MAKUX 8:33 - Wa Common Language Translation

³³ Nawh Cao hoik veeh mai yaox kawncau Nawh khankix, Nawh Cao ah ka Petrux yuh nin, “Satan eue, hu plak khaix Aux, kheu ang maix keud grawh grawng ceu pa dex dawd mai Siyiex, viang mawh nan maix keud grawh grawng ceu pa dex dawd mai kawn pui khaing.”

MAKUX 8:33 Iomraidhean Croise

2 SAMOELAX 19:22

Mai Davit deeh ah nin, “Kawn simex Zeruya khankix eue, aux hoik yuh ceu tix ka pax, sonsang deeh mawh pax pui koeng ka aux daux in singaix lie? Mawh sang yaox pui Isarelax ti yum tix kaux kaux daux in singaix lie?, mawh ang aux tawng hoik mawh tix simiang piang pui Isarelax daux in singaix lie?”

YAWBAX 2:10

Viang mawh nan Yawbax ah nin ka nawh, “Maix krai lox caox awm bun pa kwa pa meug tix kaux heue. Mawh sang rieb ex ti teei ceu pa mhawm khaing Siyiex mai ang ex pon rieb ti teei krax kha rhawm lie?” ka daux ceu in khawmuik, Yawbax ang kieh jheeh tix koe krax lud heue.

YAOGYAW 141:5

Kieh pui pa rahsee sivied ti gau aux liak. Tak koe bwanson heue. Kieh nawh sidiex gau aux liak. Tak mawh rawm bee pa kraix ka kaing aux heue. Baox yuh kawx, paw kieh kaing aux thiang liak. Yam in aux ot tang plak mai rawg bwan grawng pui pa nieb yuh khankix heue.

KRUB 19:17

Maix ang pon ti koeng ka puxaik tix daux rhawm ti maix tak sidiex gau ka paox plawg tix mai son ang maix kham geu phimap kheu jao nawh.

MATHIEX 15:23

Nawh Cao ang pawk lox ka nawh tix gum kawx. Kawncau Nawh khankix hoek khyox khaw ka Nawh Cao ah nin, “Kieh bun an hu liak, kheu nawh kok yo khaix ex heue.”

MATHIEX 16:23

Nawh Cao deeh veeh ah nin ka Petrux, “Satan eue, hu plak khaix Aux maix mawh dee sideeing ka Aux, kheu ang maix keud grawng ceu pa dex dawd mai Siyiex, viang mawh nan maix keud grawng ceu pa dex dawd mai kawn pui khaing.”

MATHIEX 4:10

Yam an Yesux baoh ah nin ka nawh, “Satan eue, lih hu heue, kheu hoik tiiem ti deuh, Maix tak sang krub ka Siyiex maix mai yuh son Nawh khaing.”

MAKUX 3:34

Nawh jhak piang pui pa ngawm sivie siveng Nawh khankix mai Nawh Cao baox ah nin, “Jhak heue, miex Aux mai pux Aux khankix,

MAKUX 3:5

Khaix an Nawh Cao song rhawm mai jhak sivie tan piang kix, Nawh Cao khi rhawm kheu kien rhawm kix mai ah nin ka pui an, “Nyeu taix maix heue.” nawh nyeu taix tix mai taix nawh deeh mhawm heue.

LUKAX 22:61

Simiang veeh mai jhak ka piang Petrux. Petrux doh keud ka gumlox Simiang, pa hoik krai Nawh Cao ka nawh, ah nin, “Ka daux singaix ka ang ia nyang ux, maix tak thiang ti tik vut Aux loe bawg heue.”

LUKAX 4:8

Yesux deeh ah nin ka nawh, “Hoik tiiem ti deuh ah nin, Maix tak krub ka Siyiex maix mai yuh kaing son Nawh heue.”

LUKAX 9:55

Viang mawh nan Yesux deeh veeh mai ah ka kiex.

1 KAWRINTHUX 5:5

tawx pong pui pa yuh nan ka Satan ti kieh yuh nex nham nawh laux, yuh ka mawx sonsang hoek khuan nawh krax taoh ka daux singaix Simiang Yesux heue.

PHILIPPIX 3:19

dee sidah cie kix mawh pa laux pa leeing, Siyiex cie kix mawh vaig kix mai pa yaw kix ka mawh ceu pa kaig pa tua cie kix, kix ca keud pot grawng ceu pa dex mai haktiex heue.

1 TIMOSE 5:20

Ah ka kix pa yuh phimap sivoe ngai pui khawmuik, yuh ka mawx son pui pa deuk khankix kawx, sang lhat graung kah heue.

TITUX 1:13

Lox pa kham mhai rug an mawh pa mawh meh heue. Mawh kheu nan nied ti ah ka kix son sang kieh kix kaux cong ka daux krax yum rhawm,

1 PETRUX 4:1

Mawh kheu nan awm Khrit hoik kham geu ka daux nex nham, tokaux pex kawx, rien kraung naing pa mawh rhawm pa awm an heue. Grawh grawng nawh kaw pa hoik kham geu ka daux nex nham, ang lai deeh yuh phimap heue.

1 YOHAN 2:15

Paw vi moh ka haktiex, viang ceu pa koe ka daux haktiex kawx, paw vi moh ka heue. Phan pui tix kaux kaux moh ka haktiex, krax moh krax rhawm Keeing Cao ang koe ka daux nawh heue.

PLAK JHI 3:19

Ka can kix pa moh Aux ka, Aux ah ka mai sivied ti gau ka heue. Mawh kheu nan nied ti coca mai doh keud ka phimap tix awx.