MAKUX 8:34 - Wa Common Language Translation

³⁴ Nawh Cao kok cub pui hun khankix mai kawncau Nawh khankix, hoek ka tix mai ah nin ka kix, “Phan pui tix kaux kaux mie ti hoek khaix Aux, kieh nawh thiang ti tik tokaux tix mai klawm khaox lhak tix mai hawt Aux heue.

MAKUX 8:34 Iomraidhean Croise

1 SIMIANG 14:8

aux hoik teei meung haktiex khaing doeh nyiex ma Davit mai Aux tawx ka maix, viang mawh nan maix ang awm kawncau Aux Davit, pa priex gumlox pingnyap Aux khankix mai hawt grawng lawng khaix Aux khawm rhawm ti mai yuh pa khaw plak sivoe ngai Aux,

SIMIN 14:24

Viang mawh nan phan mawh kawncau Aux Kaliep, kheu koe khwan pa siyox ka daux nawh mai hawt khaix Aux jheung jheung, Aux tak viex nawh laig ka daux haktiex dee hoik hu nawh mai doeh ru nawh tak pon ka sinngao an.

MATHIEX 10:38

Kaw pa ang klawm khaox lhak tokaux tix mai hawt khaix Aux, ang keung ka Aux.

MATHIEX 16:24

Yam an Yesux ah nin ka kawncau Nawh khankix, “Phan pui tix kaux kaux simie ti hawt khaix Aux, kieh nawh thiang ti tik ka tokaux tix mai klawm khaox lhak tix mai hawt Aux heue.

MATHIEX 27:32

Yam lih hu kix, kix yaox pui Kurene tix kaux, pa kaux Simon, mai kix khin nawh hu, sonsang kieh nawh klawm khaox lhak Nawh Cao heue.

MAKUX 10:21

Yesux jhak ka kaw an mai moh nawh mai ah nin ka nawh, “Pa taig maix kawn koe tix ceu. Hu coh pa koe maix kuceu tawx ka pui hot sibhawm khankix maix tak koe kraung khrai ka daux meung raoma mai hoek ti hawt Aux heue.”

MAKUX 7:14

Yam an Nawh Cao kok pui khawmuik hoek ka tix mai ah nin ka kix, “Pex khawmuik nghiet mai enn ti tawng heue.

LUKAX 13:24

“Nied ti coca sonsang pon ti laig ka siviex pa sikhawp sighiep heue. Mawh kheu, Aux krai ka pex, pui tom nie tak sang sawg ti laig kah mai ang pon laig heue.

LUKAX 14:33

Mawh kheu nan ka daux pex, pui mawx ang ah pa ang tik ang grham ceu pa koe tokaux tix khawmuik, ang pon ti mawh kawncau Aux heue.

LUKAX 18:22

Yam mhong Yesux lox an, Nawh Cao ah nin ka nawh, “Kawn koe pa cha maix tix ceu khaing. Hu coh pa koe maix khawmuik mai tawx ka pui hot sia khankix mai maix tak koe kraung khrai ka daux meung raoma mai hoek ti hawt Aux heue.”

LUKAX 20:45

Nawh Cao ah nin ka kawncau Nawh khankix, ka deeh pon mhong pui khawmuik.

LUKAX 9:23

Nawh Cao ah nin ka pui khawmuik, “Phan pui tix kaux kaux simie ti hawt khaix Aux, kieh nawh thiang ti tik tokaux tix mai klawm khaox lhak tix ku ngaix mai hawt Aux heue.

YOHAN 10:27

Yung Aux nghiet lox Aux mai Aux tawng ka kix, kix hawt khaix Aux heue.

YOHAN 19:17

Nawh Cao klawm khaox lhak tokaux tix hu dee kok mawh Dee Siang Kaing. Daux lox Hebrie kok mawh Gawlaxgawthax heue.

KAWNCAU 14:22

Kieh rhawm kawncau mau soi khankix kaux cong mai sidiex gau kix yuh ka mawx son kawn sang ot ka daux krax yum rhawm mai krai ka kix yuh nin, “Ex tak lai kham geu pa kha rhawm tix tom nie, mai laig ka daux meung Siyiex heue.”

ROMAX 6:6

kheu hoik tawng ex grawng pui prim ex hoik yum tau mai Nawh Cao piang khaox lhak, sonsang yieh sibrawm tokaux phimap laux, son ang ex sang baox mawh siliex ka phimap.

ROMAX 8:17

Phan mawh kawn, mawh cao pa pon sin heue. Pa mawh cao pa pon sin Siyiex mai pa rom ti pon sin tau mai Cao Khrit, phan ex rom ti kham geu tau mai Nawh Cao, sonsang pon khawm min plakngai tau mai Nawh heue.

