju aux, ang aux lai lhawk ka ju aux, sonsang pon yuh aux tom hoik, kaing sidiex gau pa hoik pon aux khaing Simiang Yesux, sonsang pon ti kham mhai rug grawng lox bwan gaux rhawm pa dex dawd mai bwanson Siyiex heue.

KAWNCAU 21:13

Yam an Pawlux deeh pawk ah nin, “Kheu pex lai yiiem mai kieh rhawm aux laux ka? Mawh kheu aux hoik rien ti pon kham geu pa phyawk ngie ang mawh, viang mawh phan tak lai yum son ceu kaux Simiang Yesux ka veng Yerusaliem kawx pon tix heue.”

KAWNCAU 9:16

Grawh grawng nawh Aux tak sang jhi nawh yaox, grawng nawh tak sang kham geu miex ceu son ceu kaux Aux heue.”

1 KAWRINTHUX 9:23

Aux yuh kuceu khawmuik ka son lox bwan gaux rhawm, sonsang pon aux ti mawh pa rom ti pon ka lox bwan gaux rhawm heue.

2 KAWRINTHUX 12:10

Mawh kheu in aux tom gaux rhawm ka daux ceu pa iak riang aux khankix mai ka daux pa yuh pa ang cee ang cak kah mai ka daux pa lo pa hot mai ka daux pa tuktiak kah mai ka daux pa tug kha, ka son Cao Khrit, grawh grawng nawh yam iak riang aux, yam an aux tom koe riang rao heue.

2 TIMOSE 1:8

Mawh kheu nan paw kaig ka pa kham mhai ruk grawng Simiang ex mai ka grawng aux pa mawh pui pa hoik laung cie Nawh, viang mawh nan neuex mai aux daux pa kham geu pa nu son lox bwan gaux rhawm, awm pa khaw mai sibrawm Siyiex,

HEBRIE 11:35

Bun khankix hoik pon pa deeh kaoh im kawn tix khaing krax yum mai tang kaux tix blah ang rieb ti teei ka krax ploi krax taoh mai kham ceu pa tap toi yum, son sang pon kix pa deeh kaoh im pa nie lheu mhawm heue.

PLAK JHI 12:11

Kix hoik pex ka nawh kheu nham kawn yung mai kheu lox pa kham sakse kix heue. Kix ang lhawk ka ju tix, viang sidah yaox ti yum kawx heue.

PLAK JHI 2:10

Paw vi lhat ka ceu pa dex sang yaox maix ti kham geu khankix. Jhak heue, phicaox dex teei ti sau pex tiblah ka daux thawng, sonsang cheu ti yaox pex, mai pex tak sang koe krax kha rhawm been kao ngaix heue. Kieh maix kaux sijax tom yum, mai Aux tak sang tawx mhok khri pa im ju ka maix heue.

PLAK JHI 7:14

Aux deeh ah nin ka nawh, “Simiang aux eue, Maix tawng heue.” Nawh baox ah nin ka aux, “Pui inkix mawh kix pa hoik daoh khaing daux krax kha rhawm pa ting an mai kix hoik sigrhah kraung ceep kix mai kieh paing ka daux nham kawn Yung heue.