1 KAWRINTHUX 15:31

Puxaik khankix eue, aux ca yum ku singaix, kheu pa yaw rangdi ka grawng pex, pa koe aux ka daux Simiang ex Yesux Khrit heue.

1 KAWRINTHUX 8:13

Phan pa ih kieh puxaik aux sideeing kah, aux tak ang ih nex leeing ju, son ang aux sang kieh puxaik tix sideeing kah heue.

1 KAWRINTHUX 9:19

Viang aux hoik mawh pui ploi khaing pui khawmuik kawx, aux hoik kieh tokaux tix mawh siliex ka khawmuik, son sang nie lheu pon aux pui tom nie heue.

KALATIX 2:20

Aux hoik yum tau mai Cao Khrit ka khaox lhak mai yam in aux kawn ang baox mawh pa im, Cao Khrit im ka daux aux heue. Ceu pa im aux ka daux nex nham yam in, aux im ka daux krax yum rhawm, pa mawh pa yum rhawm ka Kawn Siyiex, pa hoik moh ka aux mai hoik tawx tokaux tix son aux heue.

KALATIX 5:24

Kix pa dex dawd mai Yesux Khrit, hoik tawk nex nham yum piang khaox lhak, tau mai ceu pa keud pa yuh alo nex nham heue.

KALATIX 6:14

Paw kieh aux yaw rangdi ka tix ceu kawx lheu khaing khaox lhak Simiang ex Yesux Khrit, haktiex hoik yum ka aux mai aux hoik yum ka haktiex heue.

PHILIPPIX 3:10

sonsang tawng aux Nawh Cao mai sibrawm ceu pa deeh kaoh im Nawh mai pa yuh paox pie ka krax kham geu pa kha rhawm Nawh mai yum awm yum Nawh Cao,

PHILIPPIX 3:7

Ceu pa mawh ceu pa koe bwanson ka aux, aux hoik een hoik sawn mawh pa som pa nai son Cao Khrit heue.

KAWLAWSIE 1:24

Yam in aux gaux rhawm ka daux pa kham geu aux son pex, kieh ceu pa kha rhawm Cao Khrit pa ang nyang grum naog, naog ka daux nex nham aux, son tokaux Nawh Cao, pa mawh ceu cao heue.

KAWLAWSIE 3:5

Mawh kheu nan teei kraung pakpeung tokaux pex yum ka ceu pa koe ka piang haktiex, pa mawh pa phit vao, pa ang singax singeh, alo nex nham, pa simie pa caox, pa ghoing, pa mawh ceu pa krub riang grang heue.

2 THESALONIX 3:11

Ex mhong grawng hu pui tix blah ka sinax pex, daux pa yuh pa ang khaw, pa ang yuh kaing tidtix, pa nieb ah nieb yuh ceu pa ang dex ka tokaux tix heue.

TITUX 2:12

gau ka ex, sonsang thiang ex ti tik ka ceu pa ang nab yam mai pa ang khaw ka Siyiex, alo pa dex dawd haktiex, son sang chix keud ti priex rhawm tix, yuh pa rahsee, yuh pa nab yam mai ceu pa khaw ka Siyiex ka daux ju in heue.

HEBRIE 13:13

Mawh kheu nan kieh ex lih hu plak praix dee bang ka Nawh mai rom ti kham ka ceu pa nieb map ka Nawh Cao heue.

1 PETRUX 4:1

Mawh kheu nan awm Khrit hoik kham geu ka daux nex nham, tokaux pex kawx, rien kraung naing pa mawh rhawm pa awm an heue. Grawh grawng nawh kaw pa hoik kham geu ka daux nex nham, ang lai deeh yuh phimap heue.

1 PETRUX 4:13

Viang mawh nan, mawh kheu mawh pex pa pon ti neuex ka daux krax kham krax geu Cao Khrit gaux rhawm kah, Kheu yam lih bleeh min pakngai Nawh, pex kawx tak kied koe krax gaux rhawm heue.

2 PETRUX 1:14

Kheu hoik tawng aux bawg yam pa sang peeik aux ti deuh nyiex gox man in nied ti hoek, awm hoik grux jhi Yesux Khrit ka aux heue.

1 YOHAN 3:16

Ex tom tawng krax moh krax rhawm, mawh kheu Nawh Cao hoik deuh ju tix yum son ex mai ex kawx khaw ti deuh ju tix yum son puxaik khankix heue.

PLAK JHI 2:10

Paw vi lhat ka ceu pa dex sang yaox maix ti kham geu khankix. Jhak heue, phicaox dex teei ti sau pex tiblah ka daux thawng, sonsang cheu ti yaox pex, mai pex tak sang koe krax kha rhawm been kao ngaix heue. Kieh maix kaux sijax tom yum, mai Aux tak sang tawx mhok khri pa im ju ka maix heue.